هل التست درابف هو من حقوق المستهلك ام هو كرم من التوكيلات؟
هذا السؤال توارد الى ذهنى لانى قررت شراء سيارة جديدة على الزيرو و مع وجود كثير من الموديلات الجديدة على السوق او وجود بعض من الموديلات القديمة لكن نزلت السوق بتغيرات جوهرية فى العفشة او الموتور فأصبحت فى حيرة من امرى ان ازاى اشترى عربية ب 200 الف جنية و انا ليس لى حق فى تجربة قيادة العربية و لما كنت باتصل باتوكيلات لطلب حجز تيست درايف يكون الرد انه غير متاح طوال الوقت لكن يتم السماح به لفترة قصيرة عند نزول موديلات جديدة كليتا على السوق كجزء من حملة الدعاية فقط طيب يعنى اشترى العربية و بعد كده اجرب سواقتها و لو ماعجبنيش وحبيت ابيعها اخسر الجلد و السقط او اعصر على نفسى لمونة واقبل بها على وضعها و ده بيحصل مع ناس كتير.
فالسؤال اليس من حق المشترى على التوكيل ان يتم توفير سيارة واحدة على الاقل طوال الوقت لعمل تست درايف للراغبين حتى لو بمقابل مادى بسيط لضمان الجدية او يتم اجبار التوكيلات على ده عن طريق جمعية حقوق المستهلك على اساس ان العربيات ليست كباقى السلع المصرح بأسترجاعها لعدم الاقتناع بها و ليس لوجود عيب جوهرى بها.
فأحب اعرف هل فى ناس كتير عندها نفس التساؤل و لآ