بخصوص مستقبل .... تنصحونى بأيه

**besso** · 13-09-2013 02:46 PM

دلوقتى انا خريج دبلوم خمس سنين والتنسيق ظهر وطبعا زفت الزفت الهندسه واخده من 93.4 وانا جالى تربيه نوعيه بنها (طبعا كليه هابله ومش داخله دماغى) التنسيق عمره ما جه بالشكل ده واكيد فيه حاجه غلط لان فيه ناس جايبه 92 وجالها تربيه عين شمس وناس جايبه حاجه وتمانين وجالها تربيه عين شمس بردو دى عمرها ما حصلت الهندسه كانت من 89 او 88 مش عاليه اوى كده
وفيه مظاهرات بكره عند التعليم العالى لكن ما علينا لو المظاهرات دى معملتش حاجه
دلونى بقى

انا دلقوتى تخصص سياارت ومبحبش غيرها ودى حياتى ومستقبلى وحاليها بتدرب فى توكيل (وممكن اتوظف) اعمل ايه بقى انا مش عايز اخش نوعيه دى هاضيع سنين على الفاضى اهلى بقى عمالين يقولولى اهى مؤهل عالى وانا مش راضى فبفكر اكمل السنه دى فى التوكيل واقدم فى المعادله السنه اللى جايه

يقولولى قدم فى الكليه دى وفى نفس الوقت قدم فى المعادله واهو كده كده انت شغال

دلونى يا جدعان انا تقريبا مخى توقف عن التفكير من ساعه ما التنسيق نزل

اعمل ايه!!!!!!!