الموضوع: بفكر اشترى الموبيل nokia lumia 820 ايه رايكم فيه

النوكيا وقت ماجبته جبته من قطر ب 1900 ريال يعني حوالي 3800 جنيه . كان في وقتها عامل 4770 جنيه هنا في مصر جديد بالضمان .. واخر مرة سألت عليه من حوالي شهر نزل بقى 4520 جنيه .. معنديش فكرة بقى بكام دلوقتي والله وفعلا هو بيشغل كل البرامج زي الفايبر والواتس اب وكدة بس في حاجات تانية بفلوس

المشاركة الأصلية كتبت بواسطة احمد المصرى

سؤال معلش يا شباب بتعبكم معايا بس بجد مش عارف الاقى حل وعايز رايكم


انا معايا خط اتصالات ( الشريحه القديمه الكبيره ) كنت شاريه من 7 سنوات تقريبا واول واحد استخدمه ورقم مميز من كام يوم رحت علشان اجيب شريحه منى علشان كل الموبيلات الجديده بتنزل بخط مينى لقيت الخط مش باسمى


محدش يقولى اذاى لانى مش فاهم ...... طبعا رفضوا يعملوا اى حاجه يا جدعان الخط معايا من سنين طويله برضوا لاه ومش معايا العلبه ولا العقد

فى واحد قالى ان فى ناس حاليا بتقص الشريحه الكبيره دى بمكنه بتخليها منى وبشتغل ذى الفل الكلام دا صح ولا كلام فى الهوا


ولا اجيب خط جديد وخلاص باسمى

الشريحة بتتقص عادي عند اي حد بتاع موبيلات وبيبقى معاك باقي الاجزاء عشان لو حبيت تنقل الخط لموبيل شريحة عادية تقدر تشغله عادي

المشاركة الأصلية كتبت بواسطة dreslam

حنخش في الجدال العالمي بالنسبه للماركات والسوفت وير...من الاخر كده خامات النوكيا اعلى بمراحل والكاميرا ولا حرج فرق ما بعد الشاسع...اما بالنسبه لثبات النظام فبيتحسن بطريقه ملحوظه اقصد الويندوز...اما عن ماركه النوكيا "بالنسبه للويندوز فون" فكفايه ان مايكروسوفت اشترتها.مايكروسوفت -اكس بوكس= توقع انك تلاقي العاب وبرامج بالحبطرش قريبا على متجر الويندوز

بالنسبة للدعم وتقدم الويندوز فون انا معاك بس لسه مش دلوقت. كمان سنتين مثلا ممكن نتكلم ان شاء الله. دلوقت الريادة للأندرويد وبعده ios ده من وجهة نظرى. لسه شويه على الويندوز فون

المشاركة الأصلية كتبت بواسطة احمد المصرى

شكرا يا باشا بس انا حاليا فى الشغل والفيديو مش شغال لما هروح البيت هشوفها ان شاء الله وشكرا يا باشا

ايه ده انت زي حالاتى برضه منهم لله بتوع ال it خاربينها فى كل حتة هههههههههه