أكيد ياجماعة كلنا سمعنا عن بتك الطعام لكن اللى سمع غير اللى شاف و شارك معاهم بصراحة يوم السبت اللى فات كان لى الشرف و الحمد لله أن ربنا قدرنى و رحت و شاركت معاهم فى التعبئة لشنطة رمضان
انا رحت مع ناس زمايلى فى الشغل و كان المنظر هناك يفرح أعداد كبيرة من البنات وقليل من الشباب و بصراحة الحاجة اللى زعلتنى ان الشباب كان عددهم قليل و كان فى مسلمين و غير مسلمين من الجنسين لكن كان الكل بيشتغل بكل ذمة وضمير لوجه الله
ياشباب المنتدى تبرع بساعة من وقتك فى الويك إند لله
المكان خلف اوليمبيك جروب بمدينة نصر
و لما تشوف المساحة اللى مبنى عليها هتتعجب
لو مالكش فى الشيل و الحط و البهدلة ممكن تتبرع بالمال
و تقبل الله منا و منكم