مقارنة غريبة شوية بس الاتين نفس السعر 185000 ايهما احسن سواقة وتبات واعتمادية وامان وسعر اعادة البيع لانى شايف الاتين غيروا خالص يمكن التيوتا غيرت شكل وكمليات فقط اما الماتور زى اللى قبلة محتاج رايكم لو سمحت وشكرا للمساعدة
عرض للطباعة
مقارنة غريبة شوية بس الاتين نفس السعر 185000 ايهما احسن سواقة وتبات واعتمادية وامان وسعر اعادة البيع لانى شايف الاتين غيروا خالص يمكن التيوتا غيرت شكل وكمليات فقط اما الماتور زى اللى قبلة محتاج رايكم لو سمحت وشكرا للمساعدة
بدون تفكير كورولا .. والله وجة الزمن الي بقينا بنقارن فية كوري ب ياباني وبقي سعر الكوري زي الياباني ...
انت بتتكلم ف اية يا ريس .. التويتا طبعا بدون نقاش
الموتور زى القديم في الكرولا بس الموتور القديم ماشاء الله كويس والعفشة تستحمل شوارع مصر .. هى ناشفة شوية بس ممتازة وخدمة اعادة البيع للكرولا طبعا بدون نقاش
الشكل : الكورولا تكسب ( ودة وجهات نظر )
حرام عليك لو ركبت بالفلوس دى غير كورولا ... ياريت انا اتحط في المقارنة دى وانا احسمها من اول كلمة ..
مشكلتى زيك كدة بس المقارنة بين الالنترا 162000 والكورولا (( بس للاسف انا مش معايا يكمل اركبها اتوماتيك وانا مش بحب المانويل ))
لكن بالنسبة ليك انا اعتقد مقارنة محسومه وانا استغربت من عنوان الموضوع قولت دة مش مجال للنقاش اساسا
ربنا يوفقك ومبروك مقدما بس لو جبت الكورولا .. اخد لفه هههههههه
رأي كورولا ..
يا خاراشي يا خاراشي جه اليوم اللي نقارن فيه الكوري بالياباني الكورولا وش وربنا يوفقك
تويوتا
انتو زعلانين ليه يا جماعه دا كان فى عضو بردو بيقارن السيراتو بالفتازيا .................... و بيتكلم فى حوار السرعه و التجميع و الكماليات ............
رأيي الكورولا الجديدة رغم تحفظي على موضوع الارتفاع عن الارض شوف طريق بلدك وحدد حرام العربية تتعلق معاك على مطب :fun_broken: خصوصاً مش هي الفرق الكبير اوي اللي يخليك تتغاضي عنها في نفس الفئة اللي فيها العربيات دي (وبالاخص طرق بلدنا)
لكن الاتنين هيمتعوك بأذن الله عربيات نضيفه وهتعجبك لكن اللي هتعجبك اكتر هي الكورولا لكن موضوع الارتفاع ده مقلقني شويه شوف طريقك ايه
وما تشوف الفلونس الجديدة بـ169 الف ؟؟ هتعجبك جداً زي السيراتو والكورولا وشكل لسه نازل جديد برضه زييهم
فأنت حدد ايه اللي تقدر تتغاضى عنه وايه اللي يناسبك ويناسب ظروف سفرك اذا كان طويل او قصير وعيلتك .... الخ ده يحدد العربية اللي تقدر تشتريها ومبروك مقدماً واختيار موفق بين سيارتين ممتازين اثبتوا وجودهم حتى الان
ياجماعة التويوتا ال2014 نازلة تجميع تركى !!! .. والسيراتو عربية مش وحشة ممتازة
كرولا افضل بكتير .. وبردو بص ع الفلوانس عربية محترمه جدا وشكلها الجديد ممتاز
انا لو بختار هختار السيراتو ................. مع احترامى للكورولا .
+١١١١١١
انا ذيك لو بختار حختار السيراتو ... بس اللي حيختار الكرولا حيختارها علشان ياباني حضرتك حتختار السيراتو ليه؟؟
انا مثلا حختار السيراتو علشان
الكرولا تجميع تركي و تفرق كتير معايا ... يعني لو السيراتو بتجمع في الصين مثلا كنا حنقول متفرقش؟؟؟!!!
ال ground clerance في التويوتا ١٢.٥ سم فحتكون مش مناسبه للشوارع المصريه
بالمناسبه هو فتيس الكرولا لسه اربع سرعات ولا بقي ٦ سرعات؟؟
مفيش مقارنة.
الكورﻻ تجميع تركي و التقفيل شفته ممتاز و التركى بيتصدر لاوروبا كمان المصنع اللي في تركيا ده من اكبر 5 مصانع علي مستوي العالم.
كوروﻻ كماليات اكتر بكتييييييير.
فيتيس الكوروﻻ 6 سرعات مش 4
العربية مش واطية زي ما الناس بتقول ، مش للدرجة الفظيعة ده بالتجربة.
عوامل الامان كوروﻻ
esp
airbags
abs ebd ba
traction control
autopark
انصح اى حد يشوف العربية بنفسه قبل ما يقول رأيه و يبقي فيه ظلم ليها
السلام عليكم .... انا بقالي شهر في نفس مشكلتك وضيف ليهم اللانسر شارك عشان التوفير ... وكمان انا في الخليج وهنا بيعبدوا التويوتا ..يعني مبتخسرش في اعادة البيع بينما الكيا بتخسر كتير ... و الناس كلها اجماع علي الكورولا ...
بس بالرغم من كدة وانا نازل اشتري... مقدرتش واشتريت السيراتو ...
اولا: لان السيراتو كوري 100% ...بينما الكورولا تايلاندي ....
ثانيا اوبشن السيراتو عشان تلاقيها في التويويتا لازم تجيب لاند كروزر ..مثلا ( مثبت سرعة, تكييف خلفي , 3 درجات عزم في الدريكسيون , سنسور امامي وخلفي ..ليد امامي وخلفي .. تقدر تشوف باقي الاوبشن في مواصفات الكيا )
ثالثا: الكيا اوسع من الداخل بمراحل سواء السائق او الكنبة ... والارتفاع عن الارض الاتنين واحد بالمللي
رابعا: وسائل الامان في الكيا اكتر .. 6 اير باج امامي وجانبي .. abs, ebd , وحاجات تانية مفهمتهاش
خامسا : ودة مهم جدا بالنسبة ليا [B]ضمان 100 اللف او 5 سنين ...بينما الكورولا 60 اللف او 3 سنين[/B]
سادسا : العفشة امامي وخلفي هيا بالظبط بتاعت الكولا ... ماكفيرسون امامي وتورشن بار خلفي ..كمان الكيا 2014 ضايفة ليه تعديلات
سابعا: جير اتوماتيك 6 سرعات cvvt ..بينما الكورولا 4 سرعات بس ودة بيبقي مقرف بعد ال 120
بصراحة ...مالقتش ميزة واحدة للكورولا عن السيراتو غير اجماع الناس الاعمي عليها وسعر اعادة البيع ... بس برضوا الكورولا م اول 2010 وكل شوية تسحب عربيات بالملايين ..تحديدا بعد بدء التصنيع في تايلاند
دة عن تجربة شخصية ... انا لسة مكمل 1000 كيلو بس بالسيراتو ..فمقدرش احكم عليها ...بس هيا جامدة جدا ..عفشة ..هدوووووووء رهيب ... سواقة ناعمة ثابتة ممتعة جدا ..اما الاوبشن فبتحس ان الدنيا تطورت كتير اصراحة ... وواسعة جدا من جوة ... هوة بس المطبات اللي لازم تتاخد بحذر ... الكاوتش مزعج علي السرعات continental ..لما يتهلك ان شاء الله هبقي اجيب حاجة من غير صوت
طبعا المقارنة دي هتوصل لنفس النتيجة مع اللانسر شارك او الفلونس
وربنا يوفقك ومتنساش تليين شهر في الاول لو هتجيب جديد
المدام معاها كيا سيراتو و العربيه ممتازه و فيها كل حاجه ممكن تحتاجها سحب و ثبات و اوبشن و خامات كويسه
السيراتو طبعاً من غير تفكير ماتور اقوى وفتيس احدث ووبشن اعلى وصالون اوسع وخامات تقفيل احسن وثبات اعلى وكورى 100% مش تيلاندى
الكورولا فى وجهة نظرى افضل من السيراتو و لو مش عاجباك يبقى الفلوانس فيس ليفت و رايى انها افضل منهم هما ال 2
حضرتك معاك حق لأنك بتقارن السيراتو الجديده بالكورولا القديمه وكمان مواصفات خليجي اللى هي اسوء مواصفات على مستوى العالم خصوصا فى الكماليات
كمثال الكامري فى السودان اعلى بكتير من الكامري الخليجي
اتفرج مثلا على مواصفات جنوب افريقيا هتلاقيها اعلى من السيراتو مع التحفظ على فتيس mmt
الكورولا الجديده فى مصر مواصفاتها عالية جدا والتجميع التركي فى نظري احسن من التايلاندي فى الخليج كفايه انها نظام ثبات الكترونى (VSC) و فرامل ABS+BA+EBD و مثبت سرعة - تكييف أوتوماتيكي Dual Zone و Park Assist
انا شايف ان الكورولا 2014 التركي تكسب السيراتو
اللانسر شارك معايا فى مصر وعجباني اكتر من الكورولا 2013 بس شركة ميتسوبيشي بقالها كام سنه محلك سر ولما غيروا تصميم عربيات زي الoutlander بقت اوحش
-الحق يقال ال Toyota تكسب كمواصفات امان بس السيراتو شكلها يشد اكتر من Toyota و تحسها بتناديك كده
الهاي لاين في الكرولا اغلي بفارق كبير عن الهاي لاين في السيراتو
سيراتو هاي لاين ٢٠٠ الف و كورولا هاي لاين ٢١٠ الف.
سيراتو تزيد عن الكورولا
جنوط ١٧ مقابل ١٦ للكورولا
كراسي كهربائية
انوار ليد خلفي
فتحة سقف
الكورولا تزيد
Trc
Esp
اوتو بارك
فوج لايت خلفي
فرق ١٠٠٠٠ في حاجات في وجهة نظري المتواضعة مهمة و تستاهل بصراحة.
يعني مش منطقي ادفع ٢٠٠ الف بدون الحصول علي الاقل علي esp. Trc
فعلا من أهم ما يميز الكورولا الهاى لاين ال VSC وال Park-Assist وكمان ال 7 إيرباج دول مش موجودين فى عربيات كتير
والأوبشنز فى صالح السيراتو
بس على فكره السيراتو الهاى لاين ب 192 الف مش 200
والفئه اللى قبلها ب 179 الف فيها معظم الأوبشنز اللى فى الهاى لاين ماعدا الكراسى الكهربا والفرش الجلد والكاميرا
زى ما فئه ال 185 فى الكورولا فيها معظم الأوبشنز اللى فى الهاى لاين ماعدا ال Samrt-Key والكاميرا الخلفيه وال 7 إيرباج
الخلاصه الكورلا تتفوق فى عوامل الأمان الأكتر , السيراتو تتفوق فى السعر والأوبشنز
دا من حيث الأسعار والتجهيزات فقط , فى طبعا عوامل تانيه كتير لازم تتحط فى الحسبان عند المقارنه
علي حسب علمي السيراتو فئة مانيوال ب١٤٠ و ٥ فئات اوتو ب ١٥٠ / ١٥٨ / ١٦٨/ ١٨٥ / ١٩٩ الف
مقارنة الفئة الهاي لاين في الكورولا و السيراتو السعر في صالح السيراتو صحيح و اتفق معاك و لكن التجهيزات ففي رأي في صالح الكورولا.
Trc esp auto park تجهيزات مش يتنزل في اي عربية في الفئة السعرية دي خالص.
يمكن اكون مش واخد بالي او مركزتش في تجهيزات السيراتو بس هل السيراتو تزيد عن الكورولا في حاجات تانية غير اللي ذكرتهم :
جنوط ١٧
ليد خلفي
فتحة سقف
كراسي كهرباء
و لحضرتك جزيل الشكر
السيراتو هاى لاين أعلى سعر وصلت ليه كان 198 ونزل 6 الاف وبقت ب 192 بقالها فتره , وباقى الفئات كلها نزلت 6 الاف برضه , بقى الأوتوماتيك 144 ال EX ب 152 ال EX Full-Options ب 162 ال SX Sunroof ب 179 والهاى لاين 192
بالنسبه لتجهيزات السيراتو هاى لاين فيها فرش جلد وسى دى تاتش ونظام التحكم فى درجة الباور Comfort/Normal/Sport وشيفتات فى الطاره وتعديل الطاره Tilt&Telescopic وحساس نور وتبريد درج التابلوه وإضاءه فى المرايات والأكر ( كروم ) Welcome-Light وفتحة تكييف خلفى
بالإضافه للحاجات اللى حضرتك ذكرتها