الموضوع: سؤال بخصوص اسعار dvd+gps من سوق التوفيقيه

المشاركة الأصلية كتبت بواسطة M I D O

النضيف ممكن يعمل من 3000 ل 5000

إسمحولي بالمشاركة لأني عاوز gps ( مش مهم DVD ) ...

حضرتك بتقول النضيف يعمل من 3000 لـ 5000 ..
طيب النضيف ده أسمه إيه ؟ ، وهل فيه أنواع تانية نضيفه زيه ممكن نختار من بينها ؟
أنا كنت متابع موضوع في منتدي تاني عن جهاز gps المفروض إنه صيني أسمه Go2 بس الناس إللي جابته بتشكر فيه جداً بينزل عليه معظم برامج الملاحة وممكن تحديث الخرايط بتاعته عن طريق الكمبيوتر ، وبيشغل أفلام Avi , Mp4 وأغاني mp3 و فيه Fm Transmitter وفيه ألعاب وممكن ربطه بالموبايل عن طريق البلوتوث علشان تعمل منه مكالمات وتستقبل عليه .. ، وكان سعره عامل 500 جنية .. ، ياتري إيه رأيكم في الجهاز ده ?

المشاركة الأصلية كتبت بواسطة msobhy

500 جنيه وبيركب على الالنترا 2007 - 2011 وتاتش والناس بتشكر فيه - ممكن حضرتك تقولى اجيبه منين
أقل gps محترم سمعت عنه كان ب 2500 جنيه

هابعت لحضرتك لنك المنتدي إللي بيتكلموا عنه علي الخاص وحضرتك هاتلاقي كل حاجة عنه

صديقنا المواطن أبو 500 جنيه أكيد بيقصد الجي بي إس لوحده اللي بيتلزق على الزجاج ودي بداية أسعاره من 500 ولغاية 1300 حسب حجم الشاشة وتغطية الخريطة لمحافظتين في مصر ولا كل المحافظات ودمتم للنضال

سيدي الفاضل ..

ده شكل الشاشة الاصلية اللي بتركب في الالنترا md و ده عبارة عن :
- جي بي أس بالبرنامج الكامل للطرق في مصر و عدد من الدول الاخري
- شاشة dvd
- بلوتوث (لتشغيل الموبايل علي سماعات العربية)
- وصلة يو اس بي
- كارت ميموري
- أمكانية تركيب كاميرات رؤية خلفية و أمامية
- وصلة أيبود
- التوصيل علي نفس وصلات الكاسيت الاصلي و التعريف علي مفاتيح التحكم بالطارة

الجهاز ده سعره لايزيد عن 2500 جنيه و متوافر عند كل من :
- السجان بشارع دمشق و التوفيقية
- توكيل كلاريون (المهندسين - مصر الجديدة - الاسكندرية)

و عليه ضمان سنة

مشكورين كل الشباب على الرد لكن اتمنى الافاده لانى فعلا عايز اشترى .. حد يعرف اسعار سوق التوفيقيه بالنسبه لل dvd اللى فيه gps الخاص بالنترا 2008

ياريت لو حد مشكور يكتبلنا رقم تليفون محل من هناك يكون محترم واتعامل معاه قبل كده

شكرا لكم