الموضوع: سوق دوت كوم

انا بصراحه بقلق اوى من موضوع الشراء من على النت ......احب كدا انزل افللى فى الحاجه اللى حخودها قبل ما ادفع فيها .

أعتقد مشكلة سوق إن الضغط عندهم كبير جدا و خدمة العملاء عندهم أضعف من الضخط ده
بالإضافة لإنهم بيسمحوا للأفراد العاديين ببيع منتجات و سلع على موقعهم نظير عمولة بدون رقابة منهم على المواصفات و الحودة بالنسبة للبائعين الخارجيين
و ده سمح لإنتشار السلع المغشوشة و المقلدة على موقع سوق
يعنى كل السلع الصينى الرخيصة و السيئة هتلاقيها على سوق كمان كل الماركات المغشوشة و المقلدة هتلاقيها على سوق زى نظارات الشمس و الساعات و التابلت و غيرها
ميزة مواقع نفسك و جوميا إنهم ما بيبيعوش غير المنتجات الأصلية فقط و بمعرفتهم فقط و بالتالى فيه كنترول أكبر على مستوى المعروضات
كمان فيه موقع كويس بس أقل شهرة إسمة e3050 محترم برضه

و إن كان الأمر لا يخلوا مشاكل و شكاوى برضه بالنسبة للموقعين دول كمان و بعضها منشور على صفحاتهم فى الفيس بوك
عموما الشراء من الإنترنت مفيد فقط فى حالة العروض أو عدم وجود السلعة فى السوق العادى أو فى حالة عدم توافر وقت للتسوق (بتحصل و الله ساعات)

بص انا اشتريت من سوق.كوم لغاية دلوقتي 30 مره , اصلي انا مغرم شوية بموضوع الشرا من على النت

المهم , هم احيانا بيكونو سريعين جدا , انا مره اشتريت كلاكس عربية من عندهم الساعه 7 بليل , الساعه 9 الصبح لقيته محطوط على مكتبي في الشغل . ازاي وصلوه بالسرعه دي؟ معرفش :)

مره تانيه اشتريت طقم حلل , قعد حوالي 8 ايام على ما بدأوا في عملية الشحن , وانا بتتبع عملية الشحن من على موقعهم دايما عشان اعرف الشحنة وصلت لفين , طبعا كلمتهم و عملت كذا شكوى لغاية ما حنوا عليا و بعتوها بعد برضه ماهددتهم بالغاء العمليه

يعني هم ساعات كده و ساعات كده مش ثابتين على حال , بس ميزتهم ان لو حاجه عايز ترجعها بياخدوها و تاخد فلوسك وتمن الشحن كمان , طالما فيه مشكلة في المنتج فعلا

انا اشريت منهم مرة والتجربة كلاتي:السلعة وصلت بعد٢١ يوم .
فيه حاجات تستاهل ووصلت زي ماهي معروضة في الموقع
وحاجات تانيه ملهاش أي لزمه وخامات سيئة جدا.. يعني اللي عايز حاجة يكون عارفها
##نصيحه للي حيستلم حاجة من ارامكس بالتحديد يفتح الطرد أمام المندوب ويتأكد من محتوياته وده حقك #

اسوأ موقع للتسوق الالكتروني ف مصر هوا سوق ده.. للأسف سئ جدا وكله نصب ولازم تشتري حاجه تلاقيها بايظه او مستعمله حاجه تقرف بجد

أنا ليا أكثر من 3 أو 4 عمليات شراء مختلفة وكل مرة بصراحة ، كويسين جدا .