الموضوع: رايح أخلص فى أوبل كورسا 2005 ممكن أعرف رأيكوا يارجاله

رايح أخلص فى أوبل كورسا 2005 عامله 80 الف كيلو مانوال 1600 سى سى وبحالتها مرشتش ولا جوه ولا بره .
محتاج أعرف منكوا السعر المناسب أو سعرها ايه فى السوق بالظبط علشان ميضحكش عليا وهل هيا قطع غيارها كويسه ولا غاليه علشان بيقولولى غاليه جدآآآ وبالنسبه للبنزين هل هيا إقتصاديه ولا بتحرق بنزين علشان كله بيقول الألمانى بيحرق بنزين كتير جدآآآ ومش إقتصادى وإعادة البيع منخفض ولا ايه

باشا انا مليش تجارب معها بس هي عربية جميلة لشاب او فتاه جامعي او اسرة صغيرة بس بيقولوا الماتور فيه حساسات اكشف على الحساسات دية لانها غالية وطبعا على باقي العربية ضغط الماتور والكبالن وقواعد الماتور الخ هو الالماني غير اقتصادي بس العربية دية صغيرة ماتورها 1400 او 1200 واعتقد انها مش بتسحب بنزين للدرجة . وربنا يوفقك بالنسبة لسعرها يترواج من 35 الف الى 60 في الحدود دية تقريبا على حسب الحالة والموديل

المشاركة الأصلية كتبت بواسطة فبريكا

باشا انا مليش تجارب معها بس هي عربية جميلة لشاب او فتاه جامعي او اسرة صغيرة بس بيقولوا الماتور فيه حساسات اكشف على الحساسات دية لانها غالية وطبعا على باقي العربية ضغط الماتور والكبالن وقواعد الماتور الخ هو الالماني غير اقتصادي بس العربية دية صغيرة ماتورها 1400 او 1200 واعتقد انها مش بتسحب بنزين للدرجة . وربنا يوفقك بالنسبة لسعرها يترواج من 35 الف الى 60 في الحدود دية تقريبا على حسب الحالة والموديل

أشكرك بشده هوه فعلآ الميكانيكى قالى لازم نكشف على الحساسات وهيا ماتورها 1600 سى سى وفعلآ أنا هستعملها إستعمال شخصى يعنى مش أسره والراجل بيتكلم فى 60 ألف جنيه .
لو أمكن ايه هيا طيب الإقتصادى من وجهة نظر الأعضاء

المشاركة الأصلية كتبت بواسطة mostafa kabaka

أشكرك بشده هوه فعلآ الميكانيكى قالى لازم نكشف على الحساسات وهيا ماتورها 1600 سى سى وفعلآ أنا هستعملها إستعمال شخصى يعنى مش أسره والراجل بيتكلم فى 60 ألف جنيه .
لو أمكن ايه هيا طيب الإقتصادى من وجهة نظر الأعضاء

الشكر لله يا باشا بس احب اوضح انا قصدي موديل العربية اقل من 2005 أو اكتر لان بيختلف السعر بس طلما عجباك وهو بتكلم فى 60 ممكن تنزلها ل 55 مثلا وانت وشطارتك .
بس الاهم انك تكشف عليها كويس علشان تستحق الرقم دة واعمل بنصيحة الاخوة في السعر و الكشف وصلى استخارة وما خاب من استشار .

ربنا يوفقك

تقبل تحياتي

المشاركة الأصلية كتبت بواسطة kar!m

عربية كويسة .. بالحالة اللي انت بتتكلم عليها تعمل لها 54 ألف جنية.

أهم حاجه تتأكد ان الاسطوانة و الديسك سلام .. عشان طقم الدبرياج ب 2000 جنية .. و شوف حالة الكاوتش و الدهان و كده .. غالبا هتلاقي دهانها مكلح من الشمس.

و شوف الموضوع ده برضه.


http://www.nilemotors.net/nile/290084-a.html

يعنى أكتر من 55 ألف جنيه فيها مدفعش
تسلم ربنا يباركلك

60 الف غاليه جدا جدا ....
انا جايبها من 9 شهور ... مرشتش بره و لا جوه و عامله 86 الف .. و كشفت عليها في اتوماستر
و عامله 52.5 الف
نصيحه قبل ما تخلص في اي عربيه اكشف عليها في مركز خدمه و ما تصدقش كلام البايع مهما كان

العربيه حلوه و اوبشنز بتاعتها لذيذه بالنسبه لسعرها ... استهلاك بنزينها جوه الزحمه عالي شويه (20لتر - 170-180 كيلو ) .. علي الطريق السريع بتوصل (20 لتر - 250 كيلو )

بص انا لسه جايب كورسا من حوالي 3 اسابيع
2004 رشه بعض المناطق تكيف سنتر بور وحدات رفع فوجات
العربيه عامله92 الف كيلو جايبها52.500
بجد العربيه حلوه و ثابته علي الطريق و تكيفاها فوق الممتاز مش حتحتاج تجيب اربعه كفايه عليك 3 في عز الحر وده لغايه العربيه ما تسقع بعد كده تجبهاعلي واحد