لانوس 2007 بجد محتاج مساعدة من حد فاهم

**pepobiology** · 13-09-2013 12:59 PM

انا اول ما اشتريت العربية كان فيه زيت فى القربة انا كنت فكرها وساخة المهم سافرت بيها اسكندرية والدنيا تمام وانا راجع العربية قعدت تنتش و تقطع ومره واحدة وقفت ومش عايزة تدور قعدت الف حواليها لحد لما بردت ودارت مشيت بيها شوية وعملت نفس الحركة وفضلت كده لحد لما وصلت
رحت للميكانيكى قالى وش سلندر وعملة ومشيت بيها بطلت ومش عايزة تدور زقيتها ودارت رجعتله قالى المارش روحت للكهربائى حليت المارش وعملته وفضلت بتقطع رحت للمكيكانيكى قالى قلب طلمبة البنزين اشتريت قلب وفعلا العربية بقت تسحب وكويسة ومرة واحده رجعت اسوء من الاول
والقربة اتملت زيت تانى مش عارف بقى العيب فى الميكانيكى معملش وش السلندر صح ولا العيب فى حاجة تانية علما بان عداد لحرارة مش بيعدى النص لدرجة انى شاكك انه باظ وكمان العربية بتكون مركونه وبارده خالص وامشى بيها مافيش 500 متر وافتح الكابوت الاقى صهد وحرارة جامدة

**eng.salama93** · 13-09-2013 02:27 PM

هي العربية دي كانت مانيوال و أتقلبت أتوماتيك ؟؟ و الزيت دا بتلاقيه ف قربة الميه ؟؟؟؟

**pepobiology** · 13-09-2013 06:28 PM

العربية مانيوال ومكانتش اتوماتيك والزيت فى قربة المية قبل ما اعمل وش السلندر وبعد ماعملت بالرغم من انى غسلت الرادياتير والقربة بمية وجاز واريال علشان انضف مكان الزيت

**Mecha** · 13-09-2013 07:11 PM

is this engine got oil cooler ???
like some toyota camry
and oil pressure escape to coolant
have a look first

**eng.salama93** · 13-09-2013 07:17 PM

يبقي انتا كدا عندك جوان الوش بيسرب الزيت علي المية .. مش متقفل صح

**Ahmed Nasser** · 13-09-2013 07:52 PM

غالبا الوش نفسة هو اللى بايظ

**pepobiology** · 14-09-2013 09:43 AM

يعنى بداية اغير الميكانيكى
وفى حد قالى معلومة ان الوساخة اللى فى القربة دى عادى مش زيت ولا حاجة والتقطيع ده بسبب ان ممكن يكون الانجكشن عايز ينضف انا هاجرب وهاقولكم عملت ايه