عرض للطباعة
السلام عليكم يا رجالة
عندى سؤال لأهل الخبرة فى السيارة كيا سبكترا 2004
أنا عندى المساعدين ناشفين أوى او زى ما العفشجى بيقول محجرين وانا كنت لسه مغير جوز قدام ومركب كى واى بى يابانى من حوالى 3 شهور وباظوا دلوقتى
تنصحونى أجيب المونرو ولا أجيب الجى ام بتاعها ولو حد يعرف يقولى أجيبها منين أكون شاكر ليه جدا ..
وجزاكم الله خيرا
ممكن سؤال خارج الموضوع
عايز رأيك في الاسبكترا وهل قطع غيارها منتشرة وحنينة في السعر ولا لا
ورأيك اخلى اخويا يجيبها ولا لا ؟
مع العلم ان اغلب شغله هيبقى في الاقاليم خارج القاهرة
بالنسبة للمساعدين انا كنت جربت مونرو زمان في عربية 504 واقل ما يقال انهم كانوا ممتازين بس تجيبهم من التوكيل في التوفيقية
بص يا صديقى بالنسبة للعربية ممتازة أنا معايا الأوتوماتيك ومريحانى جدا ..مشكلتها فى قطع الغيار مش متوفرة شوية .بس انا واقع فى واحد بيشتغل فى كيا جنبى فحاللى المشكلة دىاقتباس:
المشاركة الأصلية كتبت بواسطة amrelsaqqa
أنا كان معايا لانوس قبلها ولما جبت دى قطع الغيار أغلى بس مش قوى ..
مثال
الكاتينا ب 70
السيور ب 35
مساعدين كى واى بى ب 670
كشافات أمامى ب 175 صينى
الاكصدامات غالية ومش موجودة
..
العربية بتوفر بنزين زى اللانوس تقريبا مع انها 1600 واللانوس 1500 انا بحط 25 لتر كل 3 أيام ومشوارى اليومى حوالى 100 كيلو مع العلم انى بشغل تكيييف
م الأخر لو أخوك معاه تمنها كاش ممكن يشوفها أو يشوف الكريستالة ( لانسر 99 ) الاتنين فى نفس السعر أو لو عايز يوفر يشوف السيفيا او الشوما كمان ..
الخلاصة : العربية ممتازة يا عمر
تسلم ايدك ياباشا على الرد
تمام الكلام بالنسبة لقطع الغيار الاستهلاكية
بالنسبة مثلا للحاجات زي بقية مكونات العفشة زي سكاترا مثلا ، والحاجات اللى زي طرمبة باور او دينامو او كمبريسور تكييف وتلاجة تكييف ، الحاجات دى مثلا موجود منها استيراد في الحرفيين ، ومتوفرة ولا لا ؟
و معلش لو بتقل عليك في الاسئلة :)
والله مجربتش يا صديقى لإن العربية بقالها معايا 4 شهور بس فالحمد لله مواجهتش المشكلة دىاقتباس:
المشاركة الأصلية كتبت بواسطة amrelsaqqa
اه فى حاجة تانية كل الموديلات دى ( سبكترا - سيفيسا- شوما ) التابلوة بتاعها بيقوم من الشمس .