عرض للطباعة
الرجاء المساعده امامى سياره كيا سيراتو 2008 ( بتاعه صحبى ) عامله 130 الف كيلو والسياره بصفه عامه فى حاله جيده وصاحبى لا يقوم باى صيانه او اصلاح الا فى التوكيل
انا محتار اشترى منه السياره ولا اجيب زيرو احسن مع العلم ان امكنياتى لا تتخطى 8 الف جنيه للزير والرقم ده بعدالبحث الطويل والمقارنه ميجبش الا امى جراند 7
الخلاصه اشترى ام جراند زيرو والسيراتو المستعمله بتاعه صاحبى
لو عايز اعادة بيع تبقى السيراتو
الامجراند فيها مشاكل بس مهما كانت تظل زيرو
اقتباس:
المشاركة الأصلية كتبت بواسطة kazamodia
شكرا لردحضرتك
انا اعاده البيع مش فارقه معايا لانى مش ناوى ابيع الا بعد فتره طويله
رأيك أجيب زيرو حتى لو صينى
لو السيراتو بتاعه صاحبك زي ما بتقول و عارف حالتها و كان بيعاملها ازاي
اتوكل علي الله و اشتريها
طبعا الزيرو احسن من اي مستعمل مهما كان و الامجراند عربية حلوة بس مشاكلها كتير ودي مش مشكلة المشكلة ان التوكيل سئ جدا ومبيصلحش حاجة الا بطلوع الروح
كان ممكن الامجراند لو كانت مع وكيل محترم. لكن اللى متابع عارف عمايل غبور والتجميع المصرى العالمى.
رأيى الشخصى. السيراتو. صلى استخارة قبل أى شئ وبالتوفيق ان شاء الله.
اقتباس:
المشاركة الأصلية كتبت بواسطة eng.salama93
+ السيراتو قطع غيار متوفره سهله الصيانه اتعرفت مشكلها و سهله البيع
خلى بالك لازم تكشف عليها برضه ممكن يكون فيها حاجه و صاحبها ميعرفش
سيراتو من غير كلام
طالما صاحبك وهيقولك بأمانه على كل حاجه يبقى اتوكل على الله فى السيراتو
وليه تزنق نفسك
متدور علي حاجه تانيه مستعمله بحاله افضل وعداد اقل
متشوف صني ولا تيدا مثلا
السيراتو ال 2008 عربيه محترمه اووى ال 130000 الف كيلو لو الموتور بيغير زيت فى مواعيده حتلاقى الموتور بحاله ممتازه
العربيات دى مواتيرها محترمه اووى و مفهاش مشاكل
و افضل طبعا من ام جراند
كيا طبعا مدام مضمونة
لو صاحبك صاحبك وبتثق فيه اووووووووى توكل على الله
لو مجرد زميل ليك خد بالك
لسة واحد زميلنا بايع عربيته اللوجان
وبعدها بكام شهر قابلته فالطارق لاقيته بيشتري عربية لوجان تانى ولما قولتله ايه رأيك فعرربيتك اللى كانت لوجان بفكر فيها قاللى ديلها خفيف فأى خبطة ملجنب بتلف ودة اللى حصلو وانها كانت عاملة حادثة وصلحها وقلبها
والكذب ملوووووووووووووش رجلين
فمش كل المستعمل مضموووووووووووووووووووووو ووون
وصلى استخارة ثم صلى ثم صلى وربنا حيوفقك ان شاءالله
السيراتو طبعا بدون تفكير
بس سيبك من عربية صاحبك دي علشان العداد كدة كتير اوي
وال 80 الف اللي معاك يجيبو لك الموديل دة بحالة تحفة وعداد أقل