المشاركة الأصلية كتبت بواسطة 4fun14
الناس مستغربه الموضوع اوى..
بس انا عندى نفس مشكله صاحب الموضوع ..معايا لانوس"والفيرنا احسن"
ومش شايف عربيه تحسسنى انها تستاهل فرق الفلوس
انتوا بتقولوله فليوانس واوبل و بى ام وكورولا..طيب جميل بس كل دول out of budget!
الراجل عاوز زيرو ف حدود ال 120 الف وفعلا انا متفق معاه انه مش هيلاقى حاجه تحسسه بالفرق الكبير بينها وبين عربيته طالما مريحاه واعطالها قليله..وحسب سواقتك برضه
يعنى واضح انه زى حالاتى مش بيسافر بيها كتير ومقضيها ف وسط البلد
مصاريفها كلام فارغ..تكييف زى الفل وسحب تمام وعربيه ناعمه..اعطالها بسيطه و ب 400ج تعمل صيانتها من الالف للياء.
عارف ان الفرامل زفت وان الفيرنا ثباتها وحش على سرعات عاليه "بس هو انت بتجيب سرعات عاليه امتى اصلا ف القاهره؟!"
انا تفكيرى عن نفسى ان بعد اللانوس او الفيرنا مش هيملى عينك غير عربيه اوروبى او سيفيك
وبما ان الميزانيه محدوده ومش عاوز مستعمل يباه البيجو 301 هى الحل وده اللى بفكر فيه جديا دلوقت "محتار بين اوبل مستعمل او 301 جديد"
وربنا يباركلك ف عربيتك يا باشا
