أظن موتور الجولف موديل 2000
المفروض سعرها يبقى من فئة الاولد اكسنت و متعديش ال60 تحت اى مسمى
والله لما انها اوتوماتيك و جميع الكامليات واير باجز و ساوند سمسم cd و abs و حركات يعنى
طبعا هتغاضى عن شكلها اللى عامل زى البطيخه القرعه كمان (شبه الادا سماره و البيجو 405 و العربيه الايرانى اللى اسمها سمند )ومش عارف مين اللى هيرضى يشترى عربيه موديل 2009 بلشكل دا و يسيب العربيات المرميه فى السوق وزى القشطه
هديها 70 الف عيار ومش هيبقوا كتير عليها
ودا لانها فى الاول و الاخر فيها مكونات فولكسيه المنشا يعنى اذا كان العربيات الصينه بتتباع ب مبلغ اكبر من كدا اعتقد مش هيبقى كتير على العربيه المبلغ دا
و فى الاخر لو هشترى عمرى ما اجيبها
انا لو طلع من جيبى 90 الف علشان اجيب عربية زى دى
هبئا للاسف راجل اهبل
اولا, شكرا ليك الreview اللى انت عملتة عشان ناس كتير كانت بتسال عليها و انت كدة وضحت حاجات كتير.
الصاج مختلف عن الGolf 2 و الGolf 3 كتير اوى فا معتقدش هينفع تركب حاجة منهم.
دة مش موتور الGolf 4 خالص و مش عارف دة ممكن يكون موتور اية لانى ما شوفتش زية قبل كدة بصراحة.
بالظبط كدة.
لأ مش هو.
لأ مش مختلف
نفس أبواب الجولف2 سواء الأبواب الأمامية أو الأبواب الخلفية
حتى الكوالين الداخلية ونفس الأبعاد تماماً بالخط المحفور على الباب بالمللي
الموتور من صنع فولكس
وطالما إنت متأكد إنه مش جولف4
أظن هيكون ركب قبل كده في أي سيارة فولكس مثل باراتي أو بورا أو ...
هحاول أدور هو موتور إيه بالظبط في سيارات فولكس
وإنت برضه طالما عندك فكرة عن مواتير الفولكس حاول تساعدنا نعرف الموتور ده بتاع سيارة إيه ؟
ومش هاتتباع
عربية مالهاش قطع غيار ولو قطع الغيار موجودة فى موديلات فولكس القديمة برضوا كتيير اوى عليها سعرها كبيرها 60000
لأ مش قوي كده برضه يا جماعه..
العربيات الصيني اللي مالهاش نوع معروف.. بتتباع ف 65 الف و 70 الف..
واهي برضه عربات قايمة علي اشكال و موديلات قديمة لعربيات تانية..
سواء شكل خارجي.. ولا اساسيات.. اللي معظبناه بيشتروه قديم من نصتغين تانيين..
يبقي دي تستاهل شوية بس مش لدرجة 90..
يعني كبيرها 75 مثلا,,
يعني موتور و عفشة و فتيس الماني.. و اوتوماتيك..
كلام سليم
يعني مثلاً لو بصينا على الشاهين الفاضية 1400 CC وسعرها 70 ألف
بلاش الشاهين
نبص على السيينا الصيني وهي نفس فكرة الجيتا الصيني
هما الإثنان ماركات عالمية معروفة ولكنها مجمعة ومصنع أغلب أجزائها في الصين
ومننساش إن السيينا الصيني سعرها 70 ألف جنيه وأنا شايف إن ده كثير عليها برضه
المشكلة الرئيسية هي الإنتشار وتوفر قطع الغيار
وطبعاً السعر مبالغ فيه
لكن لو نسينا مشكلة قطع الغيار والإنتشار وركزنا على السعر أظن السعر المناسب حوالي 70 ألف لنصف الكماليات و 80 ألف للكاملة بجميع الكماليات مقارنة بالشاهيين والسيينا
وفي إنتظار باقي تحليلاتكم
فعلا نفس ابواب الGolf 2 بالظبط مفيش اى اختلاف.
بس غير الابواب مفيش حاجة تانية فى الصاج تركب.
انا كنت عمال اقول انا شوفت الضهر دة فين قبل كدة و بعدين افتكرت, دة واخدينة من الPhaeton
ادينى بدور علية اهة :bouncy: