صيانة ال ١٠٠٠٠كم ل بيجو ٣٠١

**3arbi4ever** · 12-09-2013 01:58 AM

السلام عليكم حبيت بس افيدكو ببعض المعلومات حول صيانة ال ١٠٠٠٠ كم لبيجو ٣٠١ . الحمد لله انا ماشي بالعربية لحد دلوقتي ١١٠٠٠كم في البداية كلمت الكول سنتر بتاع بيجو واخترت الميعاد اللي كان يوم الخميس اللي فات الموافق ٥/٩/٢٠١٣ وتم اختيار مركز صيانة بيجو صلاح سالم . وصلت في الميعاد المظبوط وكان المركز زحمة عشان يوم الخميس وكان كل العربيات ال ٣٠١ الموجودة بتعمل صيانة ال ٢٥٠٠ ما عدا انا . المهم استلمو العربية في حدود الساعة ١٢.١٥ ضهراً ومابدأوش شغل فيها غير الساعة واحدة وشوية بسبب الزحمة سألوني عن اي مشاكل معينة بواجها . كان فيه صوت بسمعه في العفشة مع الفرامل كان ظهر مؤخراً في اخر ٢٠٠٠ قالولي هنشوف وهنجرب . بعد كده قاموا بتغيير الزيت حطوا موبيل ال ١٠٠٠٠ دي نقطة مهمة اللي يروح يغير زيت يسألهم لو ينفع تجيب الزيت من بره عشان كلنا عارفين اني موبيل ده تعبان . المهم غيروا الزيت والفلتر ونضفوا فلتر الهو والتكييف ونضفو الموتور بالهوا و اسبراي كده بيستخدموه وبتتحاسب عليه . خلصت الصيانة في حدود الساعة ٢:٣٠ طلعت جربت وكانو ربطول العفشة واختفي الصوت اللي قلتلكوا عليه جربت التكييف وكلو تمام . رجعت عشان ادفع فقابلني مهندس الضمان قعد اتكلم معايا وسالني عن اي مشاكل واجهتني مع العربية او في التعامل مع المكان . قلتله عن كل انطبعاتي و قلتله عن شكواي الوحيد اللي بخصوص اني عاوز اركب سماعات للكاسيت ومهندس الصيانة مرة يقولي مفيش ومرة معرفش ومرة روح غمرة ومرة مينفعش . بعد ما كتب كل ملاحظاتي طلع معايا يبص علي العربية ويشيك عليها بنفسه . في الوقت ده رحت انا عشان ادفع تكاليف الصيانة وقمت بدفع مبلغ ٥٨٥ جنيه شاملة ثمن الزيت والفلتر الزيت ب ٢٧٠ تقريبا والفلتر ٤٢ جنيه تقريبا والاسبراي ٢٧ جنيه و مصنعية ١٩٠ جنيه وضريبة وغيره والمجموع النهائي ٥٨٥ جنيه . استلمت العربية وكان مهندس الضمان سايبه لسه بيشيك علي العربية سلمت عليه وشكرته وفي طريقي للذهاب طلب مني استني كمان شوية يغسلي العربية بس انا كنت مستعجل فشكرته وذهبت في طريقي ....... صوت الموتور بعد تغيير الزيت اهدي كتيييير خصوصاً علي السرعات العالية والحمد لله العربية تمام وكله زي الفل ...

**Hema_Basha** · 12-09-2013 02:40 AM

المشاركة الأصلية كتبت بواسطة 3arbi4ever

السلام عليكم حبيت بس افيدكو ببعض المعلومات حول صيانة ال ١٠٠٠٠ كم لبيجو ٣٠١ . الحمد لله انا ماشي بالعربية لحد دلوقتي ١١٠٠٠كم في البداية كلمت الكول سنتر بتاع بيجو واخترت الميعاد اللي كان يوم الخميس اللي فات الموافق ٥/٩/٢٠١٣ وتم اختيار مركز صيانة بيجو صلاح سالم . وصلت في الميعاد المظبوط وكان المركز زحمة عشان يوم الخميس وكان كل العربيات ال ٣٠١ الموجودة بتعمل صيانة ال ٢٥٠٠ ما عدا انا . المهم استلمو العربية في حدود الساعة ١٢.١٥ ضهراً ومابدأوش شغل فيها غير الساعة واحدة وشوية بسبب الزحمة سألوني عن اي مشاكل معينة بواجها . كان فيه صوت بسمعه في العفشة مع الفرامل كان ظهر مؤخراً في اخر ٢٠٠٠ قالولي هنشوف وهنجرب . بعد كده قاموا بتغيير الزيت حطوا موبيل ال ١٠٠٠٠ دي نقطة مهمة اللي يروح يغير زيت يسألهم لو ينفع تجيب الزيت من بره عشان كلنا عارفين اني موبيل ده تعبان . المهم غيروا الزيت والفلتر ونضفوا فلتر الهو والتكييف ونضفو الموتور بالهوا و اسبراي كده بيستخدموه وبتتحاسب عليه . خلصت الصيانة في حدود الساعة ٢:٣٠ طلعت جربت وكانو ربطول العفشة واختفي الصوت اللي قلتلكوا عليه جربت التكييف وكلو تمام . رجعت عشان ادفع فقابلني مهندس الضمان قعد اتكلم معايا وسالني عن اي مشاكل واجهتني مع العربية او في التعامل مع المكان . قلتله عن كل انطبعاتي و قلتله عن شكواي الوحيد اللي بخصوص اني عاوز اركب سماعات للكاسيت ومهندس الصيانة مرة يقولي مفيش ومرة معرفش ومرة روح غمرة ومرة مينفعش . بعد ما كتب كل ملاحظاتي طلع معايا يبص علي العربية ويشيك عليها بنفسه . في الوقت ده رحت انا عشان ادفع تكاليف الصيانة وقمت بدفع مبلغ ٥٨٥ جنيه شاملة ثمن الزيت والفلتر الزيت ب ٢٧٠ تقريبا والفلتر ٤٢ جنيه تقريبا والاسبراي ٢٧ جنيه و مصنعية ١٩٠ جنيه وضريبة وغيره والمجموع النهائي ٥٨٥ جنيه . استلمت العربية وكان مهندس الضمان سايبه لسه بيشيك علي العربية سلمت عليه وشكرته وفي طريقي للذهاب طلب مني استني كمان شوية يغسلي العربية بس انا كنت مستعجل فشكرته وذهبت في طريقي ....... صوت الموتور بعد تغيير الزيت اهدي كتيييير خصوصاً علي السرعات العالية والحمد لله العربية تمام وكله زي الفل ...

طب تمام اوي مش كتير يعني اهو طب بخصوص السماعات انا ركبت 2 فهل كده انا خرجت برة الضمان

**mero100** · 12-09-2013 03:06 AM

ألف مبروك و عقبال صيانه ال 100000 كم :-)

بالنسبه للزيت .... كل شركات العربيات بتقولك recommended مثلا شيل او موبيل ... يعني بنرشح زيت كذا ..,و اعتقد دي عمليه تجاريه تسويقيه ... لو حضرتك مش مرتاح للموبيل 1 ...فيه انواع كتير محترمه بس أهم حاجه لما تختار يكون نوع محترم و يفضل لو مستورد ... و يكون مواصفاته متوافقه مع تشغبل الموتور ... ودي بتعرفها من مانيوال السياره من خلال المواصفات اللي موجوده في صفحه الزيت .

و بالتوفيق .

**Moh.El Saady** · 12-09-2013 05:40 AM

الف مبروك يا باشا وربنا يبارلك فيها ويديك خيرها

**Ahmed Amin** · 12-09-2013 06:54 AM

المشاركة الأصلية كتبت بواسطة 3arbi4ever

بعد كده قاموا بتغيير الزيت حطوا موبيل ال ١٠٠٠٠ دي نقطة مهمة اللي يروح يغير زيت يسألهم لو ينفع تجيب الزيت من بره عشان كلنا عارفين اني موبيل ده تعبان .
في الوقت ده رحت انا عشان ادفع تكاليف الصيانة وقمت بدفع مبلغ ٥٨٥ جنيه شاملة ثمن الزيت والفلتر الزيت ب ٢٧٠ تقريبا والفلتر ٤٢ جنيه تقريبا والاسبراي ٢٧ جنيه و مصنعية ١٩٠ جنيه وضريبة وغيره والمجموع النهائي ٥٨٥ جنيه . استلمت العربية وكان مهندس الضمان سايبه لسه بيشيك علي العربية سلمت عليه وشكرته وفي طريقي للذهاب طلب مني استني كمان شوية يغسلي العربية بس انا كنت مستعجل فشكرته وذهبت في طريقي ....... صوت الموتور بعد تغيير الزيت اهدي كتيييير خصوصاً علي السرعات العالية والحمد لله العربية تمام وكله زي الفل ...

أولاً مبروك علي الصيانة الأولي, وعقبال ال 100 ألف,
ثانيا أنت ممكن تاخد معاك أي زيت تحبه وأنت رايح ومش شرط تاخد اللي عندهم,
أنا عن نفسي بغير بزيت شيل في صلاح سالم, بعدي علي بنزينة شيل تكون نضيفة وأشتري منها جركن زيت شل ألترا التخليفي العلبة الرصاصي,
وغيرت في صلاح سالم بيه مرة, وفي غمرة مرة, وفي أبو رواش مرة, واول مرة أتحط لي كان في أحمد عمارة, يعني مفيش أي مشكلة أو قلق من أنك تغير بيه في الأماكن دي,
وبعدها روحت للتلات مراكز دول بالجركن في أيدي وقلت لهم عايز أعمل صيانة بس مش عايز أحط زيت موبيل وأنا جايب الزيت بتاعي معايا.
مش بيرفضو, لأنو بيديك الفلتر وبياخد مصنعية تغير الفلتر والزيت واحدة, بس بيخصم تمن الزيت لأنك مش بتشتريه من عندهم.
لما بوصل بعرف المهندس اللي بيستلم العربية أني جايب معايا الزيت, عشان بيكتب في ورقة الكروكي إن العميل أحضر الزيت.

مبروك تاني علي الصيانة وربنا يبارك لك فيها.

**Ahmed Amin** · 12-09-2013 06:56 AM

المشاركة الأصلية كتبت بواسطة ebrahim mayalo

طب تمام اوي مش كتير يعني اهو طب بخصوص السماعات انا ركبت 2 فهل كده انا خرجت برة الضمان

أيه يا عم إبراهيم الكلام دا, مش قلنا نخلي الموضوع دا سوكتوم بوكتوم

ولما تبقي تحب تروح تعمل صيانة أبقي كلم وروح علي البرنس علي طول, بعد ما تلغي التوصيلة اللي أنت عملتها عشان ميطلعلكش مهندس تاني غيرة هناك يقولك أنك عملت كذا غلط ويطلعك من الضمان.

**Silent~Dream** · 12-09-2013 08:23 AM

الف مبروك يا باشا و عقبال صيانه ال 100 الف و يارب كلو يبقى تمام دايما

**Ahmed Amin** · 13-09-2013 08:20 AM

المشاركة الأصلية كتبت بواسطة AUDAI

الف مبروك يا باشا على الصيانة
وكويس انك طمنتنا
انا لما روحت صيانة 2500 فى غمرة سالتة على صيانة 10000 قالى فى حدود 1000 جنية
وكنت الصراحة متضايق جدا من المبلغ
لكن حضرتك طمنتنى الحمد لله

الصيانة بتاعت ال 10 الأف مفهاش غير تغير زيت بس,,
يعني لو أخدته معاك لو عايز تجيب زيت شيل ألرتا بدل موبيل بتاعهم
أو أخدته من عندهم الأتنين نفس السعر تقريباً, رينج 300 جنية.
وهتاخد فلتر الزيت من عندهم بحولي 49 جنية بالضريبة,
ولو رش لك الأسبراي اللي بيرشوة دا واللي مجاتليش الفرصة أعرف بتاعت أيه بحوالي 25 جنية
والمصنعية أخرها 80 جنيه
هيبقي كله حوالي 455 جنيه بس..

أنا مش عارف هما ليه واخدين مصنعية عالية كدا من 3arbi4ever ؟؟؟ ليه 190 مصنعية تغير زيت !!
نفس الموقف حصل معايا قبل كدا عندهم أخدو مني مصنعية عالية حوالي 290 في تغير زيت,! بسبب غلطت مهندس عندهم ف موقف سخيف,,
لأن المصنعية بتاعت تغير الزيت في التوكيل أخرها 80 جنية,,

ياريت اللي يعمل صيانة ال 10 الأف يجرب غمرة, لأني دايماً بلاقيها اقل في المصنعيات من صلاح سالم وأبو رواش واللي يجرب هيشوف الفرق.

وبالنسبة للي أتقالك علي غمرة أكيد اللي قالهولك كان مهييس,
وممكن تبقي تكلمهم بالتليفون قبل ما تروح وتتأكد من التكلفة بالظبط, وتقولهم صيانة 10 الأف وتغير زيت وفلتر بس, هتتكلف كام؟