-
النهارده في الطارق
النهارده كنت في الطارق اللي في العرب مول عشان بنشوف عربيه للمدام
انحسر الاختيار بين ..الريو
الهيونداي ار بي
بصراحه لما شفت تقفيل العربيتين من جوه لقيته تعبان قوي لان احنا هنجيب اول فئه البي ب 125 الف ...بس التقفيل سئ للغايه و الابواب البلاستيك بتاعها سئ للغايه و العربيتين ضيقين و ان كانت الار بي اوسع سنه و احسن سنه
شوفنا كمان البيجو 301 برضه التقفيل نص نص بس واسعه الصراحه وفيها abs ايرباج بس التقفيل مش اد كده و كمان بيجو توكيلها مقلق الصراحه
طب انا كاتب الموضوع ليه
اولا اخد رايكوا في انهي احسن من التلاته و يهمنا بالجرجه الاولي تكييفرالعربيه و شنطتها
ثانيا ..الاوبترا تقفيلها من جوه برقبتهم كلهم رغم انها ارخص منهم
-
انا معاك ان تقفيلهم مش حلو
بس مش وحش
شوف تقفيل البي ام دابليو الفئة الثالثة موديل السنة من جوة
حاجة كمان الاوبترا حاسسها عربية قديمة متأيفة و كتير فلوسها عليها و الريو احسن منها بكتير في الاوبشن علي الاقل فيها وسائل حماية زي ايموبلايزر علي اقل تقدير ولو هاتطلع كمان فئة هتلاقي ايرباج و abs
الاربي موتور قوي و اوبشن كويس بس مش زي الريو
الريو اعلي منها في الاوبشن و اقل منها نسبياً في الموتور
الاربي تحسها فيرنا متأيفة وخصوصاً بعد مسند اليد بتاع الفيرنا !
بالنسبة للبيجو 301 و من رأي هي افضلهم طبعا فهي اوروبي و ان كانت تقفيل أسباني فالأوروبي يختلف عن الكوري ده فئة و ده فئة واكيد التقفيل احسن من الريو و الار بي و الاوبترا
-
تقفيل الابواب و التابلوه في السيارات الثلاثه اقل من الاوبترا
فعلا موتور الاوبترا تكنولوجي قديم ...بس موتور قوي في السحب و عزمه جبار
الصالون اكبرهم الاوبترا فالبيجو ثم الر بي واخيرا ريو
بصراحه انا شايف ان البيجو احسن واحده في ابثلاثه بس ..اولا موتور كامه واحده ..تكييف اوروبي يعني غالبا تعبان و اخيرا التوكيل
-
طب لو نويت عالريو ان شاءالله لو حضرتك توجهت للتوكيل حتلاقى فى خصم ان شاءالله عليها لسة نازل النهاردة الصبح انا كنت هناك وحجزت البيكانتو للمدام بس هى لسة موصلتش مالبحر من 99الف ل 97الف
وفى فئات عليها خصم 3 الالاف ج كمان بس بصراحة مسألتش عالريو
وبالنسبة للأفضل فيها انا اخترت البيكانتو وقدامى مثلا الرينو سانديرو مرطرطة فالمعرض معاها اللى شجعنى اشتريها التقفيل اللى تقصده واللى لما ركبت الريو ونزلت وركبت البيكانتو والله ماحسيت بفرق بكبير
نرجع بقى تقفيلها ولا تقفيل ال أربى والله يافندم ودة رأيى من برا ومن جوا لاتقارن بالريو منفوخة هوا وخامات حسيتها اقل جودة من الريو
والبيجو لاغبار عليها بس خد بالك حتضايقها فالشنطة انا عندى المدام بتسوق الصنى الشكل القديم من سنين ومع ذلك مرتحتش لأنها اكبر والعملية مش ناقصة قلق فاتجهت للهاتش
صلى استخارة واتوكل على الله اهم حاجة الاستخارة والله حتلاقى الامور بتسهل زىى كدة كنت محتار روحت النهاردة خدت خصم وانا ولا على بالى
وربنا يوفقك ويباركلك فيها مقدما ان شاءالله
-
ممكن الموضوع ده يفيد حضرتك و يغير رأيك في البيجو تقييم لسيارة بيجو 301 من أحد ملاكها
-
مشكلة في بيجو 301 لما تبيع دة مقلقني يعني واحد لو اتزنق عاوز عربية تتباع بسرعة دي مشكلة
-
الريو من جوه ان قعدت فيها ما ارتحتش و ما اتبسطش ...الاوبترا عندي اكبر وتقفيلها احسن بمراحل ..يا جماعه دول 125 الف
-
ال 301 عاجباني شخصيا ...لكن
اولا ...التوكيل مش مريح
ثانيا عربيه لسه ما تجربتش
ثالثا ....التكيف اوروبي وده قالقني لانه بيكون ضعيف
-
طبعا الاوبترا اوسعهم وموتور اقوي
لو انا مكانك هختار الريو
-
ال301 تكييفها يابانى حسب ماقريت فى المنتدى , بس مش فاكر ماركته إيه
فى مواضيع كتير عن ال 301 فى قسم بيجو هاتفيدك
Content Relevant URLs by
vBSEO 3.6.0 PL2