ايه حكاية بل السلانسيه الكهربا دى ؟؟ و ايه ميزته و ياترى يركب بدون تعديل ؟؟
عرض للطباعة
ايه حكاية بل السلانسيه الكهربا دى ؟؟ و ايه ميزته و ياترى يركب بدون تعديل ؟؟
ان عن نفسي جربته ولفيت عليه كتير عشان الاقيه المهم جبته وجربته ومافيش اي فرق بل بالعكس استهلاك البنزين زاد مع انه نفس المقاس بتاع العادي
انا كنت افتكر انه بيدور العربية علي طول من غير مادوس بنزين والصبح يخلي الار بي ام عالي عشان العربية تسخن زي الشاهين
بعد ماجبته مافيش اي حاجه من اللي كنت فاكرها طلعت موجوده والاستهلاك زاد
لو عاوز تجيبه وتوصله بنفسك تجيب متر سلك او متر ونص 1 ملي
وتوصل الطرف الاول بريشة طالعه من البك لما تجيبه هتلاقيها والطرف التاني بالطرف الموجب بتاع الموبينة وانت بتلمس السلك هتسمع صوت تكه يبقي كده البك شغال
وتجيبه مقاس 45
ده لو هتجيبه يعني
أشكر يا أستاذ حسنين على هذه الإفادة
أنا كنت عند واحد بتاع كربراتير متخصص فى دار السلام و سألته على البيك السلانسية الكهربا قاللى مالوش أى تلاتين لازمه فى الدنيا و عشان كده بنقصف السيلك بتاعه علشان ميعملش مشاكل مع الكهربا كمان (بيلغى الكهربا و يشغله عادى)
هو معتز بتاع دار السلام
أنا جربته بعد ما رحت لواحد مشهور جدااااااا فى شبرا و الناس بيجولوا من الصعيد الجوانى مخصوص و كان شغله زى الزفت للأسف
رحت بعد كده لمعتز, شاب متعلم و محترم, صنايعى جداً , بيعمل شغل الخراطه للأكس و الباب بنفسه و بيجرب العربيه بعد الشغل, لو إحتاجت ضبط كهربا بيضبط و بينضف البوجيهات و .... بيتأكد من شغله و يسلمك العربيه الله أكبر, و مصنعيته فى الطبيعى يعنى ولا غالى و لا رخيص.
دى مش دعايه (بدليل إنى مذكرتش إسمه فى أول رد ليا) بس ده من باب إعطاء كل ذى حق حقه.
فاشل جدا ولا ليه أى لازمة
و حل الإختراع إللى إسمه كربراتير ده إيه؟اقتباس:
فاشل جدا ولا ليه أى لازمة
فعلاً رحت 2 مليون و 500 ألف مرة علشان أضبط الكربراتير عنده (بعد عمل الأكس و الباب و دياوله) و برضة مفيش فايده
بوجيهات بتهبب و إستهلاك عالى جداً (145 كم فى الصفيحة) و ريحة بنزين (عادم) بعد الـ 80 تخنق.
و أخيراً رعشة فى السلانسية غيرت معاها كل حاجه متعلقة بالكهربا و قواعد الموتور و التقسيمة و برضه موجوده, أروحله يضبطها , أول ما تبرد تانى يوم ترجع زى ما كانت مبرجله!!!!!!!!!
علشان كده كنت بأضم صوتى لصوت أبن الفريد (زميل الكفاح) و عاوزين نفهم نضبطه إزاى, مفيش فيديو؟
نفس المشكله بس عايز اجرب كربرتير الفيات 131 كامه وحده بيقولو يشتغل تمام ويظبط العربيه سلنسيه وسرعه