ياراجل دا انتا كده هتشجعني اني اسافر حتت اطول :018a1d~146:
عرض للطباعة
حمد لله على السلامة والفليشيا لماتكون فى حالتها هتستمتع بيها ربنا يديك خيرها ويكفيك شرها
لو عربيتك سليمة سافر وانت مطمن
انا بسافر مرتين كل اسبوع بيها على طريق الكريمات زي طريق العين السخنة بالظبط والحمد الله تحفة على الطريق وبتجري وبجيب ال140 مرتاح وثابتة ومابتعومش
مش عارف انت مشكلة التعويم عندك اكيد حاجه في العفشة لان معايا ثابتة
هيا بس مشكلة السخونة اللي ظهرت معايا من قريب تعباني شوية
اخى الحبيب بارك الله لك
شوية تنبيهات اكيد اكيد انت وغيرك عارفينها فقط اذكر نفسى واياكم بها.
طالما انت بتحب السفر لمسافات يبقى خالى بالك من الاتى:-
1- العجلة الاستبن جاهزه ومتراجع الضغط بها +كوريك محترم +مفتاح عجل.
2- جركن مياه على الاقل 4 لتر مياه خضره او على الاقل مياه فلتر 5 مرحله .
3- معجون لحام حديد مادتين +امير.
4- حبل قوى بطول مناسب يصلح للقطر .لاقدر الله.
5- كيلو زيت محرك .
6- سير دينامو احتياطى .
7- كابل دبرياج احتياطى .
اللى فاكر حاجه يقولها ومعلش المشاركه مش ظريفه منى كلها تشاؤم لكن فيها امان كتير باذن الله.
اضيف كمان
عده مفاتيح بلدى ومفك وشكرتون وحتة سلك ومفتاح بوجيهات ويسلام لو تخلى معاك بوبينة ومشط الكترونى وطقم بوجيهات احتياطى فى العربية
بالنسبة للعومة احتمال ان العربية متركب ليها علايات او المساعدين وحشين
تحياتى!!
لله ينور عليك يا استاذ طارق انتا والاستاذ منسي
واحب اشارك معاكم انا معايا فى العربية الاتي -
لتر زيت موتور
لتر زيت فتيس
زجاجة مياة كبيرة
سبريراتير
موبينة
مشط الكتروني
طلمبة بنزين
طاقم بوجيهات
مفتاح بوجيهات
مفتاح مشرشر لفك الاسبراتير وبيفك عمة الكاربراتير
مفك عادة صغير لفتح وقفل البنزين والهواء علشان هما فى حتة مزنوقة
شنطة الكوريك مليانة مفاتيح بلدي باحجام مختلفة وشوية مسامير
وشوية صواميل وترامل واسلاك كهربا وكام فلتر بنزين وقصافة كهربا وبنسة
وشوية مفكات عادة على صليبة وبنسة كهربا بايظة زوم اعمال الطرق والدق ومفك كبييييير لنفس الغرض
الاستبن ودايمن براجع عليه كل فترة + مفتاح عجل وكوريك تمساح
حبل تخين لقطر العربية للطوارئ
اجندة صغيرة مدون بها
طريقة توصل الموبينة مع المشط الالكتروني
ترتيب الفيوازات ووظيفة كل فيوز ((( مع شوية فيوزات احتياطي فى التابلوة ))
ارقام تليفونات الاوناش على الطرق السريعة وداخل القاهرة للطواري
والاهم من دة كله دعاء السفر ودعار الركوب معلقهم على مراية الصالون
والله خير الحافظين
ملحوظة بالنسبة لمشكلة التعويم ملاحظة بسيطة حصلت معايا امبارح بس كنت مماشي على كورنيش النيل وبجري فوق 90 والهوا شديد وفاتح الشباكين اللى قدام وحسيت العربية بتعوم
احتمال كبير يكون دة سبب تعويم العربية والعفشة وكل حاجة سليمة
ههههههههههههههههههههههههه هههههههههههههههههه
اضحك الله سنك يااستاذ احمد
دى انت قلبت العربيه ورشة طوارىء واسعاف متنقل
ليه كل ده وليه اللخمه دى كلها
المسأله بسيطه .... وانت عند الميكانيكى مره من المرات ظبط العربيه كويس واستبدل الاجزاء اللى تشك فيها وكمان الكهربائى شرحه ..
يعنى دائما تكون معظم تفاصيل السياره اللى تغيظ تكون جديدة ومظبوطه
وعند حدوث اى مشكله لاقدر الله اقطر وخلص .. وعادة لن تتعرض لأمور بسيطه ستكون غالبا اكبر من طاقة فهمك وامكانياتك الفنيه وعدتك البسيطه فالطبيعى هتكون عايز متخصص .
وأضحك الله سنك اشكرك على مشاركتك اللطيفة دي والله ضحكتني وهتضحك انتا كمان اكتر لما تعرف اني مبخرجش بيها كتير يعني شاريها بالظبط من سنة واربع شهور معملتش لسة 5 الاف كيلو بخرج بيها متوسط مرتين فى الاسبوع مشاوير قصيرة
وكل شهرين تلاتة مشوار للشرقية 250 كيلو رايح جاي
اشكرك على مشاركتك اللطيفة دي والله دحكتني وهتضحك انتا كمان اكتر لما تعرف اني مبخرجش بيها كتير يعني شاريها بالظبط من سنة واربع شهور معملتش لسة 5 الاف كيلو بخرج بيها متوسط مرتين فى الاسبوع مشاوير قصيرة
وكل شهرين تلاتة مشوار للشرقية 250 كيلو رايح جاي
بس والله انا بحاول اعرف واتعلم كل حاجة ويبقي معايا كل اللى اقدر عليه علشان حضرتك عارف طبعا يعني اية تكون عطلان على طريق صحراوي ومعاك المدام والاولاد وفى ظل عدم الامن وكمان خطورة الطريق اكيد حضرتك مقدر انا بفكر ازاي وف النهاية لو احتاجت لتدخل من اى حد هكون ارضيت ضميري وحاولت للنهاية
اللى ممكن يضحكك اكتر بقي ياباشا لما واحد صاحبي يجيب العربية متشالة على الونش من الشرقية لحلوان وبعد العربية متنزل من ع الونش يكتشف الباشا ان السلك الى طالع من الموبينة وداخل على الاسبراتير مش راكب فى مكانة (( فالت من مكانة )) والميكانيكي يتريق عليه يركبه السلكة ويدور العربية تدور ......... هههههههههه مش دي حاجة تضحك تحياتي