الموضوع: اشتريت العربية a7 بس عايز اسأل سؤال لخبراء القسم

عندي في المرسيدس لما غيرت البطارية وركبت البطارية الجديدة طلعتلي علي الشاشة 5 إيرور..منهم esp و airmatic و abs ومش فاكر إيه تاني..وساعتها دعبست في الكتالوج عرفت إن فيه حاجة إسمها reset angel من الدريكسيون..وهي إنك تلف الدركسيون لأقصي اليمين وبعدين لأقص الشمال وبعدين تظبطه علي المنتصف بالظبط.وفعلاً عملت كده الإيرورز كلها إتشالت.

المشاركة الأصلية كتبت بواسطة vip74

ألف مبروك ربنا يرزقك خيرها ويكفيك شرها
بس عندي سؤال هل الاوكتافيا أفضل أم كورولا ولماذا

الكرولا :-

- عربية ناعمة علي الطريق.
- تكييف ممتاز
- تبريد موتور ممتاز
- سحب جميل 1600 سي سي 124 حصان 2 كامة 152 نيوتن
- صالون خاماته ممتازة
- عوامل أمان تطورت بشكل ملحوظ عن الموديلات السابقة
- صاج ورق !


الأوكتافيا :-

- عربية ناعمة علي الطريق.عفشة أنشف من الكرولا في المطبات ( كل الأوروبي كده ما عدا المرسيدس )
- تكييف ممتاز
- تبريد موتور ممتاز ( لكن الياباني يتفوق في التبريد ونادراً ما تلاقي عربية ياباني بتسخن).
- سحب جبار 1400 سي سي تيربو 140 حصان 2 كامة 250 نيوتن.
- صالون خاماته ممتازة.
- تكنولوجيا وكماليات حدث ولا حرج.
- عوامل أمان معروف لدي الجميع وأضافوا لها حاجات عن الموديل السابق
- صاج متخلف !

العربيتين جمال..لكن ركوبة الياباني حاجة..وركوبة الأوروبي بالأخص الألماني حاجة تانية.

المشاركة الأصلية كتبت بواسطة vip74

شكرا علي الاهتمام والرد السريع
ما شاء الله لحصت الموضوع في سطور

الشكر لله يا فندم ربنا يكرمك وتحت أمرك