الدولار بينزل والعربيات لسا بتغلى برضوا :d

**أحمد خاطر** · 12-09-2013 10:53 AM

طيب هو إحنا مينفعش نعمل أي حاجة في الموضوع ده..؟ يعني الناس اللي بتعمل صيانات في التوكيل تسيب شكاوي عن المغالاة في الأسعار..مظاهرات إلكترونية على صفح الشركات و المعارض الرسيمة عالنت..؟ يعني هنفضل ساكتين..؟ الدولار غلي 15% تقريباً..العربيات غليت أكتر من 25% عالأقل..! يعني مش موضوع سعر دولار ..ده موضوع جشع و استهبال.. و العربيات بتنزل فاضية أصلاً مش بنفس الكماليات و الأوبشنز زي إخواتها في البلاد التانية..

**ahmedteam** · 12-09-2013 11:32 AM

المشاركة الأصلية كتبت بواسطة imhotep

العربيات عمرها ما هتنزل حتى لو الدولار رجع بقى بخمسة جنيه...... هو من امتى فى اى منطق فى تسعير اى عربية فى مصر..... الكارينز الجديدة الهاى لاين سعرها 220 الف جنيه..... يعنى زاد سعرها 80 الف جنيه عن الهاى لاين بتاع الشكل القديم اللى كان بينتباع السنة اللى فاتت...... يعنى سعرها زاد تمن عربية تانية لمجرد شكل جديد و كام اوبشن زيادة..... ده بقى يبقى اسمه ايه...... يبقى اسمه استهبال

تجار السيارات فى مصر بيتعاملوا مع العربيات على انها سلعة رفاهية و اللى ممعاهوش ميلزموش...... و بما ان فى قطاع فى البلد معاه فلوس و ميفرقش معاه و بيجيب اللى مزاجه فيه و خلاص يبقى التجار هيفضلوا يبيعوا بمزاجهم و يغلوا كمان و كمان...... الكارينز الجديدة ام 220 الف لولا انها لقت حد يشتريها بالسعر ده ماكانتش ثبتت عليه

كلام من الاخر كنت داخل اقول الكلام ده

**gade2** · 12-09-2013 07:05 PM

اصل الدولار متذبذب

**Bassem Youssef** · 12-09-2013 11:22 PM

اسعار السيارات في مصر ليس لها علاقه بسعر الدولار
لها علاقه فقط بمزاج التوكيلات

تحياتي

**koshakindnes** · 13-09-2013 12:22 AM

واضح ان فى اجماع ان الى بيزيد مبيقلش

**sha2e** · 13-09-2013 03:10 PM

طالما مفيش قانون لحماية المستهلك محدد فيه نسبة مئويه للربح لا يتخطاها التاجر
يبقى مفيش مشكله ان التاجر يشتري السلعه بـ 10 قروش ويبعها بـ 20 أو 30 قرش بنسبة ربح 100% و 200%

الخلاصه : ما يحدث فى مصر لا يمكن ان لا يطلق عليه سوى " احتكار " وليس تجارة
وهذا فى اغلب المجالات ليس فى السيارات وحدها

**mohamed hussei** · 13-09-2013 04:13 PM

المشاركة الأصلية كتبت بواسطة sha2e

طالما مفيش قانون لحماية المستهلك محدد فيه نسبة مئويه للربح لا يتخطاها التاجر
يبقى مفيش مشكله ان التاجر يشتري السلعه بـ 10 قروش ويبعها بـ 20 أو 30 قرش بنسبة ربح 100% و 200%

الخلاصه : ما يحدث فى مصر لا يمكن ان لا يطلق عليه سوى " احتكار " وليس تجارة
وهذا فى اغلب المجالات ليس فى السيارات وحدها

مفروض يتعمل نظام صح مثل انا بنتج سلعة ب 10 قروش الحكومة تحددلي سعرها علي احتيجات سوق مثل انا بعرض بضاعة مش اي حد بيعرضها يبئا مثل ربحي 7 قروش واكيد العربيات مش هتوصل لنسبة ربح دي اساسا لان مفروض مفيش شركة محتكرة سوق السيارات

**sha2e** · 13-09-2013 05:26 PM

المشاركة الأصلية كتبت بواسطة mohamed hussei

مفروض يتعمل نظام صح مثل انا بنتج سلعة ب 10 قروش الحكومة تحددلي سعرها علي احتيجات سوق مثل انا بعرض بضاعة مش اي حد بيعرضها يبئا مثل ربحي 7 قروش واكيد العربيات مش هتوصل لنسبة ربح دي اساسا لان مفروض مفيش شركة محتكرة سوق السيارات

لا يا فندم المفروض يتحدد نسبة ربح ميزدش عنها ويتطبق القانون على الجميع
وبخصوص سوق السيارات يعتبر احتكار لان كل توكيلات السيارات فى مصر توكيلات حصرية يعني كل ماركه ليها وكيل واحد فقط ملوش حد تاني ينافسه

وزير التضامن والتموين " عبد الخالق جودة " كان أصدر قرار آخر سنة 2011 بعدم زيادة هامش الربح عن 30% لكن للاسف القرار لم يطبق وبعد ما اتعمل مجلس شعب وشورى طبعا مكنوش فاضيين للكلام ده
حضرتك مفيش اى دوله محترمه فى العالم بيحصل فيها الى بيحصل فى مصر ده
عندك مثلا بعض وكلاء السيارات الى بيجمعو السيارات فى مصر (يعني مبيدفعش عليها جمارك) مكسبه فى العربيه الواحد أكتر من 45 الف جنيه يعني أكتر من نص تمنها
يعنى لما تيجي تشتري العربيه بتدفع تمنها مرتين مره فى العربيه ومره فى جيب الوكيل
فى دولة محترمه فى العالم يحصل فيها كده

والكلام ده فى كل المجالات حديد - اسمنت - سيارات ..........الخ
وطالما مفيش قانون يحاسبه على نسبة ربحه يبقى طبيعي كلهم يرفعو الاسعار مع بعض

**MOTOR HEAD** · 13-09-2013 06:51 PM

انسى

بس اعتقد ان التجار هيعملو عروض مش تخفيضات يعنى

بمناسبه المدارس العيد البتنجان اى حاجه عشان يشحعوا الناس ؛)
السوق نايم

**ramymechanics** · 14-09-2013 10:35 PM

المشاركة الأصلية كتبت بواسطة motor head

انسى

بس اعتقد ان التجار هيعملو عروض مش تخفيضات يعنى

بمناسبه المدارس العيد البتنجان اى حاجه عشان يشحعوا الناس ؛)
السوق نايم

بمناسبة السوق النايم أنا كلمت الطارق أسأله على الفلوانس قالى عندى تلات ألوان من الفئة الى أنت عاوزها تانى يوم حصل لى ظروف مرحتش أشترى رحت بعديها بيوم قالى لﻷسف مش فاضل غير واحدة بس موكا ... يعنى اتباع منها اتنين فى يوم واحد من معرض واحد لعربية سعرها فوق ال 170 ألف ... بجد احنا بلد عجيب جدا