حد هنا في موبينيل ؟ شريحة الموبايل ضاعت وحتنتهي وانا برا مصر

**DODGE2013** · 12-09-2013 08:13 PM

سلام عليكم

عايز مساعده ضروري

جاتلي سفريه تبع الشغل في مصر لمدة 6 شهور

شريحة الموبايل ضاعت وحتنتهي وانا برا مصر باقي 15 يوم وتنتهي :( والنمره مهمه بالنسبالي لانها تبع الشغل والناس بتتصل عليها

كانت جوا ظرف هيا والرخصه والبطاقة الشخصية بتاعت مصر وضاعت

حد يقدر يساعدني ويطلعلي بدل فاقد للشريحه لو حد في موبينيل او يعرف حد في موبينيل او سنترال موثوق منه

ومستعد اديله كل البيانات الرقم القومي والاسم بالكامل وتاريخ الميلاد واخر ارقام كلمتها

باليوم والوقت كمان وشحنت بكام اخر مره

لو حد يقدر يساعد اخوه يبقى كتر خيره ومش شرط يبعتلي الشريحه او حد ياخدها منه

كفايه يخليها عنده ويعمل مكالمه بيها وخلاص عشان ميروحش عليا الرقم

وشكرا

**Mahmoud Nagieb** · 13-09-2013 12:43 AM

مفيش مشاكل يا باشا

حضرتك بس قولى محتاج ايه وانا ان شاء الله اساعدك واطلعهالك

**DODGE2013** · 13-09-2013 02:18 AM

المشاركة الأصلية كتبت بواسطة mahmoud nagieb

مفيش مشاكل يا باشا

حضرتك بس قولى محتاج ايه وانا ان شاء الله اساعدك واطلعهالك

ربنا يخليك ياباشا ويفرحك ان شاء الله هيا كل المشكله ان النمره صلاحيتها حتخلص تقريبا بعد 15 يوم

والخط يروح كل الي محتاجه ان لو حد يقدر انه يطلع بدل فاقد ليها بعد ما اديله كل البينات الي محتاجها

للتأكد اني صاحب الخط وبعد ما يطلع الشريحه يستخدمها مكالمه او يبعت رساله بيها بحيث تجدد

الصلاحيه 3 شهور كمان ومش شرط يبعت الشريحه على برا مصر او حد يستلمها منه ولو محبش شخليها معاه ممكن يرميها مفيش مشكله

بس كل الي محتاجه تجدد الصلاحيه 3 شهور كمان وبس

**Qmax** · 13-09-2013 04:40 AM

إشحن ب١٠ عالطاير هاتجدد الصلاحيه ٣ شهور

**DODGE2013** · 13-09-2013 05:57 AM

المشاركة الأصلية كتبت بواسطة qmax

إشحن ب١٠ عالطاير هاتجدد الصلاحيه ٣ شهور

فعلا ؟ ولا لازم اعمل مكالمه ؟؟؟ ياريت يجماعه لو حد يتصل بموبينيل ويسال ويتاكد

وشكرا على التعاون

**Qmax** · 13-09-2013 06:26 AM

إشحن فقط

**mr_vampire** · 13-09-2013 09:40 AM

اعتقد شحن الهوا لشريحة مش شغالةومش متركبة في تليفون لا هيقدم ولا هياخر. انا برا مصر ومركب شريحة مصر في تليفون باستمرار وبستقبل عليها رسايل ومكالمات وبرده كل فترة بيقولي لازم اعمل مكالمة لاستمرار الخدمة فمابالك بشريحة مش شغالة خالص.
ماتتابع مع الراجل المحترم اللي قالك هيقدر يساعدك ممكن يبقي عنده طريقة.

**Qmax** · 13-09-2013 10:57 AM

المشاركة الأصلية كتبت بواسطة mr_vampire

اعتقد شحن الهوا لشريحة مش شغالةومش متركبة في تليفون لا هيقدم ولا هياخر. انا برا مصر ومركب شريحة مصر في تليفون باستمرار وبستقبل عليها رسايل ومكالمات وبرده كل فترة بيقولي لازم اعمل مكالمة لاستمرار الخدمة فمابالك بشريحة مش شغالة خالص. ماتتابع مع الراجل المحترم اللي قالك هيقدر يساعدك ممكن يبقي عنده طريقة.

وجود الشريحه في الموبايل زي عدم وجودها ليس له علاقه مادام متوقفتش والشركه مسحبتش الخط خلاص ‏ وهنا الراجل بيقول إن الشريحه ضايعه فقط وباقي عنده ‏١٥‏ يوم صلاحيه ولنفرض إنه عنده رصيد اصلا ودخل في فترة السماح كده لا يمكنه إجراء مكالمات فقط يستقبل مكالمات ورسائل فعشان يتصل لازم يشحن عشان يحصل على صلاحيه جديده ليتمكن من إجراء إتصالات او إرسال رسائل طيب بما إنه شحن وحصل على صلاحيه جديده فلا داعي لإجراء مكالمات فإنها لاتفيد في شيئ

**DODGE2013** · 13-09-2013 11:23 AM

شكرا ل m-vampire و qmax

وممكن سؤال

هل لو حد من مصر اتصل ب 444 او 400 مش فاكر من رقم موبينيل عشان يشتري صلاحيه

ينفع يشتري صلاحيه لرقم موبينيل تاني؟؟؟؟؟؟