البنك الاهليnsgb فيه ناس محترمة

**MoDyBeNz2008** · 07-09-2008 06:57 PM

الموقف ده حصل بجد خدوا بالكم
في اول الشهر نزلت ادام مكنة سحب البنك الاهلي سوستيه جنرال(nsgb)دخلت الكارت و الباسورد و سحب مبلغ كذا و عدتهم و انا بعدهم لقيت فيهم خمستين و المبلغ ناقص متين جنيه
رحت تاني يوم رايح البنك و بلغتهم باللي حصل خدوا مني رقم التيليفون و الاسم وسكتوا على كدة وتوقعت انهم مش هيعملوا حاجة لانه مبلغ تافه و بعد اسبوع لقيتهم اتصلوا بية بيقولولي المبلغ اتضاف على حساب حضرتك(رجعوهم بالبلدي) ودي كانت المفاجئة و فعلا لقيته اتضاف
فعلا البنك في ناس محترمة و لو حصل ده معاكو بلغوا

**Nile_Storm** · 07-09-2008 08:04 PM

البنك ده محترم جدا
بتعامل معاه بقاله سنتين و زي الفل معايا

**aliabutaleb** · 07-09-2008 08:32 PM

بس أظن ان ده الطبيعي في أي بنك
يعني انا باتعامل مع كريدي أجريكول اللي كل الناس بتشتكي من خدمته والموقف ده حصل لي أكتر من مرة

**1.8Tee** · 07-09-2008 08:34 PM

العفو يا فندم......دى شهادة كبيرة لينا :) .

**جمال** · 08-09-2008 12:45 AM

الموقف ده حصل لى كذا مرة مع ماكينات صرف البنك الاهلى المصرى , كنت اسحب مبلغ و مايطلعش خالص و يخصم من الرصيد , اول مرة اتخضيت جدا و رحت للبنك و انا ثائر و حسيت انى اتسرقت و الموظف طمنى و قاللى متقلقش المبلغ حيرجع فى خلال ساعتين طبعا مصدقتش ولكن فعلا المبلغ رجع للحساب فى خلال ساعتين بطريقة اوتوماتيكية
بعد كدة لما تحصل بقيت مقلقش خالص بس براجع الحساب للتأكد

**limo** · 08-09-2008 01:54 AM

كويس انك قولتى لانى باخذ الفلوس من الماكينه علطول منغير ماعدهم

**sab3aawy** · 08-09-2008 09:53 AM

Nsgb بنك محترم جدا، انا دى سابع سنة ليا فى التعامل معاهم ومشفتش منهم غير خدمة متميزة

من المواقف الجيدة اللى فاكرها لهم ، مرة كارت ال Atm بتاعى ضاع، وكسلت اروح الفرع بتاعى فى وسط البلد، رحت الفرع اللى بسحب منه اللى قريب من الشغل وقلت لهم انا عايز كارت جديد ، كنت متصور انهم هيقولوا لى روح الفرع بتاعك، لكن خدو منى البيانات والموظفة سألتنى تحب الكارت يجيلك على هنا وللا على الفرع بتاعك، انا استغربت وقلت لها هو ينفع ييجى على هنا، قالت لى آه عادى بس هياخد وقت، سألتها وقت قد ايه، قالت لى اسبوعين، قلت لها مش مشكلة خالص، ورحت فعلا بعد اسبوعين لقيته موجود فى الفرع بمنتهى البساطة

**MMamdouh** · 08-09-2008 12:01 PM

دا طبيعى يا جماعة فى اى بنك

دايما بيحصل جرد على الماكينة ساعت لما بتتملى فلوس و فى الغالب بيبقى فيها زيادة نتيجة المواضيع دى و بيتم مراجعة شكاوى العملاء و مقارنتها بالمبالغ الموجودة فى تقرير الجرد و بيتم مراجعة ال journal بتاع الماكينة للتاكد من الحركات الصحيحة و الحركات اللى حصل فيها مشاكل و على اساس المراجعة دى بيتم رد الفلوس لاصحابها

MMamdouh

-

-

الموضوع: البنك الاهليnsgb فيه ناس محترمة

LinkBack

أدوات الموضوع

عرض

البنك الاهليnsgb فيه ناس محترمة - انشر الموضوع فى :

-

-

-

-

-

المواضيع المتشابهه

معلومات عن قرض البنك

البنك التجاري!

البنك و التقسيط و التأخير

البنك و عمايله !!!!

البنك العقاري

الكلمات الدلالية لهذا الموضوع

المفضلات

المفضلات

ضوابط المشاركة