جبت لانوس 1 وعايز رايكم فيها ضروري قبل دفع بقيه المبلغ ؟

**A3SAR** · 14-09-2013 11:37 PM

السلام عليكم
-------------
انا دفعت عربون لعربيه لانوس 1 موديل 99
الموتور كويس علي كلام الميكانيكي
وطبعا سوقتها سحبها كويس
والتكييف شغال
العربيه رشه بره بالكامل وبيقول ان السقف راشش عشان البويه نشفت
حاله الرش من بره كويس ومش رشه جوه خالص والعربيه لونها اسمر
بس فيه خبطه في الشنب وعملها علي البارد
بس اكتر حاجه مضيقاني ان الفوارق بتاعت الابواب اللي ادام مش مضبوطة اوى
ومتفق معاه انه يضبطها علي يوم الاتنين قبل ما استلمها
موضوع الفوارق ده هو اللى قلقني شويه انها ممكن تكون حادثه او حاجه بس القوايم تمام ومفيهاش حاجه بس الوسواس بقي .. وكان معايا واحد معرفه بيشتغل في المصريه للسيارات وبيفهم في العربيات وهو اللى قالي انها تمام وان الفوارق دي من الاستعمال
المهم العربيه عامله 136 كيلو في العداد الله اعلم بقي هو لاعب فيه ولا لا
المهم يا جماعه السعر بالعافيه وافق علي 38750 جنيه
والرخصه لحد شهر 11 اللى جاي
العربيه جنوط وكاسيت وسماعات معقوليين بفلاشه مش ماركه
جربت العربيه كعفشه في كام مطب كانت كويسه
عايز اعرف انا انضحك عليا في السعر والحاله ولا كده معقول

**eng wael** · 14-09-2013 11:45 PM

نصيحه لو مش مضطر ومش مستريح ابعد عنها واللانوس بقت ذى الارز فى مصر يعنى هتلاقى غيرها حتى لو السعر ازيد بس المهم الحاله
العربيه لو حالتها من برة كويسه كنت هقولك تمام والميكانيكا مقدور عليها بس الصاج والخبطاط مش مضمونه وبصراحه لا تثق فى كلام حد الناس زمتها مش ولا بد واستخير ولو مقلق ابعد عنها

**A3SAR** · 14-09-2013 11:54 PM

مش عارف والله
انا هاحكم علي الفوارق دي يوم الاتنين لانى متفق معاه علي انه يصلح العيب ده ..
وطبعا انا كتبت عقد ابتدائي بشرط جزائي ومع ذلك فالاتفاق بنا انه يصلح المشاكل اللى فيها والحكم النهائي هيبقي يوم الاتنين
شكرا لردك

**eng.salama93** · 14-09-2013 11:56 PM

السعر مناسب مش وحش

**A3SAR** · 15-09-2013 01:26 AM

لو روحت يوم الاتنين عشان استلم .. وقبل ما اديله الفلوس اروح عند سمكري يكشف عليها ولا كده هاكون بكسر كلامي واتفاقي معاه ؟؟
هل يصح ولا لا يعني
وكمان هل الثقه في اللى كان معايا غير كافيه
انا بتكلم عن الاصول يعني لو قولتله هاجربها تاني من غير ما اقوله انى هاروح للسمكري هل فيها حاجه بعد ما دفعت العربون ولا عادي بتحصل ؟

**A3SAR** · 15-09-2013 01:27 AM

سبحان الله الواحد ساعات بيحس انه اتدبس او يمكن بيكون ليه نصيب في حاجه معينه ..
وده احساسي دلوقتي انى اتسرعت شويه

**aboomar22** · 15-09-2013 01:32 AM

ان تاخد سمكرى معاك مفيهاش مشكلة لانك المفروض بتشترى عربية دواخلها سليمة ان شاء الله تطلع كويسة ومبروك عليك على فكرة سعرها كويس

**A3SAR** · 15-09-2013 01:38 AM

دلوقتي انا اتفقت علي اساس كلام الميكانيكي وعلي كلام الراجل اللى جايبلي العربيه وهو معرفه من مده طويله ..
بس مكنش فيه وقت عشان نفحص العربيه عند سمكري .. ودفعت عربون 500 جنيه وكتبت عقد بشرط جزائي 3000 جنيه
بس لما رجعت البيت وقعدت شويه مع نفسي حسيت انى اتسرعت والمفروض كنت فحصتها سمكره كمان ومش كفايه كلام الراجل اللى معايا او خبرتي البسيطه في الحكم عليها ..
مع العلم ان العربيه فيها شويه حاجات بسيطه هو مكلف انه يعملها لحد يوم الاتنين عشان استلمها تمام وطبعا في حاله انى لقيت نفس العيوب فيها من حقي انى اتراجع والكلام ده غير مسجل في العقد لكن هو اتفاق شفوي وكلام رجاله
فانهي افضل من حيث التعامل مع التجار ودماغهم
انى يوم الاتنين اخد معايا سمكري ويفحصها ادامهم
ولا اخد العربيه علي اساس انى بجربها للمده الاخيره علي السريع مثلا واروح بيها للسمكري حتي يطمئن قلبي او حتي لو فيها حاجه اقولهم ..

**A3SAR** · 15-09-2013 01:40 AM

المشاركة الأصلية كتبت بواسطة aboomar22

ان تاخد سمكرى معاك مفيهاش مشكلة لانك المفروض بتشترى عربية دواخلها سليمة ان شاء الله تطلع كويسة ومبروك عليك على فكرة سعرها كويس

الله يبارك فيك حلوة سعرها كويس دي بتطمن الواحد :d

**exelence** · 15-09-2013 08:34 AM

المشاركة الأصلية كتبت بواسطة a3sar

انى يوم الاتنين اخد معايا سمكري ويفحصها ادامهم
ولا اخد العربيه علي اساس انى بجربها للمده الاخيره علي السريع مثلا واروح بيها للسمكري حتي يطمئن قلبي او حتي لو فيها حاجه اقولهم ..

لو خدتها و طلعت بيها على السمكرى و قالك فيها حاجه يبقى انت مطالب انك تقولهم ان العربية فيها مشكلة و مش هتقدر تقولهم انى خدتها للسمكرى لانك كان المفروض تقولهم من الاول

الموضوع: جبت لانوس 1 وعايز رايكم فيها ضروري قبل دفع بقيه المبلغ ؟

LinkBack

أدوات الموضوع

عرض

جبت لانوس 1 وعايز رايكم فيها ضروري قبل دفع بقيه المبلغ ؟ - انشر الموضوع فى :

-

-

-

-

-

المواضيع المتشابهه

ادامي 128 وعايز اعرف رايكم فيها ضروري جدا

انا هشترى عربية بروتون ويرا 2005 وعايز اعرف رايكم ايه فيها

مريا dvd و فيها كل حاجة و كمان الكاميرا ..!! عايز رايكم فيها

مشكلة مع توكيل hp وعايز رايكم فيها ؟؟

محتار وعايز رايكم ضروري بخصوص المساعدين

الكلمات الدلالية لهذا الموضوع

المفضلات

المفضلات

ضوابط المشاركة