تجربة غير مرضية بالمرة مع كاةتش هانكوك كوري

**ashrofa72** · 12-09-2013 09:43 AM

انا طبعا قررت اغير الكاوتش اللي راكب على الانسر طبعا كان بريدجستون ياباني بتاع الفبريكة بعد ما انتهي عمر الاستخدام بتاعه مع وجود بعض الشقوق فكانت النصيحة اني اغير الكاوتش الاربع فرد وبالصدفة لقيت قدامي كاوتش هانكوك وطبعا كوري وسعر كان مغري بصراحة عن البريدجستون فانا الغلطة اني استرخصت شوية وقلت اغير واخلص وبعد حوالي 7 شهور من الاستخدام قلت اعمل تبديل للكاوتشات الاربعة واظبط ضغط الكاوتش وفجأة لقيت كاوتش منهم ضارب من جنابه وعامل بالونة كبيرة من الجنب الداخلي للكاوتش وطبعا مخدتش حق ولا باطل وراحت فردة على الفاضي.
نصيحة كل اللى يشتري يشتري ماركة ميه ميه من الاخر ويريح نفسه البريدجستون قعد 4 سنين على العربية مقالش بم.

**baherhassan30** · 12-09-2013 10:11 AM

بس البالونة اللي انت بتقول عليها دي بتحصل في كل الانواع .. غالي ورخيص
واكترها بيحصل في الجنوط الاسبور الكبيرة .. زي جنط ال17 وطالع للعربيات الصغيرة زي الالنترا والكورولا
بيقولوا عليه حبل الكفر ..
وده بيكون نتيجة انك اخذت مطب جامد على سرعة كبيرة .. او حمولة كبيرة
او عيب في الكاوتش نفسه .. ودي اكيد مش هتكون في الهانكوك .. بتكون في الكاوتشات الصيني بس
والله اعلم

**saddam** · 12-09-2013 10:43 AM

صديقي المواطن.الكاوتش الكوري عامة بيحب يقطع سلك من زمان أما.البلالين فدي بقت في كذا ماركة وأحيانا سببها هوا زيادة جدا في كمية مطبات وطنية محترمة خليك في يوكوهاما الياباني أو أي حاجة صناعة ماليزي ثم لاسا التركي ودمتم.للنضال

**Sa3D ALEX** · 19-09-2013 01:23 AM

انا نفس مشكلتك بالضبط استرخصت وبعد 4 شهور فوجئت بالبالونه فى العجله الشمال الاماميه ماركه هانكوك رديئه جدااااااااااااااااا

**hugan** · 19-09-2013 01:32 AM

الهانكوك
والكومهو
مش تمام

الافضل في الانواع الرخيصه
او الشعبي
الماكسيس
وال جي تي

**mohamedrabia** · 19-09-2013 01:01 PM

اكيد طبعا الفرق بين البريد جستون والهانكوك فرق السما والارض وفرق السعر مش بيلعب مع العلم اني عملت نفس الحركة وغيرت من بريدجستون وجيبت هانكوك وشغال لحد دلوقتي بس فعلا ملاحظ ان عمرة الافتراضي اقل وده شي انا متوقعه .
فعلا الغالي تمنه فيه بس نعمل ايه حالنا وحال البلد ربنا يصلح حالنا جميعا