مراكز خدمه والا بيزنس!!

**أميرالنيل** · 07-09-2008 05:12 PM

سلام عليكم
ازيكم يا جماعه وكل سنه وانتم طيبين

هطرح عليكم موضوع مش عارف هتوافقونى فيه والا لاء
مستنى رأيكم بفارغ الصبر
الموضوع هو هل مراكز الخدمه والتوكيل بالنسبه للدايو فعلا موضوع مجدى والا ملوش لازمه
تجربتى الشخصيه واللى شايفه حواليا بتقول انى كل اما اروح اعمل صيانه للعربيه اول حاجه بيسالهانى المهندس بتاع الاستقبال
هااا هنعمل ايه النهارده ؟؟؟؟؟؟؟؟؟؟
مثلا انا عملت صيانه ال 10 الاف من اسبوع طبعا كنت متوقع انهم بيعملوا حاجات ثابته عندهم بالاضافه لمعالجه اى شكوى من ناحيتى
فوجئت مثلا انهم مغيروش البوجيهات
مع انى اعرف انها بتتغير كل 10 الالاف

ينى هل لازم اطلب الحاجه اللى تتعمل فى العربيه ؟؟؟؟؟

كانت شكوتى ان فى صوت تصفير من ناحيه العجل اليمين فى حالهالطرق الغير ممهده
قالى الموظف هننكشف على البلى بتاع العجل
لما استلمت العربيه كان اصلا الافيزات اللى ماسكه طاسات العجل متفكتش!!!

والعربيه متعملش فيها اى حاجه اصلا

وجيت عشان استفسر من الموظف ايه اللى تم ملقتش اى اجابه
ودايما كل مره اروح اشتكى من حاجه معينه الاقى العربيه زى ما هى
وبصراحه الواحد مش بيكون فيه بال ان العربيه تدخل تانى وينتظر تانى
اخر مره خدت بعضى ومشيت وجوايا دافع انى مرحش اى مركز خدمه او توكييل بعد كده
واشوف ميكانيكى كويس وخلاص
وده كان راى ناس كتير اوى هناك بعد اللى شافوه من التهريج والانتظار الطويل جدا

ملاحظات
عربيتى لانوس S 2008
عملت صيانه 1000 فى جسر السويس
وصيانه ال 5000 وال 10000 فى ابو رواش

مستنى رأيكم ؟

**abou_sama** · 07-09-2008 09:33 PM

انسى الضمان الا لو فى حاجة كبيرة لقدر الله
وربنا يكيفيك شرها ويديك خيرها

**meller** · 08-09-2008 01:25 PM

انا روحت عملت صيانة الالف وبعدين انا حاسس انهم ما غيروش فلتر والا اي حاجة لان المفروض اخد الفلتر القديم وحاسبوني علي الفلتر الجديد وكان عندي شوية حاجات في العربية قلتهم عليها ومفيش حاجة اتعملت دة توكيل الا في ابو رواش وانا من راي ان التوكيل زي الزفت ومالوش اي لازمة وعلي فكرة الضمان ضد عيوب الصناعة وعمرة ما هيطلع نفسة غلطان هيقولوا لك عيب استخدام

**أميرالنيل** · 08-09-2008 08:59 PM

يعنى رأيكم من رأيى ان التوكيل اى كلام ونصب فى نصب ؟؟؟

طب لو كده فعلا الواحد يعمل ايه ؟؟؟؟؟؟

**Saber_Diab** · 09-09-2008 02:02 PM

والله انا موش عارف

فعلاً هما مبيسمعوش حاجة وبيكونوا مستعجلين جداً وعاوزين يقلبوك

لكن للأمانة إنت شككتني لأني لسه عامل صيانة إمبارح نزلت دلوقتي بصيت على العربية لقيت الفلتر متغير وجديد

وكمان كان في هزة في العربية راحت لم تم تربيط العفشة

لكن المشكلة إنت لم تستغنى عن التوكيل هيحصل إيه

هتقع في شر الميكانيكية

وما أدراك ما الميكانيكية

على الأقل في التوكيل فيه تربيط عفشة وفي شوية حاجات بتتعمل بتحافظ على العربية وده لازم بشكل دوري

أما لو رحت للميكانيكي وقلت له عاوز أعمل صيانة للعربية هيفتحلك فتح ونصب

ده غير إنك محتاج تلف على ميكانيكي وكهربائي وعفشجي كمان

رأي خليك في التوكيل

وأحسبهالك

كده كده إنت بتغير زيت تمنه 225 جنيه + فلتر 20 جنيه أدي 245 جنيه كده كده إنت دافعهم

الباقي هو 65 جنيه تمن المصنعيات وأنا شايف إن ده موش كتير على توكيل حتى لو تعبان

**أميرالنيل** · 09-09-2008 09:45 PM

طيب مثلا نفسى اعرف ...
هما مغيروش البوجيهات ليه فى صيانه ال 10 الاف ؟؟
هوا انا لازم اطلب منهم وغير كده ميعملوش ؟؟

اقصد انى لو مطلبتش حاجات معينه مش هيعمملوها ؟؟؟

انا بس نفسى افهم ............................