الموضوع: ٦ أكتوبر: خبط الواد وشالو بدل ما يودية المستشفى رماه في صندوق زبالة !

المشاركة الأصلية كتبت بواسطة y a r i s

الله ينور عليك يجد يا تامر باشا
انا برضو ببصولها ان بعد الشر بعد الشر. لو ابني هو الي حصلو. كده ... يعني انا مش عاوز تعويض ولا عاوزوا يعالج ابني ده بالعكس هكون شاكرلوا لو. خد ابني وداه المستشفى وسابوا هناك بس يدينا خبر نروح احنا نتكفل بيه حتى لو جه قلنا ان. فاعل خير. هشيلوا وابوس على راسوا ... اما تصور. ابني فلذة كبدي. وقرة عيني يشيلوا يحطو في كرتونة. ويرمية جمب جردل زبالة في حي تاني والواد سايح بدموا

بس برضوا صديقنا بيقول موقف. كمان بيحصل كتيررر ان الاهالي اوفي بعض الناس بتعمل الموضوع ده سبووبة. يقلبوا الناس في قرشين واقول لحضرتك على حاجة يا تامر باشا ... الناس مع الاسف معندهاش ثقافة تعديت الشارع ... وبيعدوا كده زي المعيز. ... مع احترامي للمعيز ...

ده في مرات تبقى ماشي بالعربية مسرع وتلاقي واحد بيعدي من اليمين وفي نفس الوقت. واحد بيعدي شمال ويعملولك حرف اكس كده قدام العربية وانتا مسرع وعربيات لزقة وراك في ديل العربية ويخلوك لا انتا عارف تروح يمين ولا انتا عارف تروح شمال وتفاديهم ولا انتا عارف توقف هههه . وتحياتي

كل كلام حضرتك صحيح
انا مرة مشرفة منها لله اتسببت اني خبطت طفلة عندها 5 او 6 سنين :(
المشرفة واقفة بالطفلة عالجزيرة اللي في وسط الطريق و مش ماسكة ايدها
و انا معدي راحت الطفلة جارية قدامي مرة واحدة , و ما لحقتش اقف بالعربية خالص قبل ما اخبطها
العربية زقتها زقة خفيفة وقعتها على الارض , و الحمد لله الطريق كان بطيء اصلا
وقفت
و المشرفة عايزة تغلطني , و غلطتها
و الحمد لله الناس وقفوا معايا
و جت سليمة

انا قعدت اسبوع بعدها عندي اكتئاب
مرعبة جدا جدا اللحظة اللي انا كنت دايس فيها فرامل و العربية لسه ما وقفتش
و انا مش عارف ايه اللي هايحصل

في نفس الوقت , ده مش مبرر لقتل عمد , اهو ما لبسش قتل خطأ في الدنيا , و لبس شروع في قتل في الآخرة :(