يا شباب الاوبل افيدونا يرحمكم الله
انا من محافظة كفر الشيخ وفى عربية اوبل استرا1600 2005 سعرها51 الف جنيه اتوماتيك ...
الناس بتخوفنى منها وبيقولو قطع غيرها غاليه جدا جدا ده غير انها مش موجوده فى البلد عندنا يعنى هضطر اروح اجبها من المنصوره او من طنطا
يعنى كل ميحصل فى العربيه حاجه اخبط مشوار عشان اصلحها
ارجو الافاده اولا هل كده العربيه دى مع العلم انها رشه بره نضافه سعرها مناسب؟
ثانيا هل المعلومات اللى عن حوار قطع الغيار دى صحيحه ؟
ارجو انكم تفدونى فى اسرع وقت
عامه الالماني كله اسعار قطع غياره مولعه وسعر اعاده البيع منخفض بس طبعا ركوبه تانيه خالص عن اي عربيه سواء كوري او ياباني انا لو مكانك اشوف حاجه زي لانسر كريستاله او مكواه عربيه قطع غيارها منتشره واسعارها معقوله وبتبباع بسرعه وبالتوفيق ان شاء الله
بالظبط
شوف انت فين وايه اللي حواليك وهات عربية تتماشى مع الكلام ده
لكن تجيب عربية محدش يعرف عنها حاجة ! انت كدا غاوي تعذب نفسك ، ده أولاً
أما ثانياً
أسترا 2005 رشة برا بـ 51 الف ! يبقى كدا فيه شئ غريب وهو ، ايه اللي تحت الرش ده ؟ هل حكات وخبطات عادية ولا فيه حاجة جامدة
كشفت كمبيوتر عليها وشوفت فيه أعطال متسجلة أو ظهرت وحالة الموتور كام ؟
ثالثاً وده الأهم ماينفعش في شراء العربيات تسأل وانت رايح تشتري بكرا ، كدا انت بتاخد كلامنا تحصيل حاصل ، دا غلط ياباشا ماينفعش العجلة ابداً في العربيات إلا لو انت دايس وشايف انها لقطة
يعنى العربيه كده لو نضيفه ومفهاش حاجه سعرها كويس
لو نضيفة يبقى سعرها لقطة مش كويس
نصيحه بلاش لو غاوى المانى اشترى فيكترا بى مانيوال غير كده بلاش وبخاصة انك فى كفر الشيخ مفيش ناس كتير بيشتغلو فيها
lanos واشتري دماغك