الحمد لله انا جبت 128 خلاص ودى اول عربية ليا .. محتاج نصايحكم ضرورى
الحمد لله انا جبت عربية بفضل الله 128 موديل 75
بصراحة العربية داخليا كعفشة وموتور وسنكرة وكهربا وما الى ذلك متظبطة انا واخدها من واحد شاددها لسه طازه يعنى على الركوب علطول
مشكلتها معايا حاليا هى شوية حاجات فى الشكل لانه اهتم بالمضمون وسحبت منه فلوس كتير ولاقى نفسه مش ماشية معاه فقرر يبيع ويجيب حاجة حديثه عشان يشغلها مشاوير مخصوص وكده
العربية هو مش معدل وشها يعنى فيها الفانوس المدور بس للاسف مكان الاشارات اللى بتبقى جاية من الجنب لقدام دى هو شايلها وقافلها بصاج بس اللحام باين كده وشكلها وحش اوووى
انا عايز اخلى وش العربية زى الموديلات الجديدة ( اعمل كده ازاى ويكلف كام ؟؟ )
تانى حاجة عصاية الفتيس وحشة جدا طويلة وشكلها مقرف عاملة ولا فتيس عربية نقل
هل ممكن اجيبله عصاية تكون قصيرة شبيهة بالعربيات الحديثة زى الدايو او كده ولا لا ولو اه اجيبها منين وبكام ؟؟؟
عايز اعمل حاجة تبقى نازلة زى صندوق كده من التابلوه لحد فرامل اليد بين الكراسى يبقى فيها الكاسيت ويتحط فيها اى حاجة وتبقى فاصلة المقعدين الاماميين وتريحنى فى الغيارات هل ممكن وتكلف كام ؟؟؟
دى الحاجات اللى معجبتنيش لحد دلوقتى من الوهلة الاولى فى العربية رجااء انصحونى
وياريت تعرفونى ياجماعة ايه اللى انا محتاج اتاكد انه كويس فى العربية دلوقتى وازاى لانى للاسف يادوب بعرف اسوق على خفيف كده لكن معنديش خلفية عن العربيات كصيانة وما الى ذلك
وانا كل ما الاحظ حاجة هتقل عليكم معلش واسألكم
وشكرا للجميع
