السلام عليكم
معايا لانسر بوما ٢٠٠٦ اوتوماتيك ١٦٠٠ الرياضيه ياريت الاخوه الكرام ينصحوني اعمل صيانه فين عشان انا عندي صيانه ال ٨٠،٠٠٠ وعندي مشكله في فتحه السقف.......انا من سكان اكتوبر بس ممكن اروح اي حته بشرط عايز جد يكون عارف ربنا
عرض للطباعة
السلام عليكم
معايا لانسر بوما ٢٠٠٦ اوتوماتيك ١٦٠٠ الرياضيه ياريت الاخوه الكرام ينصحوني اعمل صيانه فين عشان انا عندي صيانه ال ٨٠،٠٠٠ وعندي مشكله في فتحه السقف.......انا من سكان اكتوبر بس ممكن اروح اي حته بشرط عايز جد يكون عارف ربنا
فى ورشة المتخصصون ناس شغالة فى التوكيل وعارفين كل حاجة فى العربية بس غالين شوية عن اى صنايعى تانى وهما فى الاميرية
استأذنك في العنوان و لو في رقم تليفون اكون شاكر
01110700588
دى نمرة الاسطى محمود كلمه وظبط معاه قبل ماتروح
بالنسبة للعنوان هو فى كذا طريق انا هاقولك على اللى انا بمشى منه وانا من فيصل
بطلع كوبرى اكتوبر وانزل نزلة حدايق القبة والمطرية هاتمشى فى شارع وهايبقى سور المترو على يمينك اخر الشارع هاتلاقى قصر القبة فى وشك تخليه على يمينك وتدخل يمين مع السور بتاعه الشارع اللى فيه المخابرات ومستشفى وادى النيل هاتكمل لحد ماتلاقى ميدان وصينية تدخل شمال مع الصينية وتكمل هاتلاقى بنززينة تعاون كمل كمان بعدها هاتلاقى بسكو مصر على يمينك هما تانى شارع بعد بسكو مصر يمين هادخل الشارع هاتلاقيهم على الشمال والشارع ده اخره جراج اوتوبيسات
هو يمكن يكون مشوار بس انا برتاح معاهم وشوف لو فى اى تفاصيل عايز تعملها خلصها عندهم لانهم حافظين العربية كويس
انا مش عارف اشكرك ازاي علي ردك و اهتمامك...............ان شاء الله هاروح و احكي تجربتي و مره اخي اشكرك جزيل الشكررر.......والله مش عارف اقول لك ايه غير ربنا يجعله في ميزان حسناتك ان شاء الله