عرض للطباعة
لو سمحتوا كنت عايز اعرف هل فيه مشاكل لو غسلت الردياتير و دوره المياه ( طبعا من غير مياه نار ) و حطيت مياه تبريد موبيل تركيز 33% ( العربيه فيها مياه من الحنفيه من حوالى 6 شهور و ردياتير نحاس من 6 شهور بردو ) ؟ و العربيه بتاخد كام لتر و ايه النصايح ؟ و المروحه عندى بتشتغل على السرعه التانيه بس من غير الاولى لما الحراره بتقرب من 90 ( 80 - 84 ) هل ده عادى ولا اغير ثرموستات الحراره ؟ و شكرا
حضرتك اعتقد ان الغسيل بمياه النار افضل الانه بيشيل الرواسب و الصدي و كده و يفضل تروح لحد بتاع ريدياتير يغسله علشان ميحصلكش حاجه لقدر الله
بالنسبه لمياه موبيل الاسف مجربتهاش بس اكيد هتكون احسن الاني اعرف انها بتحافظ علي الريدياتير من الصدي و كمان بتمتص الحراره بشكل افضل حسب مسمعت
الحراره اللي بتشتغل عليها المروحه دي اناا شايف انها طبيعيه و عاديه جدا متقلقش طالما المؤشر معلاش عن الطبيعي بتاعه
أي حاجة غير مياه الحنفية طبعا أحسن ونظف الراديتير بفلاش وبالجهاز بعد كده في البنزينة وحط مياه خضراء أنتفريز ودمتم للنضال
الغسيل بمياه النار بينضف اكثر و لكن بيضر الردياتير بردو و شكرا جزيلا للرداقتباس:
المشاركة الأصلية كتبت بواسطة volk
ان شاء الله ده الى هيحصلاقتباس:
المشاركة الأصلية كتبت بواسطة saddam
مياه موبيل ممتازة وأنا مجربها الجركن 4 لتر ب 80 جنيه من حوالى 4 شهور ممكن يكون زاد فى الفترة الأخيرة
لكن أنصحك طالما كنت بتحط مياه حنفية يبقى تروح الأول لفنى ريداتير ينضفه ويضبطه وحط الأول مياه مقطرة أو مياه حنفية ( المقطرة أفضل طبعاً أو مياه تكييف ) لمدة يومين عشان تتأكد إن مفيش تسريب ولما تلاقى الدنيا أتظبطت وكله تمام تقوم منزل المياه وغسلة كمان للدورة بالمياه الجارية والموتور شغال لمدة دقيقتين وحاطط مياه موبيل على نضافة .
لآن مياه الحنفية بتعمل صدأ وشقوق فى الريداتير والدورة ولما تنضف وتحط مياه موبيل بتظهر الشقوق دى وتعمل تسريب ووقتها ممكن المياه تنزل على الأرض وتخسر تمنها . الموضوع ده حصل معايا قبل كده فأنا بحكى من واقع تجربة
تم التنفيذ بحمد الله وكله تمام بس انا متاكد ان مفيش تسريب عشان كده نظفتاقتباس:
المشاركة الأصلية كتبت بواسطة lidosasa
و حطيت مياه التبريد و شكرا للرد
بص ال 131 مابترتاحش غير مع ترموستات 80-90 , غير كدا المروحه تشتغل كتير و الماتور يبرجل
6 شهور مش كتير ع الرادياتير , نضفه كويس و ممكن بيتغسل بخل بردو
الخل اخف بكتير جدا من ميه النار و ينضف الرادياتير تمام
ميه خضرا موبيل ممتازه و كل الي جربها بيشكر فيها
الحمد لله نظفت الردياتير و حطيت مياه التبريد و كله تمام و شكرا جزيلا للرداقتباس:
المشاركة الأصلية كتبت بواسطة saadelden