لو ينقع حد من ملاك الa7 هنا يصورلنا من 0 الى 100 و هيا على ال s فى الفتيس يبقى تحفه :)
لو ينقع حد من ملاك الa7 هنا يصورلنا من 0 الى 100 و هيا على ال s فى الفتيس يبقى تحفه :)
يا جماعة العربية جميلة والله وتحفة فى كل حاجة انا اشتريتها من اسبوع ارجو عدم الاعتماد على كلام الاخوة من على النت شوية العفشة مش عارف مش مالتى وشوية الفتيس وشوية بيلموها من السوق انا اشتريت العربية بعد صلاة استخارة لانى بجد اتجننت من كلام الزملاء العربيى جميلة جدا فى الشكل والعفشة جميلة والسحب رائع وخاصية الاسبورت درايف هايلة انا هحكى على موقف حصل معايا امبارح كنت طالع الدائرى وكان تراب وعفرة وكنت مش مشغل التكييف والله اكتبلى على ىالشاشة اقفل الشبابيك الجو تراب واكتشفت بالصدفة اوبشن فى زرارين بالمسحات يخلو الطارة كانها مالتى تقدر تعمل 15 حاجة من زرارين فى المساحات بجد العربية جميلة ارجو من الزملاء عدم تضيع الوقت فى الكلام من غير رؤية فعلية وانا على فكرة جربت العربية فى اكثر من معرض قبل الشراء واى استفسار انا تحت امركم
يا باشا أنا عاوزك إنت متسمعش لكلام الناس..افرح بعربيتك وعيش بيها ونفض لأي محبطات..يااااااما هتسمع..وأنا زيي زيك .. بقابل ناس كتير يقولي العفشة مش مالتي..أقوله إيه مشكلتك..يقولي مش هتبقي مريحة .. أقوله يا سيدي جربتها الأول ؟؟ يقولي لا !!! طيب مش هتبقي ثابتة..أقوله يا عم مين اللي قالك الكلام ده مهي فيها esp .. يقولي مفيش !!!!!!! وهي بالفعل فيها !!! يقولي تغور في داهية بالفتيس بتاعها..أقوله يا سيدي ده غير اللي فات وحتي الآن مفيش أي شكاوي منه..يقولي اشعرفك وأنا أضمن منين !!!
طيب مهو عندك في الفانتازيا مثلاً..ناس كتير يقولولي عربيتك دي بطة..مش بتاعة جري..وكبيرها الـ 190 وشكراً ( علي أساس إن 190 دي مش سرعة كبيرة ) وأجيبله صورة ( عربيتي ) وهي علي الـ 210 .. يقولي أكيد كنت علي منزل ( واخد بالك إنت 20 كيلو بحالهم عشان منزل علي أساس إنك راكب ريشة ) طيب أقوله إيه ؟؟
فمتتعبش راسك..إحنا كشعب مصري نكتسح العالم في الجدل والتقليل من شأن ممتلكات الغير.بسبب وبدون سبب.غية فينا يعني.
بالنسبة للأوبشن بتاع التراب والعربية تقولك إقفل الشبابيك ده جميل.ولو لعبت شوية في الكمبيوتر هتلاقي أوبشنز تانية تعقيد بجد.بس اللي يفهم بقه ويصبر ويجرب وبعدين يحكم.
آسف علي الإطالة..تحياتي
انت حمادة عالى اوى !
لا يا باشا ,, هى فعلا 140 حصان
و ادى الموقع الرسمى
ŠKODA -[A7]&WebID=66079c3d-1242-4318-be53-5e6089148452&Page=technology&view=TechnologyMotor
103KW = 138hp
بعيدا عن السكودا عشان محدش من ملاكها يضايق ,,
انا مش متفق معاك ياباشا ف المبدأ دا
ياريت تقولى امثلة لعربيات تورشن بيم ادائها افضل من عربيات مالتى لنك
و طبعا هنستثنى الالنترا ال HD لانها مخدتش من المالتى لنك حاجة الا العفشة اللى بتهبط جامد مع التحميل
م الاخر ,,,, انا مش بقتنع باى عربية تورشن مافيهاش ESP :mahf(5):
لكن فى استثناءات بسيطة بتعجبنى
الجملتين دول يا باشا اللى بالاحمر بيوضحوا حاجات كيييير
عايز اقولك ان فى فرق بين انك تبقى حاسس ان العربية بتجرى و ان العربية تكون بتجرى فعلا
انت لو ماشى ع 100 و فاتح الازاز هتفتكر انك ماشى ع سرعة اعلى بكتييير
و الموضوع دا واضح اوى ف ,,,,,,,,,,,,, مرسيدس
لو انت ركبت مرسيدس و خصوصا ال E :nemoflow: و قفلت الازاز مش هتحس بالدنيا بره خااااااااااالص
عربية ماشاء الله مريحة و عزل فوق الممتاز
و مع ذلك ,, سحبها 10/10 تعلم على 90% من العربيات اللى ع الطريق :36_1_40[1]:
حد ركب فيرنا تحس انك 150 تبص فى العداد تلاقيه 90
السلام عليكم بصراحة عربية فوق الممتازه وكل التقارير العالمية بتشكر فيها جامد وان شاء الله انا نواي اشتريها بس عندى سؤال هو الوكيل منزل منها او هينزل منها فول اوبشن مانيوال؟؟؟ بصراحه موضوع الفتيس dsg عامل لي قلق جامد
نظام التعليق تورشن بيم ياريس اي خدمة
سؤال بقى على جنب كده
أنا عارف ان الإقتباس ده من موضوع تانى. بس الناس هناك ماسكة فى بعضها.
انا قلبت الدنيا على موضوع الجيل الرابع ده ومش لاقى
يا ريت اى معلومات موثقة عنه من مواقع رسمية لمجموعة فولكس علشان أخدها للتوكيل لأن الباسات غلست على الوالد كذا مرة فى القصة دى.
فياريت يبقى ليها حل جذرى
وانا بضم صوتي لصوتك
وسبق وطلبت ده أكتر من مرة ومحدش رد
شوف يا باشا..بالنسبة لموضوع الجيل الرابع اللي مزعل ناس كتير..هوضح لحضرتك الموضوع..فتيس DSG ده أو كما يطلق عليه في كل الشركات DCT ( Dual clutch transmission (
أُنتج لأول مرة في فولكس فاجن عام 2006 وكان يحمل كود DQ250 وكان ساعتها optional بجانب فتيس tiptronic اللي هو الـ 6 سرعات العادي اللي كلنا عارفينه في الأوكتافيا.
وتم استخدام الفتيس ده في سيارات Polo, Golf/Rabbit/Golf Plus, Scirocco, Jetta, Eos, Passat Touran
وسيارات Ibiza, León, Altea Toledo
وسيارات Octavia Superb
وساعتها واجهوا شكاوي من بوظان الفتيس ده بعد عدد كيلو متر معين في العربيات دي.فعملوا عليه تعديلات في موديلات 2007 حتي 2009 والتعديل كان عبارة عن تغيير نظام تبريد الفتيس.وبردو ساعتها جالهم شكاوي من الناس إنه فيه نفس العيب للجيل اللي قبله بتاع 2006
فوقفوا انتاجه واستبدلوه بفتيس آخر يحمل نفس الاسم ولكن بكود جديد وهو DQ200 وتم استخدامه في كل سيارات المجموعة وشركة Audi استبدلت اسمه باسم آخر وهو S-Tronic.
حصلت الشكاوي مرة تانية واللي فيها تم استدعاء معظم السيارات علي مستوي العالم ( ما عدا مصر طبعاً ) واستبدلوا الفتيس كله بآخر يحمل كود DL501 مع تعديلات في لوحة الـ Mechatronic بتاعة الفتيس .. جاتلهم الشكاوي تاني من عربيات قليلة علي عدد كيلو متر عالي.
استدعوا العربيات دي وعملوا تعديل علي نظام التبريد في الفتيس من DRY لـ WET
وتم توفير الفتيس ده في كل سيارات الـ vag الجديدة ( مش متأكد من وجوده في الفانتازيا الـ TSI من عدمه ) ومن ساعة ما نزلوه في 2013 حتي هذه اللحظة مفيش منه شكاوي لسه.
وعشان الموال ده تم حزمه علي 4 مراحل فالناس أطلقوا عليه صفة الجيل الرابع.
بس يا سيدي :)
انا علي حد علمي ال dl510 مبينزلش علي عربيات غير الاودي و مش كلها كمان لانه بيستحمل عزم لغايه 600 نيوتن
و هو الوحيد اللي wet clutch
و لا اعتقد انه نازل في الاوكتافيا الجديده
ال dq250 و تطويره ال dq200 هما اللي بينزلوا في العربيات اللي بالمواتير الصغيره لان اخرهم عزم 350 نيوتن
و هما الاتنين dry clutch و ده سبب المشاكل اصلا لان الزحمه و المطالع بتقصف عمره بسبب الحراره
و في واحد جديد ال dq500 هينزل للعربيات اللي عزمها لغايه 500 نيوتن بس معرفش اذا كان dry ولا wet
و ممكن تتاكدوا من الكلام ده من هنا
Direct-Shift Gearbox - Wikipedia, the free encyclopedia
فالمطلوب التاكد بشكل قاطع الاوكتافيا نازله بانهي فيهم بالظبط
فالموضوع مش موضوع اجيال
و في معلومات ان تم استدعاء موديلات جديده من السكودا و الاودي بسبب الفتيس برضه في الصين و فرنسا
حضرتك كلامك مظبوط بس انا مختلف معاك في نقطه
الفتيس بقي dry بعد ما كان wet و مش العكس
لأن زمان كان وحده الميكاترونيك و الفتيس بكل حاجه كان كله زيت واحد و كان بيسخن
دلوقت عملو ال dry clutches علشان تبقي منفصله تماما عن دوره زيت الفتيس
و هي دي اللي مستنيين نشوف مشاكلها دلوقت
كلام حضرتك صحيح شوفته دلوقتي في آخر سطور علي ويكيبيديا إنه موجود في الأودي الـ q5 والـ s4
بالنسبة لموضوع الإستدعاء..مفيش أي إستدعاء حصل لموديلات a7 وفولكس 2013 حتي الآن
موه dry علي الـ dq200 و wet علي dl501 الجديد..هحاول أدعبس كده وأعرف اللي راكب علي الـ a7 إيه.
ده الخبر عن ال recall في الصين لسكودا
http://www.chinadaily.com.cn/bizchin...t_16317719.htm
و بصراحه مش متاكد اذا كانت ال a7 و لا الفانتازيا ال tsi
بس الخبر الاشهر و الاحدث الاستدعاء بتاع استراليا بس ده لموديلات من 2008 الي 2011
و علي فكره اكل الاستداعات تقريبا للموديلات في الفتره دي
بعد كده مفيش او حالات قليله
و ال dq200 هو اللي dry
و ال dl510 هو اللي wet بس مش بينزل للمواتير الصغيره
و فعلا احنا محتاجين نعرف ال a7 نازله بايه
بالظبط
و انا موضح ده فوق
لو ده الفتيس العادي اللي بيعمل مشاكل ومافيهوش تعديل تبقي الاوكتافيا الجديدة هتقعد في بيتها
يا جماعة انا لمحت واحد بيشتكي من فتيس اوكتافيا الجديدة بتاريخ Posted 12 September 2013 - 15:01
Hi all,
Yesterday afternoon when I tried to start my car (Octavia III Hatch 1.6 TDI DSG Elegence, auto start&stop), it didn't start. Instead, it displayed a blinking glow plug system icon with a steady Automatic gearbox (yellow) icon and -for a short time- GEARBOX ERROR on maxi-dot screen. I immediately pressed to stop and waited for some time to start again. When I tried for the second time, the warnings were gone.
The service said, they think the problem was a software glitch and they have done a software update to the gearbox.
Another interesting thing the service rep. said is "when you are stuck on a traffic jam for over 30-40 minutes, you may see the blinking glow plug system icon or GEARBOX ERROR on maxi-dot screen. Then you should stop the car and wait for the gearbox to cool down.".
Did any of you see the GEARBOX ERROR on maxi-dot screen with or without the blinking glow plug system icon while you were starting the car or during a traffic jam? If so, did you show it to a service and what did the service told you?
Thanks,
Eren
Gearbox error - Skoda Octavia III (2013 onward) - BRISKODA.net - The Skoda Forum and Community
حد يطمننا الله يكرمكم يمكن عشان معظم الديزل بيستخدم wet clutch box والبنزين dry clutch box هل فى علاقة؟
الفتيس DQ250 (ال6 سرعات) و الDL501 (بتاع أودى) الاتنين wet
الDQ200 هو الdry. وده إللى غالباً فى الوكتافيا صح؟
ماله الفتيس المانوال بيخلى العربيه طيارة
بص بقى يا باشا ردك على كلامي دا هو اللى حاحدد على اساسه اجيب العربية دي ولا لا :
اولا انت بتقول ان الفتيس ف الجيل الاخير نازل بنظام تبريد wet بس انا متأكد انه لحد موديلات 2013 هنا ف مصر نازل بنظام تبريد جاف هل انت متأكد من المعلومة دي ف ال a7 ؟؟؟ لان لو كدا التبريدمش حيخلى الميكاترونيك تبوظ ولا الclutch
ثانيا موضوع الجيل الرابع دا افتكاس مصري ولكن كل المراحل اللى انت قولتها صح بس خللى بالك ان حتى شركات vw وسكودا مافيش على مواقعهم اي ذكر لحكاية الاجيال دي ولذلك دا بالنسبالى يشكك ف مصداقية كلام الوكيل وخصوصا بعد ما اتصدمت ف بعض ردودهم عن اسئلة تخص الفتيس في مواضيع تانية من الاخر ماعندهمش رد فني قوي وموثق ف النقطة دي تحديدا
ثالثا انا لقيت في بعض مواقع عالنت ان حتى شركة سكودا عملت recall لبعض السيارات ال a7 موديلات 2013 بره مصر طبعا ودا معناه ان ممكن جدا الشركة تكون حلت بعض المشاكل القديمة للفتيس بس مش كلها يعني من الاخر برضو انت حتشتري العربية تحت شعار انت وحظك يا تصيب يا تخيب ؟؟!!! مش شايف برضو ان دي مجازفة جامدة ف عربية بالسعر دا ؟؟؟.
واخيرا انا معايا فانتازيا 2013 كسر زيرو وبصفتك معاك فانتازيا برضو تفتكر من وجهة نظرك انت الفرق يستاهل ان الواحد يجازف ويجيبها انشالله حتى خلال فترة الضمان بس ويبيعها بعد كدا ؟؟؟؟؟؟؟؟؟؟
أولا يا باشا عشان نكون متفقين..مفيش أي إستدعاء حصل للـ a7 ولا حصل منها أي شكوي من الفتيس حتي الآن..ولو في عند حضرتك مصدر يا ريت ترفعه هنا عشان الكل يستفيد.
عن نفسي قلبت الدنيا عشان أعرف في recall حصل لها ولا لا مفيش.
بالنسبة لموضوع الـ wet والـ dry أنا بدور حالياً عشان أتأكد 100% وإن شاء الله النهاردة هحاول أحسم الموضوع ده.لأن في مواقع كاتبة dry ومواقع كاتبة wet ومواقع كاتبة dry مع تعديل الميكاترونيك.إعطيني فرصتي وأريحك بالليل إن شاء الله :)
فعلا كاملة الاوصاف والمانيا لما تدلع وفولكس فاجن مهتمه بيها زى الباسات واكتر من الجيتا بكتيييييييير
حبيت اضيف معلومة ضغيرة بمناسبة الكلام عن الفتيس ال dsg .. هو فى منه نوعين wet and dry مش قصة ان ال WET وحش فقلبوه DRY لا خالص
الفتيس الست سرعات بيبقى wet
الفتيس السبع سرعات بيبقى dry
المشاكل اللى حصلت فى ال dsg كان معظم اللى بيشتكوا فى ال dry مش ال wet
حاليا ما اعرفش صراحه اذا كان المشاكل فعلا اتحلت ولا لأ بس اللى اعرفه ان كل سنة المشاكل بتقل و بيحسنوا من الفتيس فإن شاء الله تكون اتحلت خالص السنة دى
جهد رائع جدا جدا