سؤال لكل وحوش هوندا فى شراء سيفيك 2009 Vti تركى

**sherif shaheen** · 14-09-2013 01:26 AM

أنا مقبل على شراء هوندا 2009 vti مستوردة من تركيا هى عاملة حوالى 60000 ك م تعمل كام فلوس و لو عاوز أكشف عليها أكشف فين و هل يقبل التوكيل عمل صيانة ليها و لا ﻷ و أه الفروق بينها و بين الوكيل و هل يوجد مشاكل فى هذا الموديل و هو العربية بتحك فى المطبات .
أرجو الرد سريعا و شكرا ......

**sherif shaheen** · 14-09-2013 01:30 AM

المشاركة الأصلية كتبت بواسطة sherif shaheen

أنا مقبل على شراء هوندا 2009 vti مستوردة من تركيا هى عاملة حوالى 60000 ك م تعمل كام فلوس و لو عاوز أكشف عليها أكشف فين و هل يقبل التوكيل عمل صيانة ليها و لا ﻷ و أه الفروق بينها و بين الوكيل و هل يوجد مشاكل فى هذا الموديل و هو العربية بتحك فى المطبات .
أرجو الرد سريعا و شكرا ......

السيارة سيفيك

**sherif shaheen** · 14-09-2013 02:12 AM

هو فى أه يا جماعة كله بيدخل على الموضوع و محدش بيرد ليه

**mr.a** · 14-09-2013 02:32 AM

آسف مش هقدر افيدك
بس انا عايز احذرك لو كنت هتشاريها من عن طريق النت
لأن الموضوع بيبقى نصب

**sherif shaheen** · 14-09-2013 02:41 AM

المشاركة الأصلية كتبت بواسطة mr.a

آسف مش هقدر افيدك
بس انا عايز احذرك لو كنت هتشاريها من عن طريق النت
لأن الموضوع بيبقى نصب

يا باشا العربية موجودة فى مصر و مترخصة من الزيرو و معروضه للبيع فأنا عاوز أعرف أشتريها و لا أدور على وحدة تانية بس لكن مش هأجبها إستيراد

**AHMED_HAMDY** · 14-09-2013 02:59 AM

بالنسبه للي مش بيرد القسم هنا خصوصا اغلب الي بدخلوا من اقسام ثانيه فعلشان كداا ممكن مش بيردوا علشان مش يضللوك اكثر

ال Vti 2009 احسن موديل باحسن فءه بحبها عن نفسي بس اكشف في التوكيل عليها احسن

السعر تقريبا من 125 ل 135 اققصى حاجه مش هيعدي كدا وكله حسب الحاله

**AHMED_HAMDY** · 14-09-2013 12:44 PM

لاء الفرق مش عارفه بصراحه اصبر هتلاقي منسق القسم وفيه اعضاء هنا كثير فاهمين في الجيل ده اكثر مني بكثير هيردوا على حضرتك بس انت حاطط الموضوع بليل ودلوقتي فيه ناس كثيره في الشغل وكدا اصبر وهيردوا عليك

بس الي فاكره ان التوكيل هنا كان فيه كذا عربيه تركي 2008 مش اتباعوا وكانوا زيرو لغايه 2010 وكان بعمل عليهم عروض مش فاكر كانوا تركي ولا حاجه ثانيه واستنى برضه رد الناس الي فاهمه كان نفسي افيدك اكثر من كدا بجد

**SAMEH_FOUAD** · 14-09-2013 02:59 PM

السيفيك ال Vti بتعمل من 140-145 الف جنية , مش هتزيد عن كدة بس دية لو توكيل او حتى شاريها من التوكيل الضمان بتاعها خلص

لكن السيفيك التركى ال Vti تاخدها ب 130 الف جنية واقل بس ال max بتاعك 130 الف جنية

الكشف هيكون فى التوكيل غير كدة لأ

بالنسبة بقى للتركى واليابانى , مافيش فرق غير ان التركى سعرها اقل لما كانت جديدة بفرق 10 الاف جنية تقريبا

وبالنسبة للتوكيل انت هتشترى قطع غيارها عادى جدااااااا , وتصلح جوة عادى جداا , بس طبعا التكلفة بتكون عالية

وفية حاجة اقولك عليها وتخلى بالك منها , حاول تشوف العربية شكلها من الخارج عشان كانت الفئة التركى بتنزل بشكل خارجى بتاع ال 2008 لكن بأوبشن ومواصفات الداخلية بتاعة ال2009 بتاعة التوكيل هنا

للتوضيح اكتر :

شوف شكل السيفيك 2009 vti هنا بتاعة التوكيل , وشوف الشكل بتاع التركى اللى معروض قدامك وقارن ساعتها هتعرف الفرق

لان التركى غالبا بتنزل بالشكل القديم بتاع السيفيك 2008 بس بمواصفات والتعديلات الداخلية بتاعة 2009 اللى عملتها هوندا ( Face lift )

وبردة ماتتسرعش شوف العربية وحالتها العامة , وتعالى هنا قول لقيت فيها اية واحنا نقولك على الصح ان شاء الله