اول مشاركة ليا فى المنتدى واتمنى متكسفونيش .منتظركم

**محمد فرج** · 15-09-2013 04:54 AM

السلام عليكم

سعيد لتواجدي فى منتداكم الرائع .. ودة اول موضوع ليا فية وان شاء الله مش الاخير طبعا

كنت حابب استفسر من حضرتكم عن شي ..

انا عاوز شقة تكون مساحتها متوسط من 110 لحد 150 .. مش هتفرق كتير .. وتكون فى حدود 200 الف .. ومش مشكلة لو الثمن دة ونص تشطيب .. المكان حقيقي مش محدد شي لان لسه بدرس ودي الشقة اللي هتجوز فيها .. بس فى غالب الامر اكيد الشغل بالنسبة لمجالي هيكون وسط البلد او فى اكتوبر .. فا المكان ممكن يكون فى وسط البلد او اقرب الاماكن لوسط البلد .. ولو مفيش يبقى امرنا لله اكتوبر .. انا فكرت فى حدائق الهرم " الهضبة " البوابة 4 .. وبجد جميلة وعجباني

بس حابب اعرف رايكم .. وياريت يكون مكان راقي مش شعبي ! ايه اقتراحاتكم ؟

**MaZaGAngeE** · 15-09-2013 05:52 AM

شوف اقرب مكان من شغلك ... العملية مش مستحملة مرمطة في المواصلات ..
لو هتروح بعربيتك يبقى على قد ما تقدر المشوار يكون في حدود 20 كيلو عشان ميبقاش محتاج ميزانية لوحده ..

**محمد فرج** · 15-09-2013 06:16 AM

ما انا كاتب مكان شغلي المحتمل اما وسط البلد او اكتوبر

**الاستاذ** · 15-09-2013 06:35 AM

ف شقة فى الزاوية الحمراء تبع واحد معرفة 4 اوض وصالة وحمام هى تبع واحد معرفة تنفع معاك ؟

**MaZaGAngeE** · 15-09-2013 06:42 AM

المشاركة الأصلية كتبت بواسطة محمد فرج

ما انا كاتب مكان شغلي المحتمل اما وسط البلد او اكتوبر

المسافة كبيرة بين الاتنين ... لو انت بتتحرك بعربيتك حاول تكون قريب من الدائري عشان الامور تكون اسهل ...

**ashekwalaa** · 15-09-2013 08:57 AM

أنا عندي شقة في زهراء مدينة نصر قبل الدائري ب 200 متر ... لو الموضوع همك ابعتلي وأقلك تفاصيل أكتر

**Mohamed_Hamid** · 15-09-2013 09:42 AM

لو شغلك فى اكتوبر ماشى انما وسط البلد ممممم محتاجة تفكير فى خيارات تانية
عموما حدائق الأهرام حلوة والبوابة الرابعة احسنها بس فيها بعض السلبيات اتمنى تتحل ان شاء الله

**محمد فرج** · 16-09-2013 11:30 PM

ايه تفاصيل شقة زهراء مدينة نصر ؟

وتسملوا يارجالة على تفاعلكم وكرم اخلاقكم

**ashekwalaa** · 17-09-2013 08:21 AM

بص يا سيدي
الشقة مساحتها 150 متر
دور سابع
يوجد أسانسير
متشطبة بالكامل ، أنا حاليا قاعد فيها
بينها وبين الدائري مفيش 200 متر
على شارع رئيسي
والسعر 250 ألف ، كاش وبتسهيلات