الموضوع: حد خلع ضرس مدفون

المشاركة الأصلية كتبت بواسطة dedi

بعد اذن صاحب الموضوع مادمنا فتحنا فى الاسنان
اخبار التعقيم اية لانى عندى ضرس وعاوز اشيلة ومرعوب بمعنى على حسب معلوماتى افران التعقيم درجة حرارتها غير كافية و عبارة عن اشتغالة وجهاز الاوتوكلاف موش كلهم بيجيبوة ولا بيستخدموة لانة كثرة استخدام المعدات بة بتشيل الطبقة التى على العدة وثانيا مين عندة استوك بكميات كبيرة علشان يشتغل بالعدة و تانى يوم يقوم بالتعقيم ومين ممكن يضع الابر القطع الصغيرة للتعقيم
انا ترددت على 5 اطباء و شوفت العجب و هم من اقدم الكاترة و المفروض سمعتهم و مؤتمرات باستمرار صدقونى مرة شوفت ممرض لدى احدهم بيلمع المعدات فى قماشة اوسخ من البيلمع بيها السيارة وواحد تانى بامانة كان بيسخن مية و يحطها على المعدات المستعملة ياريت لوحد يفيدنا اية الحل لا توجد رقابة

معلوماتك غلط.

الافران مبقتش بتسخدم زى زمان (بانتشار) عشان الاوتوكلاف حل محلها. وبالمناسبة, درجة حرارة الأفران أعلى من درجة حرارة الاوتوكلاف. ومن اسباب قلة انتشارها ان عشان درجة حرارتها عالية فمش كل الأدوات ينفع تتحط فيها خصوصا الأدوات اللى فيها أجزاء بلاستيك.

طبقة بتتشال من على الأدوات لما بتتعقم!



موضوع التعقيم راجع لضمير كل دكتور. وبالنسبة للدكاترة اللى انت بتتكلم عنهم, مش معنى انهم قدام يبقوا كويسين. ده مش مقياس فى أى حاجة او فى أى شغل.

ريح نفسك, عيادة (نضيفة) = أدوات نضيفة.

لو عايزين دكتورة شاطرة اقلكم عليهم ماشى استاذة بجد وبتعقم الادوات صح مش بتكروتهم

المشاركة الأصلية كتبت بواسطة Y a r i s

متخفش ده بيبقى ضرس العقل بيبقى مدفون ومش راضي يطلع. غير بطلوع الروح
فلا تقلق. بيعملولك اشعة بانورما. لمكان الضرس وبيبنج بنج موضوعي ويبتدي يجيب شاكوس وئجنة ويدق دقات طبية ويبتدي يطلع الضرس شوية شوية. وبعد ما يطلعوا يقلك اتمض مض. وخلاص على كده ...

المهم. خلي بالك لمن تروح عند اي دكتور اسنان. علشان يخلعهولك وقالك ده في ضرس مسوس او في سن مش عارف فيه ايه (( والدكتور عاوز يفتح شغل )). قلوا إن شاء الله بعدين بعدين حاكم لو سيبت بوقك للدكتور هتبص تلاقيه عملك شغل بعشر تلاف جنية وانتا قاعد ياعيني متبنج على الكرسي ... وبالشفا إن شاء الله ومعافا. ... وفي انتظار تقولينا تكاليف. خلع ضرس العقل المدفون بقت كام حالياً . ... وتحياتي

اه ومتنساش تكون واكل وشبعان قبل ما تروح عند الدكتور علشان مش هينفع تاكول. بعد العملية. لتاني يوم

صح جدا

المشاركة الأصلية كتبت بواسطة y a r i s

طب يا دكتور. عاطف. ان. دلوقتي راجع من عند دكتور
كنت رايح علشان الحشو وقع بتاع ضرسي جيه قالي : يووه يوووه يوووه ده في نفق تحت الضرس
وشوية قالي اووباااااااا ده النفق عميق عميق وواصل لحد الجدر وشوية تالته قالي يانهر ازرق ده النفق. وصل لحد العصب تحت انتا ازاي كنت ساكت عليه كل المدة دي كللها

قلتلوا في ايه يا دكتور ده انتا شوية شوية هتقلي النفق واصل لحد غزة :) المهم كلمه من هنا على كلمة من هنا فتحنا موضوع سوريا هوبا نطينا على حرب العراق هوبا قعدنا نتكلم على عبدالناصر طلع الدكتور ناصري طبعاً بما اني خر زبون في الكشف قعدت عندوا من الساعه ١٠ للساعه ١ الفجر وفضلنا نتكلم حتى واحنا واقفين على باب العيادة

المهم هو قالي عاوز يحشي العصب وهيعمل الموضوع ده على اربع جلسات. وهياخود مني ٤٠٠ جنية
فهل الي بيقول عليه الدكتور ده صح ولا لا لاني حاسس انوا. اربع جلسات كتير وهو كل جلسة هنقعد نتكلم كده ... انا حاسس بالم شديد دلوقتي ابتدى يبان وهو العصب اساساً اساساً بيتحشي ولا المفروض يتشال لو فيه تسوس !

هو كده المفروض ح يعملك حشو عصب و ده بياخد تقريبا من تلات الى اربع جلسات و المفروض يركبلك فى اخر جلسة طربوش لو 400 داخل فيهم تمن الطربوش يبقى كويس قوى قوى و لو مش داخل فيهم يبقى غالى

و لو مش عاوز تتكلم معاه و تضيع وقت احجز معاه فى اول ميعاد ح تلاقيه حتى مش بيتكلم معاك فى الضرس و لا حتى النفق اول ما ح يشوفك ح يقولك اتفضل اقعد و الكلمة التانية مع السلامة

انا خلعت ضرص العقل بعملية وكمان كان الجدر بتاعة مش مستقيم لاسفل لا دة كان موازي للاسنان
انا عملة العملية دي في السعودية عند دكتور سنان الحقيقة شاطر من حوالي 3 سنين بس لغاية ديلوقتي في الم خفيف كدة روحت كشفت عند دكتور مخ واعصاب قلي ان العملية اثرت علي العصب وممكن بالعلاج الالم هيروح وقلي لو لو الالم دة مش مسبب ليك اي مشكلة ممكن تعيش عادي بية لان العلاج هيبقي صعب ومدتة طويلة
انا الحقيقة عايش بية