أسوأ توكيل في العالم هو مودرن موتورز..
السيارة: ألتو 2013
عاملة 11000 كيلو ..
منذ الشراء من حوالي 8 شهور وحتي الأن روحت مودرن موتورز فرع الكيلو 28 أكثر من 6 مرات وفي كل مرة بشتكي من الفتيس .. عضة في المارشدير .... ومفيش فايدة فيهم ...
بس آخر مرة من أسبوع الأمور فاقت الحد:
العضة زادت والخامس بقي تقيل ... والعفشة ناحية المساعد اليمين الأمامي بتزيق في المطبات...
أعمل مع الناس دي إيه .. مع اني اخر مرة قدمت شوي مع إدارة الفرع..
غبور اللي الناس بتشتم فيه برقبتهم..
جهاز حماية المستهلك ابسط حل
حسبنا الله ونعم الوكيل
بصراحة هيا العربية ديه من ساعة مانزلت مصر وهيا فيها عضة فى المارشيدير فى كل الموديلات تقريبا .. ممكن تقوللهم يزودولك زيت للفتيس .. بس ابقى دوس جامد شوية على الدبرياج وانت بتنقل ومتقلقش سوزوكى دبرياجها ناعم زى ما انت عارف ..
بالنسبة لموضوع التزييق ده ممكن يتشحم بردة فى التوكيل ..عادى
موضوع بقى ان سوزوكى أسوأ توكيل فى مصر ديه غريبة شويه .. معلش اعذرنى
( أمااااال لو جربت توكيل الباشا عز العرب هتعمل ايه :I_angr1[1]::majd(4): ؟؟؟؟؟!!!!!!
السلام عليكماقتباس:
المشاركة الأصلية كتبت بواسطة amrseif
جزيل الشكر
أولا بالنسبة لموضوع حماية المستهلك... انسي ان حد يعبر حد الأيام دي...
بالنسبة لتوكيل عز العرب ... زفت ولكن لا أعتقد مع كل العملاء ... يعني لأنه معه توكيلات سيارات عادي وسيارات فخمة .... وبتوع الفخم مش هايسكتوا وبيتعاملوا كويس....
عضة الفتيس في المارشدير ليست هي المشكلة فقط ولكن التنفييييييض شئ سئ جدا...
كمان ازاي يقولك عملت العفشة وتزيق....
وازاي اطلب منهم يعماوا تشيك علي زيت الفتيس ويكبروا...
وإزاي الباب يكون تقيل في القفل واروح مرتين علي ما يتعمل...
من الأخر ... معاملة سوزوكي ليست مثل معاملة نيسان وخاصة ماركات سوزوكي منخفضة السعر
صديقي المواطن المشكلة.اللي تروح التوكيل مرتين ومش تتحل تشكر الله على نعمه وتصبر على اﻷذى وتروح تعملها بره تحل كل مشاكلك وترتاح أما الشكوى فلا طائل منها و دمتم للنضال
والله يا أخي بعد ماكنت مؤيد تماما للبقاء في التوكيل .. افكر في التخلي عنهم الأن.... لأن البرود حاجة تشل بجد...اقتباس:
المشاركة الأصلية كتبت بواسطة saddam
واضح دلوقتى ان العميل لازم يشيك على كل حاجة اتعملت فى العربية قبل ما يسيب التوكيل ... يا اما هايتكروت ... انا مش عارف هو احنا هنشتغل معاهم وللا ايه ؟؟؟!!!اقتباس:
المشاركة الأصلية كتبت بواسطة omar_saad
مش عارف اقولك ايه
بس موضوع العضة ده حله بسيط تغييير زيت الفتيس و المفروض بيتغير الفبريكة بعد اول 15 الف ك و رجلاش للدبرياج و بيتظبط العضة ديه
و خلي بالك في موضوع المارشدير لأني شرحته قبل كده كتيير هنا لأني واجهت موضوع العضة اول ما جبت العربية لكن حلها كان تغييير زيت فتيس و رجلاش دواسة البنزين و لازم تقف بالعربية تماما عشان تجيب مارشدير ده لو كنت بتتحرك
اما لو كانت العربية راكنة و دورت و رجعت فغالبا انك لما جيت ركنت و الفتيس معشق روحت شادد الهاند بريك مباشرة فده لاحظت انه بيعمل عضة عندنا و الصح انك تقف بالعربية خالص و تمور الفتيس و بعدين تشد الهاند بريك و جرب تاني يوم الصبح و هتشوف بنفسك النتيجة
بخصوص المساعدين انت بتمشي في اماكن مكسرة و بتاخد مطبات او فتحات كتييير ؟؟
و بتسمع صوت التزييق امتي ؟؟
و اخيرا كنت كاتب انهم كبروا و مبصوش ع زيت الفتيس عرفت منين انهم مبصوش عليه ؟؟؟
السلام عليكم...
شكرا أستاذ عمرو علي الرد...
نبتدي من الأول....
أولا قمت باتخاذ كل الإحتياطات التي قلتها ... بخصوص عضة الفتيس وإن كان حدث تغيير فهو طفيف ... المشكلة ليست دائمة ولكن... تذكر الموقف التالي.. انت في زحمة وحبيت ترجع للخلف عشان تلف أو لأي سبب وانت معطل الطريق كله... وحصل ده... الكل لا يصبر وغالبا بالنسبة لهم مش بتعرف تسوق ...
مش مهم ... يالا .. المشكلة قد تكون في ... لا اقبل بأي شئ غير سليم في السيارة...
عامة أنا أسكن في مدينة العبور .. الطريق جيد .. دائما علي الدائري ... بحاسب جدا في المطبات ... مش جديد في السواقة...
هما نفسهم قالولي معملناش حاجة في زيت الفتيس.. لا شيكوا ولا زودوا ولا أي حاجة...
كل اللي قالوا الدبرياج أفضل والمشكلة مش هاتحصل معاك تاني...
وبعد شوية .. يبقي الوضع كما هو عليه...
اخر مرة قولتلهم .. عيب أكون جايب جديد ولاقي المعاملة دي.. أنا كرهت العربية ... التوكيل مش بيعملي حاجة.. قاللي ها قدملك شكوي.. وكتب الشكوي..
بفكر اروح ليهم تاني بكرة مثلا .. مع ان باقي علي صيانة ال 15000 لسة 4000 كيلو ....
قبل ما أنسي..
الصوت المسموع من اتجاه المساعد الأمامي اليمين بالنسبة لي وأنا سايق.. يحدث مثلا عند نزول مطب بالجنب المقصود أولا .. واحيانا اسمعه لو خدت ملف بسرعة علي الضيق حيق يحدث ضغط عكسي علي الجنب المقصود... فاهمني...!! عامة الصوت ليس عالي . ولكن أنا لسة جاي من التوكيل من 10 أيام وقالولي تم ربط العفشة والزوايا وتشيك علي كل السوائل ...
بماذا تنصح وآسف علي الإطالة... اتعبتك . جزيل الشكر
ولكل الزملاء جزيل الشكر
آه .. نسيت أقول ...
بعدي في مطبات هواء كتير ..
ممكن تشوف بعد تغيير زيت الفتيس هل هيحصل تغيير و لا لأ
لأني اتبعت الاجراءات اللي قولتلك عليها من رجلاش للدبرياج و تغيير زيت الفتيس و ازاي اركن و ازاي اطلع و كل ده اختفي تماما
موضوع المساعد لو فيه مشكلة بدون سوء استخدام يبقي كده من المفترض انه عيب صناعة و اعتقد العربية لسه في الضمان و ده تكلمهم فيه
انا عن نفسي مروحتش التوكيل غير اول صيانة اللي هي صيانة 1000 و كبرت دماغي قولت حتي لو حاجة ظهرت هتعامل انا معاها بعد اللي شوفته :)
انا مش معاك فى حتة ان حماية المستهلك مش هتعملك حاجه انا كانت عندى مشكلة فى فلتر مياه تمنه الف جنيه والشركه اللى جبته منها قعدت تماطل فيا لحد ما وصل بيا الامر ان صاحب الشركه بعد ما هددته انى هشتكيه قالى اعمل اللى انت عاوزه وفعلا قدمت شكوى فيهم لحماية المستهلك وفى ظرف يومين كانت الشركة هيا اللى بتتحايل عليا علشان تغيرلى الماتور اللى بايظ :dاقتباس:
المشاركة الأصلية كتبت بواسطة omar_saad
جرب مع حماية المستهلك مش هتخسر حاجه بس لو عاوز نصيحتى جرب الحل الودى معاهم ولو حسيت منهم انهم مش هاممهم حماية المستهلك ابقى قولهم انك لما هدتتهم انك هتشتكيهم لحماية المستهلك قالولى اعمل اللى فى وسعك علشان تسخنهم شوية عليهم :d
والله يا أخي .. أنا قرفت من الناس دي..
عامة اخواني الكرام قررت عمل لستة بكل حاجة مش مضبوطة في العربية وفي الصيانة الجاية ان شاء الله احط قدام عينيهم اللستة واتابع
الله المستعانومش هاسكت ان شاء الله زي كل مرة
اقتباس:
المشاركة الأصلية كتبت بواسطة amrseif
+1
كنت داخل أقول الكلمتين دول بالضبط وخصوصا الحتة بتاعة عز العرب
...
عموما بالنسبة للعضة بتاعة المارشدير .. هو تصميم فتيس الألتو طبيعته كدة للأسفولكن ليها من الإجراءات زي ما قال أخي عمرو أكسيل ما يمكن معه تخفيف الأمر بصورة كبيرة وبالذات موضوع شد فرامل اليد وانت معشق الفتيس أو دايس على فرامل الرجل
نقطة كمان لو حصلت العضة دي والمارشدير مش راضي ييجي ... انقل الفتيس على الرابع وبعد كدة انقله على طول على المارشدير (كل ده والعربية واقفة) ... هاتلافيه جه بسهولة جدا
شكرا أخي الفاضل..اقتباس:
المشاركة الأصلية كتبت بواسطة d . A .\ ayman
للعلم افعل كل ما قلته ...ولكن أنا حاسس ان الفتيس فيه صوت احتكاك وكأنه بدون زيت وقولتلهم شوفوا الزيت مفيش فايدة ...
من الاخر بيطنشوا...
ربنا يعينا عليهم
لا كدة بقى يبقى ﻻزم تنزل تروح أي بنزينة كويسة ونظيفة لشل مثلا وتخليهم يقيسوا مستوى الزيت وتزوده لو ناقص
أو تغيره خالص وتحط زيت جديد ... وخد بالك من نقطة مهمة جدا ان زيت الفتيس بتاع اﻷلتو نوعه e-90 مش 140 ... ال 140 ممكن يبوظ الفتيس وحساس السرعة
باشاالله يبارك فيك...اقتباس:
المشاركة الأصلية كتبت بواسطة d . A .\ ayman
بس ليا استفساررين...
اولا متوسط السعر لتغيير الزيت بالمصنعية كام...
ثانيا ده هايؤثر علي الضمان أم لا...
جزاكم الله خيرا
أنا لما غيرت الزيت كله من فترة خدت تقريبا 3 لتر أو 3.5 وكان اللتر بحوالي 17 جنيه مش فاكر بالضبط بصراحة في بنزينة موبيل اللى أو شارع الطيران
بالنسبة للضمان هو أصلا عارف العربية زيتها ناقص ولا مضبوط عشان يبقى واخد باله إنك غيرت زيت برة ؟؟
فتيس السوزوكي التو بياخد لترين و ربع بالظبط لا اكتر و لا اقل
و سعر لتر شل بيعمل في حدود 26 ج و الأفضل تشتريهم 3 عبوات و تخلي باقي العبوة التالتة للتغييرات القادمة بدل ما يحطلك من الطرمبة يستخدم رداخ في ملي الزيت و التغيير 3-5 ج و يفضل تغيره كل 10-15 الف بالكتيير
و قبل ما ينزل الزيت اتأكد من وجود مفتاح الطبة عنده و الطبه موجودة ع الفتيس من فوق لازم ينزل تحت العربية و يمد ايديه لفوق
والله عندك حق....اقتباس:
المشاركة الأصلية كتبت بواسطة d . A .\ ayman
مبيعرفوش أي حاجة
استاذ عمرو ... أنا باقي لي حوالي 2000 كيلو علي صيانة ال 15000 اولا قررت اروح لهم وأول حاجة هاشوفها ان شاء الله هي زيت الفتيس...اقتباس:
المشاركة الأصلية كتبت بواسطة amr axel
ه ان شاء الله
لكم جزيل الشكروان ماكنش هاعمل اللي انتم نصحتوني بي
الشيىء الوحيد الذى نجح فيه هذا التوكيل هو جعلك تندم على شراء نيسان صنى
شكوى من خدمة مابعد البيع وجدية الضمان لسيارة نيسان صنى فى مصر
1- اشتريت سيارة نيسان صنى 2013 الشكل الجديد
2- حدث تلف فى رولمان بلى العجل الخلفى بعد 56 الف كيلو متر
3- توجهت الى مركز خدمة نيسان (مودرن موتورز - الهايكستب) فى القاهرة وحددت لمهندس الاستقبال طبيعة العيب
4- قرر المهندس ان السيارة لابد ان تبيت فى التوكيل نظرا لعدم قيامى بالحجز المسبق (علما بأن العطل مفاجىء ولم يمكن التنبؤ به قبل حدوثة للحجز)
5- ارتضيت بهذا واستسلمت للامر الواقع علما بأنى اقيم خارج القاهرة
6- بعد بيات السيارة بالمركز فوجئت بهم يتصلون بى للحضور لاستلام السيارة بدون اصلاح وذلك نظرا لعدم وجود قطعة الغيار بالمركز
من المعتاد دائما فى هذا المركز التهرب من اجراء ايه اصلاحات تندرج تحت بند الضمان وذلك بالاصرار على مبيت سيارات الضمان حتى ولو كانت المشكلة مجرد سلك مفكوك نتيجة سوء التجميع
من المعتاد ايضا تحديد مواعيد حجز الصيانة الدورية بعد فترات تصل ل3 اسابيع فى معظم الاحيان
ان هذا التعامل لهو اسوأ دعاية لهذه السيارة فى مصر
دكتور مهندس / احمد حسين الفقى
ت : 01001225339
السلام عليكم
ربنا معاك
انا روحت بسبب عضة في الفتيس اكثر من 10 مرات -- و النتيجة بالنسبة لهم -- العربية حلوة مفيش حاجة -- حتي ان واحد فيهم في مرة بيقولي ممكن حضرتك تكون ما بتجيبش المارشدير صح -- وواحد تاني بيقولي -- شد جامد في المارشدير و ماتخافض لو عمل صوت عالي
يا جماعه مودرن موتورز مافيهوش غير المهندس أسامه عبد العال .. بيبقى موجود يوم التلات والاربع - عادة - في فرع الهايكستب ... واحيانا في ابو رواش .. هذا الرجل قمة في الاحترام .. هو مسك مدير قريب .. بس مش مدير صيانة ، منصب اعلى .. كان عندي مشكله ورحت مرتين ابورواش ( وانا ساكن في العبور ! ) وماعرفتش احلها واشتكيت لخدمة العملاء ( استاذ كريم وهو رجل محترم ايضا ) وبلغ المشكلة للمهندس اسامه ورحت قابلته في فرع الهايكستب ( عشان يكون اقربلي ) وتم حل المشكله هناك الحمد لله وكان تعامله معايا منتهى الذوق ... للأسف مشكلة الاهمال وقلة الضمير اصبحت سائدة في بلدنا ... الا من رحم ربي
Omar_Saad بقى كل ده وانا مش عارف انت مين .. شوف الصدف الغريبة على العموم ربنا يباركلك فى العربية وسلملى على عمر ...........
السلام عليكماقتباس:
المشاركة الأصلية كتبت بواسطة dr_smart
اخي الفاضل -- المشكلة ليست في التعامل الجيد لفظيا و الشاي المجاني -- و لكن المشكلة هي التنفيض بمعني الكلمة - و قد يكون ذلك ليس بسبب هؤلاء و لكن بسبب الادارة العليا السيئة للغاية
- انا روحت عشان العفشة فيها تخبيط ناحية الشمال كده بسمعها في مطبات معينة و مفيش فايدة و لا حاجة اتعملت
ربنا يبارك فيك يا عموراقتباس:
المشاركة الأصلية كتبت بواسطة amrseif
تسلم يا كبير و ان شاء الله نسمع عنك كل خير