كنت عايز اسئل علىى موديلات اللانسر 2014 واسعارها
انا روحت معرض وشوفت ال 2014 اول فئه ب 131000 اوتوماتيك
يا ريت لو حد يعرف فئاتها واسعارها يفيدنى
شكرا
عرض للطباعة
كنت عايز اسئل علىى موديلات اللانسر 2014 واسعارها
انا روحت معرض وشوفت ال 2014 اول فئه ب 131000 اوتوماتيك
يا ريت لو حد يعرف فئاتها واسعارها يفيدنى
شكرا
منزلش منها غير الكلاسيك فقط
متعرفش السوبر اكشن هتنزل امتى ؟؟ ولا اجيب ال ٢٠١٣ سوبر اكشن احسن ؟
انا سألت عند الكموني وقالولي مش هينزل غير كلاسيك وفئة تانية كلاسيك وجنط ونزلوا فعلا
انا في نفس حيرتك وكنت هجيب هاف سبورت 2013 بس استقريت على كلاسيك بجنط 2014
طب حد يعرف ال ٢٠١٤ فيها abs w ebd ولا لا ولو فيه فى انه فئة منهم ؟
الجديد كله مفهوش abs من غير ebd
الأتنين بينزلو مع بعض في نفس الموديول.
عالي أوي سعر الانسر بصراحة, هيا عربية أعتمادية وأنا بحبها, وكنت قايل لأستاذ محمد هاني من يومين أنو يتوكل علي الله ويجيبها,, بس مكنتش أعرف إن سعرها وصل لكدا.
بالسعر دا ممكن أجيب بيه بيجو 301 هاي لاين وهتبقي كماليات أكتر وأريح أكتر كركوبة وكا عربية عمتاً.!
حد يعذرف تفرق ايه اللانسر ال٢٠١٤ عن اللانسر السوبر اكشن ٢٠١٣ ؟؟؟ واسعارهم هما الاتنين لو ممكن
اللي اعرفه زي ما قلت فيه فئتين فقط في لانسر بوما 2014 فئة الكلاسيك 130000 وفئة كلاسيك بجنوط ب 131500 فقط ومش هينزل تاني فئات وده اخر انتاج للبوما بصفة نهائية حسب كلام مدير مبيعات في شركة الكموني للسيارات بالقاهرة
بالنسبة للبيجو اعتقد انها افضل لكن بقوائم حجز طويلة واغلى وفيه تضارب حول اسعار قطع غيارها
البيجو واللانسر وصني الجديدة والتيدا سعر قريب من بعض لكن الاختيار صعب بينهم كل له مميزاته وعيوبه
فى الاخر تنصحونى ب اللانسر ٢٠١٤ البجنوط ولا اللانسر ٢٠١٣ السوبر اكشن ؟؟
انا كان عاجبنى موضوع فتحة السقف والفوج لايتس والسبويلر فى السوبر اكشن بس معرفش دة موجود فى ال٢٠١٤ ولا لا
لانسر 2014 بجنوط لكن مفيهاش فتحه ولا سبويلر طبعا بس من غيرهم افضل
مع ان الناس بتقول ان السبويلر بيزود الثبات ويخلى شكلها احلى
طب حضرتك متعرفش ال ٢٠١٤ او ال ٢٠١٣ فيهم فوج لايتس ولا لا؟
لا 2014 كلاسيك يعني مفيش فوجات كمان
السبويلر بيزود الثبات !!! لا دي معرفهاش ياريت حد يفيدنا
متعرفش اللانسر ٢٠١٣ لسة متوفرة ولا لا ؟
2013 فيها كل الفئات لكن انا شخصيا بفضل 2014
متعرفش اللانسر ٢٠١٣ لسة متوفرة ولا لا ؟
واسعار السوبر اكشن كام حاليا
متوفرة بس السعر للسوبر اكشن معرفش بصراحه انت مفكرتش ف حاجه غير بوما ولا استقريت عليها خلاص
معلش تقلت عليك فى الاسئلة بس ال٢٠١٤ تفرق ايه عن ال ٢٠١٣ ؟
انا فكرت فى حاجات كتيير وكنت عايز عربية تستحمل عمر كتيير ومضمونه ومعروفة فى السوق المصرى فلاقيت اللانسر هى المناسبة و الكل بينصحنى بيها والناس بتقول عليها كلام زى الفل
صح كلام مضبوط عن اللانسر وموديل 2014 ميفرقش عن 2013 غير انه احدث صنعا فقط ولو عاوز المواصفات دي هات ال 13 و توكل على الله
على العموم هقول للحج عن الكلام دة والقرار يعود ليه هههههه
احنا معانا مازدا ٨٢ جبناها سنة ٢٠٠٠ مستعملة ولحد دلوقتى شغالة زى الفل بتكيفها بكلو ف كانت عاجبة الحج علشان يابانى فقرر يجيب حاجة يابانى بردو ولقى اللانسر هى المناسبة وتستحمل
حضرتك متاكد ان اللانسر ٢٠١٤ الكلاسيك البجنوط او منغير فيها abs ؟؟ وايه نظام الايرباج فيها اتنين ولا واحدة ؟
ربنا يبارك لك في عربيتك الجديدة ان شاء الله
هو نزل من 2014
بجنوط
لا يا باشا اتضح انه منزلش بجنوط انا اشتريت عربيتي كلاسيك من غير جنوط بس اشتريت جنوط بصراحه غيرت منظرها تماما وخلتها احلى كتير
انا عندي استفسار بخصوص لانسر بومة 2014 1600cc automatic .. انا كنت في التوكيل امبارح وفهمت منهم ان العفشة هي هي 1300 cc .. وكذا حد اكدلي المعلومة دي..
أرجو الإفادة وشكراً.
ياباشا من 2013 و عفشه ال 1300 فيها و مافيهاش ميزان خلفي