جبت لانوس 1 وعايز رايكم فيها ضروري قبل دفع بقيه المبلغ ؟

السلام عليكم
-------------
انا دفعت عربون لعربيه لانوس 1 موديل 99
الموتور كويس علي كلام الميكانيكي
وطبعا سوقتها سحبها كويس
والتكييف شغال
العربيه رشه بره بالكامل وبيقول ان السقف راشش عشان البويه نشفت
حاله الرش من بره كويس ومش رشه جوه خالص والعربيه لونها اسمر
بس فيه خبطه في الشنب وعملها علي البارد
بس اكتر حاجه مضيقاني ان الفوارق بتاعت الابواب اللي ادام مش مضبوطة اوى
ومتفق معاه انه يضبطها علي يوم الاتنين قبل ما استلمها
موضوع الفوارق ده هو اللى قلقني شويه انها ممكن تكون حادثه او حاجه بس القوايم تمام ومفيهاش حاجه بس الوسواس بقي .. وكان معايا واحد معرفه بيشتغل في المصريه للسيارات وبيفهم في العربيات وهو اللى قالي انها تمام وان الفوارق دي من الاستعمال
المهم العربيه عامله 136 كيلو في العداد الله اعلم بقي هو لاعب فيه ولا لا
المهم يا جماعه السعر بالعافيه وافق علي 38750 جنيه
والرخصه لحد شهر 11 اللى جاي
العربيه جنوط وكاسيت وسماعات معقوليين بفلاشه مش ماركه
جربت العربيه كعفشه في كام مطب كانت كويسه
عايز اعرف انا انضحك عليا في السعر والحاله ولا كده معقول

نصيحه لو مش مضطر ومش مستريح ابعد عنها واللانوس بقت ذى الارز فى مصر يعنى هتلاقى غيرها حتى لو السعر ازيد بس المهم الحاله
العربيه لو حالتها من برة كويسه كنت هقولك تمام والميكانيكا مقدور عليها بس الصاج والخبطاط مش مضمونه وبصراحه لا تثق فى كلام حد الناس زمتها مش ولا بد واستخير ولو مقلق ابعد عنها

مش عارف والله
انا هاحكم علي الفوارق دي يوم الاتنين لانى متفق معاه علي انه يصلح العيب ده ..
وطبعا انا كتبت عقد ابتدائي بشرط جزائي ومع ذلك فالاتفاق بنا انه يصلح المشاكل اللى فيها والحكم النهائي هيبقي يوم الاتنين
شكرا لردك

السعر مناسب مش وحش

لو روحت يوم الاتنين عشان استلم .. وقبل ما اديله الفلوس اروح عند سمكري يكشف عليها ولا كده هاكون بكسر كلامي واتفاقي معاه ؟؟
هل يصح ولا لا يعني
وكمان هل الثقه في اللى كان معايا غير كافيه
انا بتكلم عن الاصول يعني لو قولتله هاجربها تاني من غير ما اقوله انى هاروح للسمكري هل فيها حاجه بعد ما دفعت العربون ولا عادي بتحصل ؟

سبحان الله الواحد ساعات بيحس انه اتدبس او يمكن بيكون ليه نصيب في حاجه معينه ..
وده احساسي دلوقتي انى اتسرعت شويه

ان تاخد سمكرى معاك مفيهاش مشكلة لانك المفروض بتشترى عربية دواخلها سليمة ان شاء الله تطلع كويسة ومبروك عليك على فكرة سعرها كويس

دلوقتي انا اتفقت علي اساس كلام الميكانيكي وعلي كلام الراجل اللى جايبلي العربيه وهو معرفه من مده طويله ..
بس مكنش فيه وقت عشان نفحص العربيه عند سمكري .. ودفعت عربون 500 جنيه وكتبت عقد بشرط جزائي 3000 جنيه
بس لما رجعت البيت وقعدت شويه مع نفسي حسيت انى اتسرعت والمفروض كنت فحصتها سمكره كمان ومش كفايه كلام الراجل اللى معايا او خبرتي البسيطه في الحكم عليها ..
مع العلم ان العربيه فيها شويه حاجات بسيطه هو مكلف انه يعملها لحد يوم الاتنين عشان استلمها تمام وطبعا في حاله انى لقيت نفس العيوب فيها من حقي انى اتراجع والكلام ده غير مسجل في العقد لكن هو اتفاق شفوي وكلام رجاله
فانهي افضل من حيث التعامل مع التجار ودماغهم
انى يوم الاتنين اخد معايا سمكري ويفحصها ادامهم
ولا اخد العربيه علي اساس انى بجربها للمده الاخيره علي السريع مثلا واروح بيها للسمكري حتي يطمئن قلبي او حتي لو فيها حاجه اقولهم ..

اقتباس:

---

المشاركة الأصلية كتبت بواسطة aboomar22

ان تاخد سمكرى معاك مفيهاش مشكلة لانك المفروض بتشترى عربية دواخلها سليمة ان شاء الله تطلع كويسة ومبروك عليك على فكرة سعرها كويس

---

الله يبارك فيك حلوة سعرها كويس دي بتطمن الواحد :d

اقتباس:

---

المشاركة الأصلية كتبت بواسطة a3sar

انى يوم الاتنين اخد معايا سمكري ويفحصها ادامهم
ولا اخد العربيه علي اساس انى بجربها للمده الاخيره علي السريع مثلا واروح بيها للسمكري حتي يطمئن قلبي او حتي لو فيها حاجه اقولهم ..

---

لو خدتها و طلعت بيها على السمكرى و قالك فيها حاجه يبقى انت مطالب انك تقولهم ان العربية فيها مشكلة و مش هتقدر تقولهم انى خدتها للسمكرى لانك كان المفروض تقولهم من الاول

انت تاخد سمكرى ثقة و يكون شاطر معاك يبص على العربية و ترفعها فى بنزينة كمان حتى لو الحوار ده هيكلفك

نصيحتي ليك واحنا بلديات وانا اشتريت لانوس قبل كدا وفحصتها 3 مرات "الراجل اللي كان بيبعها كفرته يوميها "
وانضحك عليا بعد كل دا !!!!!!!!!!!!!!!!!
اللانوس مبدئيا عربية كويسة والسعر المكتوب معقول
اهم حاجة فيها لازم تهرسها هي اساس العربية .. الشاسية و فخذة العربية الشمال واليمين قدام "مهم جدا سمكري ينزل تحت العربية ويشوفهم "
وعفشجي يشوفلك العفشة الامامية و المساعدين بتوع العربية بيجيبوا زيت ولا كويسين .. ومكنة العربية تشوف سحبها مع التكييف وحاول تجيب بيها ال 140 شوف هتجيبهم بسهولة ولا العربية مخنوقة.. و اتاكد من الفرامل لان اللانوس فرامها ليها حاجة اسمها سيرفو ودا ب400 جنية
غير كدا زيوت وسيور و صالون يتظبط طالما اساس العربية مظبوط كل شىء يتعوووض لكن لا تتهاون ابداً في اللي قولتلك عليه ولو فيها حاجة قوله في وشة و واحد يكشف عليها طبعا في وجودة..
وربنا يوفقك

نقطة اخيرة شوف وش العربية للانوس
الكبوت بايت علي جسم العربية ولا مفارق من قدام عند الفوانيس او اى جنب فيهم
لو بايت وحسيت انة مظبوط من كل الجوانب يبقي تمام
لو مفارق من اى جنب او حسيت انة رامي علي الفانوس الشمال او اليمين وفي فارق واضح .. سيب العربية دي وامشي ! لان كدا يبقي العربية مش مظبوطة من تحت

الصورة تبينلك تبص فين.. يعني الكبوت دا مفتوح لما نقفلة لازم تكون العربية زي الصورة التانية كبوتها بايت علي جسم العربية بالمسطرررررررررة ومفيش اى فروق مع الفوانيس

http://img156.imageshack.us/img156/2295/1002370.jpg

http://a7lashare.com/viewimages/1225945690.jpg

انتوا بجد طلعتوا بتفهموا فعلا
لان موضوع الكبوت ده لقيته انهارده في العربيه مش بايت من ناحيه اليمين وهو مقفول وفيه فرق كبير كمان
وفيه فرق عند الباب الشمال كبير
والراجل اللى قالي اخدها امبارح كلمني انهارده قالي انا مش مستريح لفروقات العربيه دي وبلاشها
والمكتب كان واخد 500 جنيه عربون وروحتله بيقولي خلاص كده وانا عملت حاجات في العربيه ب اكتر من 500 جنيه عشان لما تيجي تستلمها تبقي تمام
المهم اللى جايبهالي اصلا قالي سيبلي الموضوع ده وهارجعلك منه 400 جنيه ومعلش ال 100 جنيه دي
انا استاهل اللى بيحصلي انى دفعت عربون قبل ما افحصها كويس
وعموما الناس بتوع المكاتب دول معندهمش ضمير نهائي بيبقي طيب اوى وقت ما تديله فلوس لكن مبيطلعش فلوس من جيبه تاني ابدا
عموما الراجل رايحله بكره ان شاء الله وادعولي استرد اى حاجه من العربون لاني مش لاقي الفلوس في الشارع
بس اعمل ايه في دماغي الجزمه اللى خلتني ادفعهم اصلا
الحمد لله علي كل شئ
شكرا للجميع وخصوصا كيموزطنطا بجد انت فهمتني حاجات مهمه اوى خصوصا موضوع الكبوت اللى لاحظتة انهارده والحمد لله انى ملبستش العربيه دي حتي لو هاخسر ال 500 جنيه
ادعولي بقي :d

ان شاء الله مفيش خسارة و قاوح مع المكتب انك تاخد فلوسك تاني.. لحق يعمل ايه ب500 جنية في يومين !! ذنبك ايه يصلح عربيته علي حسابك !! ولو علي خسارة 100 مش مشكلة
وبعدين المكاتب مبتعملش حاجة في العربية غير انها بتغسلها بعشرة جنية عشان تزغلل عين الزبون وبتسيب بلاويها زي ماهي .. والحمد لله انك لاحظت موضوع الفوارق دا لانك مهما كنت هتصرف مكنتش هتعرف تظبطها ابداً .. اللانوس بالذات تتعرف من وشها .. الكبوت مفارق يبقي الشاسية تحت مش مظبوط او اتخبطت في الشنب.
ونصيحة متتعاملش مع مكاتب العربيات في طنطا غير المضمونة اوي واللي ليك معرفة فيها او حد تعرفة اشتري منه قبل كدا.. غير كدا فتح عينيك اوي معاهم عشان دول ناس في السوق ومحترفين يخفوا مساوىء العربية..

ان شاء الله بكره هشوف موضوع استرجاع المبلغ ده
وكده كده هزن عليه ومش هاسيبه وربنا يسهلها ان شاء الله

السلام عليكم ورحمة الله
يا اخ اعصر انا معايا عربيه اكسنت موديل 2000 خليجى 1300 سى سى
اللون / بترولى
فبريكه دواخل - تكييف - انذار - سنتر - زجاج كهرباء قدام - طقم زينون - فرش الفبريكه
كاوتش حاله جيده
بطاريه حاله جيده جدا
لسه مغيرلها طقم بوجيهات / فلاتر زيت وبنزين وهواء / زيت
رخصه لشهر 5/2014

بس للامانه العربيه محتاجه تترش بالكامل لان فيها خرابيش ف اماكن مختلفه والاكصدامين محتاجيين يتغيروا علشان كانوا واخدين معجون ولو اترشوا لازم هيخدوا معجون تانى والبويه هتفلق من اقل حاجه

فلو حابب تشوفها انا تحت امرك

قدر الله وما شاء فعل

عسي ان تكرهوا شيئ وهو خير لكم

انا متوغوش من العربية دى انت لما تروح يوم الاتنين تقوله انك هتاخدها لسمكرى تكون متفق مع السمكرى الاول قبل ماتروح للراجل وتاخدها من عند السمكرى تروح لبنزينة محترمة تفحص فيها باقى العربية و تطلعلك تقرير محترم عن العربية لان كل البهدلة دى صاج المهم الدواخل والمكنة والباقى بسيط بس ان شاء الله

تحية طيبة
بص يا مان اولا لانوس 1 اختيار جيد جدا واحسن من 2 طبعا علشان كورى الصنع
موش مهم العربية رشة قوايم ولا لا المهم ركز على حوض الموتور و الشنطة بس الخطر موضوع الشنب و الفوارق
خلية يظبطا حسب الاتفاق وشوف لو الدنيا حلوة اتوكل على الله بس السعر جيد
بس روح محطة البنزين وارفع السيارة من تحت واكشف عليها او روح لحد بتاع زوايا عجل محترم وخلية يبص من تحت فيها كسور ولا لا دة مهم جدا
والله ولى التوفيق و يكفيك شرها باذن الله تعالى

مفيش مشكله
بس المهم نتفق علي السعر المعقول لا حضرتك تيجي عليا ولا انا اجي عليك
وطبعا المهم انها تكون مش عامله حادثه او حاجه قبل كده وانا طبعا هاجي اتفرج علي ثقه من حضرتك
ياريت تبعتلي رقمك ونتفق علي المكان والميعاد اللى نتقابل فيه
شكرا

انا خلاص يا جماعه اتفقت مع الراجل انه هيرجعلي 300 جنيه من 500 جنيه بكره ان شاء الله
وعليهم العوص ال 200 جنيه دول اديني اتعلمت انى متسرعش تاني
وانا رفضت العربيه لان موضوع الفوارق ده زي مهو كبير جدا من عند الكبوت اليمين ومن الباب الشمال

مفيش مشاكل يا اخ اعصر وده تليفونى 01009411009
ونسيت اقولك بردو العربيه عامله 190000 كم
وانا تحت امرك وربنا يقدم اللى فيه الخير

ياباشا موضوع العربية اللى هتشتريه دي اهم حاجة فيه بعد حالة السيارة ... هي ارتياحك النفسي ليها ... العربية لامؤخذة هتبقى زي مراتك :) ... ترضي تتجوز واحدة وانت مش مقتنع بيها 100% ... لو عندك اى قلق او خوف او توجس من اى عربية بتتفرج عليها انشالله تكون زيرو واقفة قدامك ابعد عنها فورا ... اما موضوع انك تحس انك اتسرعت دا فدا عادي :) ... اى حد بيتشري اى حاجة وبيدفع فيها مبلغ كبير زي عربية او شقة او ارض بيحس انه اتسرع وان الفلوس راحت :) دا طبيعي ... وربنا يوفقك وتلاقي العربية المحترمة اللى بتدور عليها ... وعلى فكرة السعر اللى انت قلته على حالة صاج العربية كده يعتبر كتير شوية كمان

السلام عليكم قدامي عربيه لانوس 97 فبريكه من جوه ورشه من بره ماتور 1600 cc عربيه كامله هي قدامها 6 شهور حظر صاحبها طالب 38 الف ايه رايكوا

والله السعر معقول لو مش محتاجه مصاريف ولو عرفت تنزل ف السعر كمان نزل
بس ايه قدامها 6 شهور حظر دى ؟؟؟

اصل العربيه معاقيين

طيب ما تشوف عربيه تانيه احسن وخلاص