السلام عليكم
الحمد لله قررت اشتري بيجو 301 بيزلاين وروحت اتقرجت عليها وعجبني كذا لون ومحتار بينهم
1- الموكا
2-الابيض
3- البترولي
4- الرمادي
ياريت تعملوا تصويت علي احسن لون وتساعدوني
عرض للطباعة
السلام عليكم
الحمد لله قررت اشتري بيجو 301 بيزلاين وروحت اتقرجت عليها وعجبني كذا لون ومحتار بينهم
1- الموكا
2-الابيض
3- البترولي
4- الرمادي
ياريت تعملوا تصويت علي احسن لون وتساعدوني
الغوامق على العربية دية اعتقد احسن من الفواتح
مبروك مقدماا:satelite:
لسه النهارده شايفها بلون جميل جدا وقليل
مش هاقدر اقول علي اسمه بالضبط
هو لون بين السماوي والازرق
لايق علي العربيه
ولون محايد ولا فاتح ولا غامق
الابيض جامد جدا ولكنه مش عملى الصراحة اي خدش في الاكصدام هيخليك عايز ترشه
وكمان ثقافة المصريين ان الابيض تاكسى هتمنعك تجيبه
الموكا حلو ولكنه في الحقيقة غامق اوى والعربية عايزة لون فاتح عشان يكبر حجمها
البترولى مش عاجبنى عشان هو لا سماوى ولا ازرق ولا بترولى ومش عاجبنى شخصيا
الشامبين جميل جدا هو والفضى ودول كانت رغباتى لما حجزت
http://bi.gazeta.pl/im/a8/bc/c5/z129...eugeot-301.jpg
http://www.autovia.sk/images/cars/52...-1354451-1.jpg
http://autobazar.autovia.sk/images/c...-1354451-3.jpg
http://autobazar.autovia.sk/images/c...-1354451-2.jpg
http://bi.gazeta.pl/im/c4/bc/c5/z129...eugeot-301.jpg
http://ampir-peugeot.com/images/thum...3XCAJacEnn.jpg
http://images0.zurnal24.si/slika-600...920-809075.jpg
http://siol.sdn.si/sn/img/12/356/634...012_test-5.jpg
الأيض تحفة عليها, والأسود عليها حسيتها صغيرة مع أنك مش ذاكرة,
السليفر كمان حلو عليها بس معجبنيش زي الابيض
توكل علي الله و هات الابيض
بصراحة اللي اللون السيلفر اللي معايا جامد علي العربية
بميل للبترولي
انا يا باشا كونت معاك فى نفس الحيرة ده لحد ما اسخرت ربنا و كنت محتار جدا بين لونين الشامبين و البترولى و اخترت فى الاخر الشامبين بعد لما شفته كذا مرة فى الشارع على الحقيقة الفكرة ان العربية كنزة شوية من الخلف فعايزة الوان فاتحة عشان تبان مش كنزة فانا راى الشخصى المتواضع احلى الوانها عليها بعد لما شفت الوانها كلها على الحقيقة الشامبين - الفضى - البترولى بالترتيب كده و طبعا دى مسئلة اذواق مش اكتر و ربنا معاك فى الاختيار الموفق
انا اتفق مع باقي الاعضاء ان الالوان الفاتحة عاطية فخامة للعربية دي و هي الابيض و الفضي و الشامبين
عن نفسي اخترت الشامبين لان الابيض مش ميتاليك و كل الناس حذرتني ان لونه هيصفر بعد فترة لكن دا مايمنعش انه في المعرض شكله احلى لون
فانا بعدت عنه عشان كده و عشان مش عملي هنا في مصر
و شايف ان الفضي تقليدي زيادة عن اللازم
البترولي جامد فيها
يليه الموكا جديد
الابيض
الابيض حلو بس مشكلته هلاقي طوب الارض بيشاولي
هو حضرتك اتفرجت عليها فين علشان عايز اتفرج عليهااقتباس:
روحت اتقرجت عليها وعجبني كذا لون ومحتار بينهم
اللون الرمادى (gray shark) وده بسبب ان تفاصيل العربية باينه اكثر من شغل النياكل وعلامة البيجو الفضى وجميع الأكسسورات الخارجية والفوجات
ايه رايكم في السيلفر ؟؟ بصراحة شوفته وعجبني
توكل علي الله و هات الابيض
هو اللون فضي فضي اكيد ولا رمادي فاتح له لمعة
عشان تفرق
السلفر حلو جدا بس انا عن نفسي اخترت الموكا .. لون جديد و حلو اوي عليها و بعده الشامبين تحفه
فعلا الموكا حلو بس مشكلته انه لون موضة يعني بعد شوية بيبقي عادي انا حجزن الهالاين سيلفر لان اللون ده عليها شيك اوي عليها
المشكلة ان حجزت الهايلاين وبصراحة مش مقتنع عاوز اكنسل واجيبها مانيوال
قريب للي في السيراتو و كمان قريب من لو في الرينو ... اعتقد انه حيطول اللون ده و غير كده هو. لايق علي العربيه فتقلقش من موضوع الموضه ده. ;)
كل الالوان دلوقتي بتتعمل بالظبط في التوكيل و في الحرفيين لاقدر الله لو حترش مثلا فاللون بيطلع بالظبط علي الكمبيوتر زي دهانات الحوائط
يا جماعة دى مسالة اذواق مش اكتر و راحة نفسية انا كنت محتار بين البترولى و الشامبيين و بعد معاناه استخرت و اخترت الشامبيين لون حلو اوى بصراحة مش زى اى شامبيين بتاع عربيات تانية كتير على الرغم انى قبل كده ما بحبش الشامبيين بس ده على العربية تحفة و ده راى شخصى مش اكتر
انا كان تفكيري في موضوع الالوان ده عملى شوية
------ الابيض جميل جدا عليها بس ما ينفعش لكذا سبب بالنسبة لى :
الاعتقاد السائد ان الابيض تاكسى وده من ضمن مشاكله ان الناس ممكن تشتغلنى وتشاورلى ع الطريق خصوصا لو جاى من بعيد
عربياتنا في البيت كلها كانت لونها ابيض قبل كدة في السعودية (مازدا ونيسان وشيفروليه كابرس ) وفي مصر (بيجو 504 و تويوتا كورولا 2001 ) كلهم كانوا ابيض ، فخلاص لازم اغير بقى زهقت من الابيض ..
مش عملى في الخدوش والخبطات خصوصا في الاكصدامات
درجة اللون بتتغير او بتصفر ومش دى المشكلة ، المشكلة لو احتجت ترش جزء ، بتفكك خالص من الكود ولازم تعاير اللون على اللون الفعلى اللى العربية عليه ، ودى مش بتظبط 100% وعملية صعبة
طبعا مش ميتاليك والميتاليك بيدي شياكة للعربية
--- الاسود غير عملى بالمرة في اي عربية ولا انصح به في مصر ومع البيجو بالاضافة لعيوبه المعروفة من امتصاص للحرارة ومنظره السيء مع الخدوش وسهولته في السرقة ! فهو مصغر العربية جدا ومش مبينها
--- البترولى مش لايق عليها من وجهة نظري والدرجة بتاعته مش عاجبانى
-- الشامبين اول لون شوفته وما عجبنيش من اول مرة بس بعد كدة حبيته واكتشفت انه احلى لون فيها وحجزته كرغبة اولى
--- الموكا في الصور جامد جدا ولكن في الحقيقة غامق زيادة عن اللزوم وزي ما قلنا العربية دى عايزة الوان فاتحة ولكن هو لون شيك فعلا
--- الرصاصى او الفيرانى ما شفتوش في الحقيقة غير يوم الاستلام وبصراحة جميل جدا خصوصا مع الهايلاين وعامل شغل مع النيكل اللى فيها
--- الفضى تقليدى جدا طبعا ولكن رائع على العربية زي الابيض ، والميزة فيه ان مش باين اللمعة بتاعت ورنيش الفبريقة اللى بتكون منقطة دي ( ما بحبهاش )
ومدي شكل فخم للعربية وده كان رغبتى التانية في الالوان
بعد ما اخترت الشامبين والفضى ، حسيت برضه انى محتار بينهم وبعدين تمنيت تيجى الفضى ، وبعدين قلت لا انا مش هتمنى حاجة معينة ، زي ما تيجى بقى واللون اللى هييجى هرضى بيه وهعتبره اختيار ربنا
سبحان الله اللى جت بعد 15 يوم طلعت فضى قلت يلا الخيرة فيما اختاره الله وتوكلت على الله فيها
ولونها تحفة فعلا بس عيب العربية دى حاجة
جايبالى كمية حسد وعين رهيبة والناس كلها بتشوف العربية وتبرق لها
لدرجة ان العربية اتخبطت تانى يوم وهى واقفة واتحكت تالت يوم حكة رخمة جدا في الرفرف الخلفى يمين وانا ماليش اي ذنب فيها :(
رابع يوم عدى بدون اصابات في الصاج فرحت ، تخيلوا ايه حصل ، فردة الكاوتش اللى لسة ما مشيتش 300 كيلو اتقطعت من حتة ازاز مجرد ما وقفت بالعربية قدام البيت ، وبعدها بنص ساعة برضه نضارتى وقعت ع الارض واتكسرت
الحمد لله على كل حال
عاجبني فيها البترولي و الرمادي
الابيض حلو برده فيها لكن اللونين اللي فوق احلي عليها من وجهة نظري
لسة شايفها النهاردة اللون البترولي خطير عليها بس مصغر حجمها
الابيض او الفضي