السلام عليكم
كنت بفكر اجيب اكس بوكس كنيكت او بلاي استيشن مووف او wii هي الاسعار ايه دلوقتي لو حد يعرف سواء كان متعدل او لا
وشكرا
عرض للطباعة
السلام عليكم
كنت بفكر اجيب اكس بوكس كنيكت او بلاي استيشن مووف او wii هي الاسعار ايه دلوقتي لو حد يعرف سواء كان متعدل او لا
وشكرا
اعتقد ال wii مبقاش موجود ......اللى موجود الxbox و ps3
الاسعار تقريبا 2500 جنيه وانت طالع على حسب الامكانيات والمساحه التخزينه
والله اعلم
ياباشا بلاي ستيشن واكس بوكس وجع دماغ عاوز اسطونات وغالية واحدة ب 200 جنية ممكن تنزل من علي نت بس سعات الهارد بيبوظ احسن حاجة كمبيتور محترم متظبط بينزل علية اغلب لعب اكس بوكس وبلاي ستيشن 3
متابع
وياريت حد يفدنا بخصوص ال xbox
اية افضل مكان نشترية راديو شاك مثلا او المحلات الكبيرة ونعدلة برة ؟
ولا الواحد يشترية من شارع عبد العزيز من واحد معدلة جاهز اية الاحسن
ايوا ياريت بقي معلومات عن كنيكت
وهي الالعاب بتاعته حلوه وحستمتع ولا فاشلة واداءه تعبان ؟؟؟
راي شخصي من واحد طول عمره بيلعب PC و من سنه واحدة قلبت كونسول ( XBOX (
مفيش ادني مقارنه بين اللعب علي ال PC و الكونسول - الكونسول افضل مليون مرة لانك بتضمن علي الاقل 6 سنين مفيش لعبه تقوله لا و المبرمجين بيعملوا اللعبه متوافقه مع جرافيك الكونسول فبتريح دماغك من موضوع الابجريد كل سنه لكارت الشاشه و الرام ... الخ - بس طبعا ال PC اللي معاه كارت محترم بيبقي احسن في الجرافيك بس محتاج تكون علطول updated و تنزل لعبه و تستني الكراك او كراك ميشتغلشي ... الخ
نيجي بقي لل XBOX و لا PS3
في نقطتين نفكر فيهم
1- الجيل الجديد نازل شهر نوفمبر و الجيل الحالي لسه قدامه بتاع 3 سنين و يموت ( يعني شركات الالعاب هتبطل تعمله العاب جديدة ) يعني اللي هيجيب دلوقتي يعرف انه العاب كتير مش هتبقي نازله للجيل الحالي بس مثلا ميكروسوفت اعلنت انها هتنزل 100 لعبه الجيل الحالي - فراي الشخصي ان اللي عايز يستني شوية لحد يناير يكون الجيل الجديد نزل مصر و ابتدي يتباع و اتوماتيك الجيل الحالي سعره هيقل - لان مشكله الجيل الجديد انه لسه متهكرشي ( علشان يشغل العاب منسوخه ) لان سعر اللعبه الجديدة بيبقي بحوالي 400 فما فوق - يبقي تجيب جهاز جيل حالي و تعدله يشغل العاب منسوخه
2- اجيب XBOX و لا PS3 -- رايي الشخصي الكنكت للXBOX بيبقي ظريف اوي للاطفال و كمان لو بتحب تلعب رياضه و تدريبات و كدة لكن العابه مش بتشد اوي الكبار يعني انا جبت اكس بوكس بالكنكت علشان بنتي الصغيرة - يبقي المقارنه للجيمر هتبقي مين افضل كالعاب و بصقه عامه 95% من الالعاب بتنزل لل XBOX و ال PS3 و الجرافيك مش بيفرق بين الاتنين لكن كل شركه بتنزل العاب حصريه ليها و في دي بتتفوق PS3 لان الحصريات بتاعتهم وهميه زي
GOD OF WAR
Heavy Rain
last Of US
دة رقمي اللي عايز معلومات عن الاكس بوكس 01220004333
xbox عن تجربه لو حبيت اى استفسارات ايعتلى رقمك على الخاص
بص هو اختراع خرافي و بيشتغل real time من غير تاخير بس مشكلته انه مش بينفع مع الجيمز المعقدة اللي بتحتاج سرعه تصرف لان مهما كنت سريع في الحركه مش هتقدر لياقتك تبقي زي اللاعب جوة اللعبه علشان كدة بينفع اوي في العاب الاطفال و في التدريبات البدنيه ممكن رياضات زي ملاكمه مصارعه حري
حاولوا يعملوا لعبه رعب ليه اسمها Rise of Nightmares
Rise of Nightmares - GameSpot.com
اتفرج علي ديمو ليها جيمله جداااااااا بس برضه محكومه بحركتك
من الاخر العاب حلوة جدااااااااا بس لا غني للجيمرز عن ال joystick
ياجماعة الف شكر علي المعلومات انا كدة ممكن استني علي يناير ان شاء الله
بص يا باشا انا كنت فى نفس الحيرة دى بس ما بين ال ps3 و Xbox 360 s.
و كل لما اسأل حد من اصحابى امالقيش رد مقنع أجيب ايييه
دخلت على النت لقيت فى الخليج بيفضلوا ال ps3.
بس لقيت المواقع الاجنبية بيشكروا فى ال x box دة كمان عاملين مقارنات ما بين الاتنين فى الألعاب المشتركة. و الx box. واخد rate أعلى
اتوكلت على الله و جبت x box slimمتعدل معاه kinect و دراع و ضمان ٦ شهور
سعرة ٣٢٥٠ من تكنولوجي مول
و دا تم فية معالجة عيبوب القديم
هقول لحضرتك بقًى المميزات إلى بتميز ال xbox و على فكرة هو احسن بكتييير لدرجة أنة مافيش وج للمقارنة
ال Xbox s 360
الألعاب رخيصة ال cd ب ٢٥جنية. و ١٠جنية لو تتنزل على الهارد و دى اجدد الالعاب
فى ألعاب الحركة kinect و دى حاجة خيال و مفيدة جداً فى حرق الدهون و شد القوام
الجرافيك واحد فى الاثنين
ال play station 3
الألعاب غالية جداً جداً بتبتتدى من 250 إلى 750 جنية
كل اصحابى اللى عندهم بلاى ستيشن بيبقى عندهم cd كورة و خلاص. يعنى هى لعبة واحدة
و بالنسبة للتعديل اجهزة محدودة هى الىى بتقبل تعديل
نصيحتى لييك x box بدون نقااش
و بال توفيق
محدش عنده علم ان ال PS4 نزل ؟؟!!!!
http://cdn3.whatculture.com/wp-conte..._ps4_large.jpg
https://www.youtube.com/watch?v=zywl...e_gdata_player
سؤال يا جماعة
لو حبيت أجيب جهاز علشان ألعاب الmotion والمحاكاة اللي بتبقى بحركات الجسم بدون دراعات وكده
إيه أفضل حاجة دلوقتي وآخر إصدار ليها اسمه إيه ؟
ولو ليا حد في أمريكا وهينزل مصر قريب هل الأفضل أخليه يجيبها من هناك ولا ممكن يتجمرك في المطار ويبقى تمنها نفس التمن هنا ؟
يا ريت حد يفيدني علشان أنا كنت محتار في الحوار ده وانتوا فتحتوه تاني بعد ما كنت نفضتله :mahf(5):
لو سمحت سؤال للخبراء
kinect او ps3 move
ايهما افضل
متابع عشان انا بفكر اشتري واحد برضه
يعد أذن صاحب الموضوع
لو اشتريت ال x box من برة يتفع اعدلة هنا فى مصر؟