توكيل قيادة السيارة

**WalidAdel** · 07-09-2008 06:17 PM

لأ لازم التوكيل ده انا وقفوني كتير ايوي علشان التوكيل ده
هو لو عايز يطلع منك فلوس حيفضل يسالك علي اي حاجه ممكن
انا بعد ماسالني علي التوكيل و لقاه معايا سكت شويه كده و فكر و قالي طب معاك طفايه الصراحه كان رخم رخم يعني و عايز يطلع باي مصلحه اعمله و مش حتخصر حاجه يعني
و بالنسبه للعربيات الكتير دي ممكن تعمل توكيل واحد مع ذكر ارقام العربيات دي بس دا طبعاً اذا مان اسم الوالد في رخصة العربيه يعني تكون العربيات ياسم الوالد بس و اللع اعلم

**شاهين - بنز** · 07-09-2008 06:30 PM

مش لازم أي توكيل صاحبي بيسوق بعربية والده وعدا على ميت كمين ومحدش كلمه

**Hassan Khalil** · 07-09-2008 06:37 PM

المشاركة الأصلية كتبت بواسطة شاهين - بنز

مش لازم أي توكيل صاحبي بيسوق بعربية والده وعدا على ميت كمين ومحدش كلمه

حظه حلو ....
و ممكن ييجي حظه في لجنة غلسه .. و يتغابوا معاه

**OlaOsman** · 07-09-2008 06:51 PM

المشاركة الأصلية كتبت بواسطة Hassan Khalil

حظه حلو ....
و ممكن ييجي حظه في لجنة غلسه .. و يتغابوا معاه

زي ما حصل مع وليد كده:

المشاركة الأصلية كتبت بواسطة walidadel

لأ لازم التوكيل ده انا وقفوني كتير ايوي علشان التوكيل ده
هو لو عايز يطلع منك فلوس حيفضل يسالك علي اي حاجه ممكن
انا بعد ماسالني علي التوكيل و لقاه معايا سكت شويه كده و فكر و قالي طب معاك طفايه الصراحه كان رخم رخم يعني و عايز يطلع باي مصلحه اعمله و مش حتخصر حاجه يعني

**dede_dodo88** · 07-09-2008 06:57 PM

واضح أن مفيش رأي ثابت في الموضوع ده
و أنا عن نفسي محتار أعمل التوكيل ده وللا لأ لأني باخد عربية أختي لوحدي
هو منطقياً التوكيل ده ملهوش أي لازمة لأن تشابه الأسماء واضح فبعد كده ظابط المرور بقى ملهوش دعوة أنا أخدت العربية منها أزاي لأن دي حاجة بيني و بين أختي
لكن الخوف كله فعلاً من أي ظابط يتنح في الحتة دي
في مرة أتوقفت في لجنة كنت أنا اللي سايق بس أختي كانت معايا فالظابط قرأ الأسم اللي في رخصة العربية و سألني مين xxxxx ؟ فقلتله أختي أهي معايا
متكلمش بعدها بس أنا اللي سألته عن أمكانية اني أخد العربية من غير ما تكون معايا فقالي لازم أعمل التوكيل ده
ومعملتوش و باخد العربية لوحدي لكن لسة متوقفتش في لجان من بعدها :)

**د.أحمد سمير** · 07-09-2008 10:16 PM

يا جماعة فيه فرق بين القانون والممارسة القذرة التي نراها ..
السيارة ملكية خاصة .. والقانون لا يمنع أي شخص يقود أي سيارة ملك أي شخص آخر
ولكن ..
لجان المرور من مهمتها الوقاية وكشف الجرائم علشان كدة سؤالهم عن علاقة قائد السيارة بصاحبها سؤال طبيعي .
وفي الأساس لا توجد أية مخالفة حتى لو سايق عربية صاحبك أو شخص لا علاقة مباشرة لك به .. فالقانون لم يتضمن مخالفة على قيادة السيارة من غير صاحبها .

يبقى المتبع ما يلي :
1. أقارب الدرجة الأولى : أب أم ابن بنت زوج زوجة .... كلهم لهم الحق إذا ما كنت تحوز أي مستند يثبت علاقتهم بك ، وهذا مفروغ منه بين الأب والابن والزوجة ، وممكن ببساطة تشيل صورة بطاقة والدتك اللي فيها اسم والدك للتدليل على القرابة ، وكذا صورة بطاقة زوجتك .. وأي تغليس في هذه الحالة اخرم عين اللي بيقولك فيها أي حاجة ..
التغليس الجامد بييجي فيما دون هذه الدرجة
2. سيارة الأخ والأخت سهلة لأن الاسم مشترك فيما بينكما .
3. سيارة أي قريب تاني بقى فيها مشكلة .. وببساطة هتكون مضطر إن صاحب العربية يجيلك القسم ويطلعك .. ودي حالات نادرة برضة ..

من وجهة نظري الشخصية البحتة .. التوكيل مهم في عدة حالات :
1. الاعتياد على قيادة السيارة لفترات طويلة لشخص من أقارب الدرجة الثانية أو أقل .
2. في حالة سفر صاحب السيارة وتركها لك لأنه في هذه الحالة محدش هيجيلك القسم .
3. اتقاء شر الضباط الغلسة اللي ممكن يغلسوا بغباوة

تقبلوا خالص مودتي