هو ده الزيت المقصود
http://nileup.com/up/uploads/nilemotors_13791957711.jpg
انا معايا كروز 2013 ونفس موتور الاسترا وفعلا الزيت لى نازل فى العربيه معلى صوتها
بس كنت عايز اعرف هو الزيت الى بيقى نازل فيها موبيل وان ولا زيت عادى ؟؟
عرض للطباعة
هو ده الزيت المقصود
http://nileup.com/up/uploads/nilemotors_13791957711.jpg
انا معايا كروز 2013 ونفس موتور الاسترا وفعلا الزيت لى نازل فى العربيه معلى صوتها
بس كنت عايز اعرف هو الزيت الى بيقى نازل فيها موبيل وان ولا زيت عادى ؟؟
بيقبلو عادي ومش بتحايل ولا حاجة,
وأنا هحكيلك الموقف جه أزاي معايا بالتفصيل عشان تستفاد من تجربتي,,
أول كام مرة كنت بسيبهم يغيرو لي الزيت والفلتر وأحاسب وأمشي عادي,,
بعد كدا في مرة كنت بغير زيت في مركز خدمة رسمي تبع التوكيل ولاقيتهم مش بيغيرو غير بزيت شيل بس عندهم,
ولما سألت صاحب المركز دا عن السبب قالي لي أنو أحسن زيت في مصر وأفضل من موبيل بمراحل,
وأنا أصلاً كنت بستعمله في الانسر علي طول وكنت مرتاحلة, بس مفكرتش أني أخد معايا الزيت التوكيل قبل كدا وأطلب منهم يغيرو لي بيه,
المهم لما طلعت بالعربية من عندهم حسيت أني كنت ظالم العربية معايا, الموتور بقي أنعم بمراحل وأستجابة الدواسة أسرع, صوت الموتور أهدي ومفيش سخونية طالعة من الكبوت زي أيام موبيل.
المهم في غيار الزيت الي بعده روحت التوكيل في أبو رواش, وعديت علي بنزينة شيل قبل ما أروح وأشتريت جركن شيل ألترا المشهور في مصر ب 10 الاف, وطلعت بيه علي التوكيل,
دخلت أستقبلني المهندس, قالي حابب تعمل أيه قلت له أغير زيت,
كتب في أمر الشغل تغير زيت, ولسه هيقفل أمر الشغل ويدخل بيه قلت له أنا جايب الزيت معايا,
فتنح شوية كدا وبص في أمر الشغل وحسسني أنو مش هينفع وأني ليه جبت زيت معايا من برة,
وكان جديد عليا الموقف, فقلت له بص أنا مغير بيه أخر مرة في مركز خدمة تبعكم والزيت ريح العربية في السحب والصوت وأنا معود العربية عليه وعايز أكمل عليه,
فا شوف لو هينفع نغير بيه يبقي خير وبركة, لو منفعش مش مشكلة وانا هرجعه للبنزينة وأنا مروح.
فقالي ماشي هدخل أشوف في الأدارة وأرجع لك, دخل بالظبط 3 دقايق وطلع لي قالي ماشي,
وكتب في أمر الشغل "العميل أحضر الزيت معه" تحت كلمة تغير زيت وفلتر زيت,,
ودفعت بس حق فلتر الزيت, ومصنعية التغير, وأتشال البند الخاص بالزيت لأني مشترتهوش من عندهم.
وطلعت من عندهم برضه حاسس بفرق تاني كبير عن أيام موبيل خصوصاً في المشي علي الصحراوي كنت بحس إن العربية تقيلة ومش بتسحب بزيت موبيل بتاعهم.
المرة اللي بعدها, روحت أستقبلني مهندس تاني غيرة, وكنت جايب معايا الجركن برضه وأتكرر نفس الموقف,, بس كان المهندس دا رخم بقي وقالي مش هينفع,
فقلت له لا هينفع أنا مغير بيه هنا المرة اللي فاتت ودا زيت مش قطع غيار, قالي ميحصلش وهوا حصل طبعاً ومينفعش فعصبني, وأنا كنت متعلم من الدرس القديم,
فقت له طب بص, عندك الأدارة جوا, أدخل أسئلهم دلوقتي قلهم في عميل واقف بره عايز يغير زيت, وجايب الزيت معاه, وهيغير الزيت بس وأخد الفلتر من عندكم وأدفع مصنعية التغير عندكم,,
ولو مش هينفع همشي دلوقتي حالاً,,,,,,,,,,,,,
فبصلي وقالي ماشي, دخل وطلع لي حاطط وشة في الأرض لأنه قعد يفتي ويقفلها في وشي بدون ما يرجع للأدارة ومش من حقة إن ياخد قرار زي دا علي مزاجه,
وكتب في أمر الشغل "العميل أحضر الزيت" وقالي هنغير بالزيت اللي معاك.
بعدها بقي في المراكز غمرة وصلاح سالم وأسكندرية العامرية, ودي مراكز بيجو بالمناسبة عشان محدش هنا يستغرب,,
كله كنت بروح لهم بالجركن وبيغيرو عادي علي طول من غير مشاكل, لانه ملصحة ليهم
ومحدش غلس بعدها,
ولأن لوحد غلس هدخل للأدارة ولو غلسو هقولهم شكراً وأشتري الفلتر من عندهم أو من برة من أي محل معتمد وأغير الزيت والفلتر في أي مكان ب 10 جنيه بس, بدل ما بغيرة ب 80 جنيه عندهم هما أولي بيهم.!
أنا معرفش الزيت اللي بينزل في الكروز والاسترا نوعه أيه,
أنا أعرف بس في بيجو بينزل فيها Total
وعشان توتال اللي هنا في مصر ناس شكرت فيه, وناس قالت مش بيعيش,
فكان أحسن الحلول بالنسبة وأكترهم توافراً زيت شيل,
لأن ليكوي مولي وفالفولين وحتي زيت كاسترول سمعت وقريت عن تجارب كتير سيئة من ناس جربتهم, وكمان مش متوافرين بسهولة ومش بحب أعد أغير من زيت لزيت,
http://www.nilemotors.net/Nile/42130-a.html
فزيت شيل كان أفضل الحلول ومريح الماتور لحد دلوقتي..
وأنا فاكر إن أحنا كنا متكلمين في الموضوع دا قبل كدا,
http://www.nilemotors.net/Nile/328721-5000.html
هل أنت حطيت للعربية زيت 5000 ؟ عشان دا غلط عليها وهيا لسه جديدة و 2013
ولا حطيت لها أيه من ساعتها ؟
سؤال رفيع بس يا جماعة انا اعرف ان انواع الاسترا الجديدة انجوي وكوزمو ودول سيدان وفي الهاتش باك وفي التيربو وبرده هاتش باك
انما هل في حاجة اسمها كوزمو تيربو سيدان زي ما عنوان الموضوع مكتوب
برجاء الافادة
طبعا كلنا سمعنا عن اليوت المضروبه
فسؤالى
ايه العلامه المؤكده على علب زيوت شل الى تقول ان المنتج ده اصلى
معلومه فرعيه
زيت شل العلبه الرصاصى 5w40 سعره 255 من تاجر جمله ايه رايكم ؟؟
تقرير جميل ويا ريت تنقلو فى رابطة مالكى استرا j للافاده وفعﻵ زيوت موبيل كلها لا تصلح وشل رقم واحد فى مصر حاليآ