الحقونى ياجماعه العربيه بتبطل منى

**victornabil** · 14-09-2013 01:14 PM

الى الاخوه الاعزاء
انا عندى مشكله غريبه و محدش عارف يحدد العيب فين انا عربيتى الانترا 2008 اوتوماتيك عامله 70000 كيلوو كل الصيانات بعملها فى مواعيدها و من شهر كده بقت تاخر فى الدواره بمعنى ان المارش شغال لكن مبتلقطش بنزين وده مش فى كل الاوقات و بعد مقرص على المارش شويه كانت تدور بس لما كانت تدور فى الحاله دى كانت بتبقى زى متكون متلته يعنى بوجيه فاصل و ال RPM كان يهيس و يطلع و ينزل لوحده كنت اروح مبطل العربيه و اجى ادورها تانى ف ساعتها كانت تدور على طول و يبقى كله تمام المهم انا قلت موضوع تاخير الدواره ده رخم قمت مغير بوجيهات اصليه ب 75 جنيه و نضفت حساس الايدل ب wd40 و نضفت فلتر الهوا وفلترالبنزين( ملحوظه كنت مغير فلتر البنزين اصلى فى صبانة ال 40000 ) قلت المفروض بقى كله يتظبط لكن للاسف بعد معملت الصيانه دى تاخير الدواره قل شويه فى عدد مراته بس لا زال موجود لكن العربيه بقت ترعش منى على السلانسيه و كذا مره بطلت منى فمن فضلكم قولولى دا عيب ايه لان كمبيوتر الاعطال مش شايف حاجه لان فى ناس قالتلى دا عيب طرمبة بنزين بس اعتقد لو عيب طرمبه العربيه مش هتدور خالص و انا مش عاوز اعد اجرب و اشترى حاجات ملهاش لازمه معلش انا طولت عليكم بس موضوع التيطيل ده مضايقنى اوى

**saddam** · 14-09-2013 01:37 PM

صديقي المواطن حتفك الرشاشات وتنظفها بجهاز اﻷلترا سوند أو.بتنظفها بطريقة وضع منظفات مع التنك كذا واحد وليها طريقة.معينة مش تحط والسلام حتدور معاك بسرعة وتظبط أدائها والبوابة والحساسات تتنظف وهم.مفكوكين مش وهم في العربية وحتصفى كل حاجة.عندك ويفضل السلوك بتاعت البوجيهات تتغير وبالنسبة لطرمبة.البنزين يتبص على فلتر البنزين الداخلي بتاعها ثم نقيس الظغط بتاعها بس كل ده بعد متحل مشكلة الرشاشات ودمتم للنضال

**victornabil** · 14-09-2013 01:51 PM

المشاركة الأصلية كتبت بواسطة saddam

صديقي المواطن حتفك الرشاشات وتنظفها بجهاز اﻷلترا سوند أو.بتنظفها بطريقة وضع منظفات مع التنك كذا واحد وليها طريقة.معينة مش تحط والسلام حتدور معاك بسرعة وتظبط أدائها والبوابة والحساسات تتنظف وهم.مفكوكين مش وهم في العربية وحتصفى كل حاجة.عندك ويفضل السلوك بتاعت البوجيهات تتغير وبالنسبة لطرمبة.البنزين يتبص على فلتر البنزين الداخلي بتاعها ثم نقيس الظغط بتاعها بس كل ده بعد متحل مشكلة الرشاشات ودمتم للنضال

انا متشكر لردك السريع بس هوا انت وقعت فى نفس المشكله قبل كده و الا ايه علشان انا سمعت ان موضوع الالترا سونيك ده مش كويس للرشاشات بس هو موضوع التبطيل ده سببه ايه و اى حد عنده راى تانى يا حماعه يا ريت يقوللى

**victornabil** · 16-09-2013 11:18 AM

فين الخبراء يا جماعه حد يرد علينا

**mohabelnegm** · 16-09-2013 11:35 AM

مرة حصلت معايا أعراض مشابهه فى النيو أكسنت و أتضح أن موبينه من موبينات البوجيهات كانت محتاجة تتغير

**victornabil** · 16-09-2013 01:00 PM

المشاركة الأصلية كتبت بواسطة mohabelnegm

مرة حصلت معايا أعراض مشابهه فى النيو أكسنت و أتضح أن موبينه من موبينات البوجيهات كانت محتاجة تتغير

طب و دى الواحد يكتشفها ازاى

**victornabil** · 18-09-2013 01:32 PM

ايه يا جماعه محدش بيرد ليه

**victornabil** · 20-09-2013 09:25 AM

امبارح روحت مركز سبيد سيرفس المهندس هانى و هوا كان عارف المشكله مسبقا لان اخر صيانه عملتها عنده و حط العربيه على الاسكانر بس للاسف الاسكانر مقراش اى عيب و المهندس هانى قالى دا عيب خبيث شويه عشان مش مستمر بيروح و ييجى و قاللى العيب ده ممكن يكون من كذا سبب المهم راح غيرلى حساس الكرنك من عنده و قاللى جرب بيه لغاية يوم الاتنين اللى جاى و لو العربيه مبطلتش تانى معاك يبقى عيب حساس كرنك ساعتها اشترى حساس كرنك و اروحلو ياخد بتاعه و يركبلى اللى هشتريه بصراحه كتر خيره مرضيش يكلفنى اشترى الحساس من غير ميكون متاكد 100% ان العيب منه على العموم انا هجرب كده لغاية يوم الاتنين و هقولكو الاخبار ايه بالمناسبه انا غيرت امبارح عنده سير المجموعه جبته اصلى ب 190 جنيه و تركيبه 30 جنيه

**victornabil** · 25-09-2013 09:52 AM

المشاركة الأصلية كتبت بواسطة victornabil

امبارح روحت مركز سبيد سيرفس المهندس هانى و هوا كان عارف المشكله مسبقا لان اخر صيانه عملتها عنده و حط العربيه على الاسكانر بس للاسف الاسكانر مقراش اى عيب و المهندس هانى قالى دا عيب خبيث شويه عشان مش مستمر بيروح و ييجى و قاللى العيب ده ممكن يكون من كذا سبب المهم راح غيرلى حساس الكرنك من عنده و قاللى جرب بيه لغاية يوم الاتنين اللى جاى و لو العربيه مبطلتش تانى معاك يبقى عيب حساس كرنك ساعتها اشترى حساس كرنك و اروحلو ياخد بتاعه و يركبلى اللى هشتريه بصراحه كتر خيره مرضيش يكلفنى اشترى الحساس من غير ميكون متاكد 100% ان العيب منه على العموم انا هجرب كده لغاية يوم الاتنين و هقولكو الاخبار ايه بالمناسبه انا غيرت امبارح عنده سير المجموعه جبته اصلى ب 190 جنيه و تركيبه 30 جنيه

الحمد لله بعد ما المهندس هانى ركبلى حساس الكرنك من عنده زى مقولتلكو العربي مبطلتش ولا مره بقالها كام يوم اهه المهم رحت امبارح شارع دمشق عشان اشترى الحساس ده فدخلت على التوكيل فبساله على سعره راح هبدنى 470 جنيه جاتلى صدمه و رحت على نافع جبته من عنده ب 190 جنيه و جريت على سبيد سيرفس عشان المهندس هانى كان مستنينى اصله كان مطبق يومين شغل من غير نوم راح فاكك الحساس بتاعه و اخده و ركبلى اللى انا اشتريته و من امبارح للنهارده كله تمام العربيه مبطلتش و لا مره اه نسيت اقولكو ان موضوع تاخير الدواره كمان راح خالص من ساعة ما المهندس هانى غيرلى حاجه فى فلتر البنزين اسمها o-ringهجرب كام يوم كده و اقولكو الاخبار ايه فعلا المهندس هانى يستاهل الف شكر هوا فعلا عنده ضمير و ده قليل اليومين دول