نيسان صني 2013 الشكل القديم

**mohamed_lebo** · 14-09-2013 03:44 AM

انا فولت العربية وهي عاملة 510 كيلو واستنيت لغاية ما ظهرة علامة التانك ورحت فولت وهي عاملة 760 كيلو
دفعت 70 جنيه
المفروض ان التانك 50 لتر و 50 * 1.85 (بنزين 92 ) = 92.5
ده معناه ان مؤشر البنزين مش مظبوط خالص ....... ""س/ ده ممكن يتصلح في التوكيل ولا لأ "" دي اول ملاحظة
الملاحظة التاني
لما حسبتها للقيت انها قطعت 250كيلو ب 37.8 لتر يعني اللتر بيعمل 6.6 كيلو مع ملاحظة اني بمشي جوا المدينة بس لسه ما سافرتش بيها وبفتح التكييف ومكنتش لسه فاهم نظام الاوفر درايف فكنت قافله اغلب الوقت السؤال هنا "" ده طبيعي "؟؟؟؟؟؟؟؟؟؟؟؟؟؟؟؟؟؟؟؟؟؟؟؟� �� ؟؟؟؟؟؟؟؟؟؟؟؟؟؟؟؟؟؟؟؟؟؟؟� �� ؟؟؟؟؟؟؟؟؟؟؟

**Ahmed_selmy** · 14-09-2013 09:32 AM

بالنسبه لموضع المؤشر بتاع البنزين هوا غالبا مش بيبقى بالظبط ....ياعنى مثلا انا عندى فى التيدا لما افول العربيه ممكن امشى كتير اوى لحد اما يبدا المؤشر ينزل....دا طبيعى
بالاضافه ان اللمبه بتنور قبل ما التنك يفضى خالص

بالنسبه للاستهلاك بيختلف على حسب طريقة سواقتك
يعنى لو سوقتك فيها قرص على دواسه البنزين هيكون الاستهلاك عالى
لو سواقتك فيها كيك داون كتير حيكوت الاستهلاك عالى
لو سواقتك بالراحه خالص والعربيه تنقل مرتاح حيكون الاستهلاك معقول
تشغيل التكييف بيزود فى الاستهلاك
بالاضافه ان انت لسه ما وصلتش ل5000 كيلو ....بردوا العربيه تعتبر فى التليين والاستهلاك بيتظبط بعد ال5000 كيلو

لو وصلت لل5000 كيلو ولسه حاسس ان الاستهلاك عالى ممكن تشوف التوكيل لان ممكن يكون عندك مشكله فى الضفيرة ويغيروهالك على الضمان

ملحوظه. لو عايز تحسب استهلاك عربيتك صح ..اعمل الطريقه دى
1- فول عربيتك
2-انطلق فى طريق مستقيم لمسافه 100 كيلو على سرعه ما بين 90 -100 ك/س وبدون تكييف
3- ارجع فول عربيتك تانى ويفضل من نفس البنزينه
دلوقتى ممكن تحسب الاستهلاك الفعل والحقيقى للعربيه.

**waleed mohamme** · 14-09-2013 01:06 PM

كلام سليم مية مية

**asyl84** · 14-09-2013 01:41 PM

بص موضوع المؤشر دة لسة حاصل معايا.كان المشر على الصفر يعنى تقريبا مش بيطلع من مكانة الا حاجة هايفة جدا ومشيت بيها كدة حوالى 10 كيلو وروحت فولت 40 لتر تقريبا واستغربت زيك انها مش 50 بس الاستغراب راح لما اتحركت بالعربية 10كيلو نفس المسافة تقريبا بعد التفويل ولقيت المؤشر نزل وابتديت افول والمؤشر فى اماكن مختلفة واستنتجت يعنى استنتاج مش اكيد ان المؤشر متقسم الى 4 اجزاء اول ربعين حوالى من 10 الى 15 لتر الربع الثالث من 20 الى 30 لتر الربع الاخير دة بقى لوحدو حوالى 20 لتر ودة الربع الى بيبتدى تقريبا النور ينور فيها والله اعلم....اما بالنسبة للاستهلاك فا انا تقريبا بعمل 150 لتر فى الصفيحة والعربية عاملة 300 كيلو لسة بدون تكييف طريق اغلبة طوالى