ايه احسن سماعات مدورة jbl كام وات يعنى

انا عاوزكم تدلونى على احسن سماعات jbl مدورة مقاس 16 علشان اركبهم عندى فى البابين اللى قدام فى عربيتى
وعلشان تكونوا معايا فى الصورة
الكاسيت بايونير
السماعتين اللى روا على رف خشب مكسى موكيت كينوود دبل بيز 400 وات
الراجل اللى بتاعمل معاه بتاع الكاسيت كان قالى ان احسن سماعات اركبها على السيستم دا فى البيبان اللى قدام بكلونيت تقريبا بس انا لقيتهم فيهم تويترات وانا مش عاوز سلوك وحوارات فقالى طيب خليك فى ال jbl
ياترى برضة اجيبهم من توكيل كينوود اللى فى المول فى التوفيقية واجيبهم كام وات وسعرهم تقريبا عامل كام علشان اعمل حسابى
علما بانى لا هحط جى ام ولا اى حاجة غير الكاسيت والاربع سماعات وشكرا

معلش استفسار بس . علي مااتذكر ان عربيتك لانسر بومة . انتا قاطع فالصاج عشان تعرف تغطس السماعات البيضاوي ؟؟؟؟ والرف الخشب نوعية الخشب ايه واتكلف كام بالموكيت ؟؟؟؟ وطلعت حزامين الامان اللي ورا ازاي من الرف الخشب ؟؟؟؟ معلش كذا استفسار كدة لان بصراحة ماصدقت الاقي حد معاه عربية زي بتاعتي تقريبا وعامل الحوار اللي ناوي عليه ان شاء الله.

واعتقد افضل سماعات للابواب. سوني كومبونت بيبقي في حدود ٢٧٠ او ٣٠٠ لاني مركبهم عندي ورا وهجيبهم ادام لما اركب البيضاوي ورا.

اقتباس:

---

المشاركة الأصلية كتبت بواسطة mr_vampire

معلش استفسار بس . علي مااتذكر ان عربيتك لانسر بومة . انتا قاطع فالصاج عشان تعرف تغطس السماعات البيضاوي ؟؟؟؟ والرف الخشب نوعية الخشب ايه واتكلف كام بالموكيت ؟؟؟؟ وطلعت حزامين الامان اللي ورا ازاي من الرف الخشب ؟؟؟؟ معلش كذا استفسار كدة لان بصراحة ماصدقت الاقي حد معاه عربية زي بتاعتي تقريبا وعامل الحوار اللي ناوي عليه ان شاء الله.

واعتقد افضل سماعات للابواب. سوني كومبونت بيبقي في حدود ٢٧٠ او ٣٠٠ لاني مركبهم عندي ورا وهجيبهم ادام لما اركب البيضاوي ورا.

---

اولا ياباشا تحت امرك
ثانيا فعلا عربيتى لانسر بومة بفضل الله
ثالثا انا فعلا للاسف قاطع فى الصاج حبة بسيطة وعامل رف خشب مكسى موكيت معرفش نوعه ايه بس هو غالى قوى ب 200 جنية
وقاطع فيه للاستوب ومسقطها وكمان عامل حساب الحزامين ولو بصيت علية مش هتعرف انه معمول تفصيل الا لما تركز قوى

بص نصيحة من الآخر وعلشان متصرفش فلوس كتير ملهاش لازمة
كاسيت يعنى بايونير ومش اى بايونير هات موديل حديث ويكون حد مجربة
والسماعات هات كينوود بلا منازع متجيبش سونى انا كنت مركب سونى 550 وات رميتهم وركبت الكينوود دبل بيز صوتهم حاجة تانية خالص

بالنسبة للسماعات ال جى بى ال
انا معنديش وقت خالص انى الف فى القاهرة لظروف معينة كدا عندى فديت للراجل بتاع محل الكاسيتات اللى بتعامل معاه عندنا هنا فى شبين 300 جنية تحت الحساب يجيبهملى من مصر وهشوف طبعا هو هيغليها عليا بس انا اخر مرة نزلت التوفيقية العربية اتحكت وكمان اتاخرت كتير عن شغلى

الرف ده عامله في شبين ؟؟؟؟ لاني جنبك من بنها فلو ملقتش حد عندي ممكن اعمله عنكو وبالمرة ناكل حواوشي

ايوة ياباشا انا عاملة فى شبين وتحت امرك يامعلم انزل انت بس فى يوم انا اكون موجود مش فى القاهرة وانا اعزمك على كباب كمان تنور ياكبير

للاسف انا برا مصر دلوقتي . بس كويس ان الحوار ممكن يتعمل لاني بصراحة مش عايز اقطع فالرف الاصلي.

السوني من افضل السماعات المدورة !!

انا ماسمعتش ال jpl في المدور !! بس السوني ال 350 وات 16 سم ممتازة

لو سمحت يا باشا انا كمان معايا لانسر بومة ولسه هادخل ان شاء الله فى موضوع الكاسيت ده فعندى كام سؤال كده
اولا انا مش عايز اقطع ولا غير اى حاجة انا عايز حاجات تركب على طول يعنى اشيل واحط هاينفع الكام ده فى الانسر ولا لا ؟؟ وايه لازمة الرف الخشب اصلا وهى السماعات اللى نازلة اصلا فى العربية اللى ورا مفاس كام واللى قدام مقاس كام ؟؟؟

اقتباس:

---

المشاركة الأصلية كتبت بواسطة delaga

لو سمحت يا باشا انا كمان معايا لانسر بومة ولسه هادخل ان شاء الله فى موضوع الكاسيت ده فعندى كام سؤال كده
اولا انا مش عايز اقطع ولا غير اى حاجة انا عايز حاجات تركب على طول يعنى اشيل واحط هاينفع الكام ده فى الانسر ولا لا ؟؟ وايه لازمة الرف الخشب اصلا وهى السماعات اللى نازلة اصلا فى العربية اللى ورا مفاس كام واللى قدام مقاس كام ؟؟؟

---

انت تبص على السماعات اللى ورا وتشوفها بيضاوي ولا مدورة

لو بيضاوي يبقى هتشيل وتحط الجديد

لو مدورة يبقى هتحتاج انك تقص حبة في الصاج وتعمل رف خشب عشان تحط عليه السماعات البيضاوي الجديدة

والكاسيت هتشيل وتركب الجديد علطول مافيش فيه مشكلة

الكاسيت ايان كان نوعه طالما سينجل دن هيركب اما لو دبل دن ميركبشى
السماعات اللى ورا عند حضرتك مدورة مش بيضاوى ويستحسن تعمل رف خشب نوع محترم علشان متقصش كتير فى الصاج ويكون الصوت من غير زن ولو انى انصحك انك تسب العربية بفبريكتها ومتغيرش حاجة الا الكاسيت هات كاسيت يكون بفلاشة ويكون الخرج بتاعة مش عالى علشان السماعات متضربش
انا اللى خلانى اركب سماعات ورا ان عربيتى 1300 مانيوال فكانت نازلة بسماعتين فقط فى البابين اللى قدام وعلشان كدا الصوت بالنسبة ليا مكنش مرضى بتاتا

اقتباس:

---

المشاركة الأصلية كتبت بواسطة salah_86

الكاسيت ايان كان نوعه طالما سينجل دن هيركب اما لو دبل دن ميركبشى
السماعات اللى ورا عند حضرتك مدورة مش بيضاوى ويستحسن تعمل رف خشب نوع محترم علشان متقصش كتير فى الصاج ويكون الصوت من غير زن ولو انى انصحك انك تسب العربية بفبريكتها ومتغيرش حاجة الا الكاسيت هات كاسيت يكون بفلاشة ويكون الخرج بتاعة مش عالى علشان السماعات متضربش
انا اللى خلانى اركب سماعات ورا ان عربيتى 1300 مانيوال فكانت نازلة بسماعتين فقط فى البابين اللى قدام وعلشان كدا الصوت بالنسبة ليا مكنش مرضى بتاتا

---

ايوه انا مش هاقطع ولا الشغل ده
طيب لو جبت كاسيت بايونير على السماعات اللى عندى هابيقى الصوت حلو ؟؟؟

اقتباس:

---

المشاركة الأصلية كتبت بواسطة ahmod

انت تبص على السماعات اللى ورا وتشوفها بيضاوي ولا مدورة

لو بيضاوي يبقى هتشيل وتحط الجديد

لو مدورة يبقى هتحتاج انك تقص حبة في الصاج وتعمل رف خشب عشان تحط عليه السماعات البيضاوي الجديدة

والكاسيت هتشيل وتركب الجديد علطول مافيش فيه مشكلة

---

شكرا يا باشا على الرد

انا كنت مجرب ال jbl gto628 دي بصراحه فوق الممتازه موجوده عند التوكيل كلاريون في اسكندريه و وصل سعرها ٤٠٠ جنيه ودا لينك بموصفاتها

GTO628 | 6-1/2" 2-way loudspeaker | JBL US

طيب رائيك ايه هيبقى ادائها احسن من الكينوود المدور ؟ ولا اخليها كد وخلاص

اقتباس:

---

المشاركة الأصلية كتبت بواسطة salah_86

طيب رائيك ايه هيبقى ادائها احسن من الكينوود المدور ؟ ولا اخليها كد وخلاص

---

انا مجربتش الكينوود بس اقدر اقولك jbl انقي صوت بس البيز بتعها هادي مش رزع زي الكينوود و البايونير
اما السوني فتجربتي معاه سيئه
ومنصحش بالسوني خالص