-
تقرير شراء سيراتو 2011
الحمد لله اشتريت النهارده عربيه كيا سيراتو 2011 اعلى فئه وكيل بصمه بدون فتحه سقف بالفتيس الجديد و شيفتات فى الطاره
العربيه ماشيه 67000 كيلو و معظمهم سفر و فابريكه بره و جوه و الحمد لله و حالتها نظيفه الا بعض الخرابيش المتعارف عليها فى شوارعنا
بس هى هتحتاج بعض المصاريف وانا محتاج مشوره حضراتكم
اولا .. مفتاح البصمه واحد بس و التانى ضايع .. الحمد لله انى عندى جراج سواء فى البيت او الشغل بس طبعا انا كده او كده محتاج اعمل واحد تانى فمش عارف اعمله فى التوكيل ولا بره و تقريبا يتكلف كام
ثانيا .. العربيه محتاجه تغيير الكاوتش فمش عارف اجيب ايه و بكام ؟
ثالثا .. البربريز الأمامى فيه شرخ و محتاج يتغير و كنت محتاج اعرف تقريبا سعره كام ؟
اما بالنسبه لتقديرى للعربيه لأنى معايا كورولا 2005 و اخويا معاه سيراتو 2010 الفتيس القديم
اولا العربيه ما شاء الله جميله جدا من ناحيه التسارع و العزل و التكيف و الكماليات و الوسع و الثبات مقارنه بالكورولا يعنى هى افضل ما عدا الأرتفاع عن الأرض فقط لا غير الكورولا تكسب
و بالنسبه للمقارنه بينها و بين الفتيس القديم 2010 ... الفرق شاسع صراحه فى التسارع و السلاسه فى النقلات و صوت الموتور و استهلاك البنزين ....
و النصيحه لمن اراد انه يشتريها ... السياره اكثر من رائعه توكل على الله و متقلقش
-
الف مبرووك ع العربيه و ربنا يكفيك شرها
-
ربنا يديك خيرها ويكفيك شرها يا رب
-
مبروك العربيه ربنا يبركلك فيها
-
ألف مبروك وربنا يبارك لك فيها
بالنسبه للكاوتش خليك في بريدجستون ...غالي شويه بس هيريح العربيه جدا
مفتاح البصمه انا رأيي خليك مع التوكيل اضمن.
-
الف مبروك ربنا يبركلك فيها ويكفيك شرها
-
الف مبروك وربنا يحفظهالك وياتري خلصت فيها علي كام
-
الف مبروك وربنا يباركلك فيها ويبعد عنك العين .
-
-
مبروك العربية
وربنا يديك خيرها ويكفيك شرها
بالنسبة للكاوتش لو عايز حاجة نضيفة وسعرها كويس انا جايب كونتنتال المانى فردة محترمة
بالنسبة للزجاج الامامى عندى نفس المشكلة وان شاء اللة هاغيرة فى د جريش لان التوكيل غالى
مفتاح البصمة لازم التوكيل
Content Relevant URLs by
vBSEO 3.6.0 PL2