تقرير عن بايونير 6450 وشكر خاص للعضو المحترم dell
السلام عليكم ورحمة الله وبركاته
ازيكم جميعا يارب كلكم تكونو بالف صحة وخير وسعاده وهنا وبمسى على احلى شباب فى احلى منتدى فى الدنيا كلها
اولا الحمد لله
ثانيا انا بشكر رفيقى فى هذا المنتدى محمد عادل الشهير بديل
لانى زهقته وقرفتة وكل شوية اتصل بيه اسئلة اعمل ايه
الحمد لله رزقنى الله واشتريت كاسيت بايونير 6450 وخلاصة القول البايونير حاجة والسونى حاااااااااااااااااااااااا اااااااجة تانية خالص
انا مكنتش متخيل قد ايه الفرق بين السونى والبايونير مع انى كنت مركب سونى 4050 ودا موديل حديث جدا جدا
بس البايونير برقبتة واقتنعت ان فعلا كاسيت سيارة يعنى بايونير مش اى موديل تانى
المهم وركبت عليه سماعتين كينوود 400 وات دبل بيزوطبعا عملتلهم رف خشب مكسى بالموكيت وخلعت سماعات الاستوك اللى موجودة فى الابواب الامامية وركبت سماعتين كينوود 270 وات عادية
بس تقريرى بقى
الكاسيت البايو سوبر الترا ممتاز مقارنة بالسونى
سماعات الكينوود الدبل بيز دى حاجة وهم ومش محتاجة جى ام خالص
سماعات الكينوود الصغيرة بتطلع صوت انقى من سماعات السونى بس السونى بتجمع بيز اعلى بس السونى برضة مع الصوت العالى بترقع
لى ملحوظة على الكاسيت انى كنت فى السونى بجيب الصوت على 27 بتسور اما البايو ممكن علشان اوصل للصوت اللى بسمعه فى السونى على 27 اوصل فى البايو لحد 38
لسة مش عارف اخد علية خصوصا ان الكاسيت زرايرة مش كتير وانا بقالى فترة كبيرة متعود على السونى ولسة مش عارف اظبط الراديو