حسبي الله و نعم الوكيل في الشرطة .

**O.M.S** · 16-09-2013 09:00 PM

اولا الحمد لله على سلامه الحاجه , ثانيا انت معاك حق في الي عملتوا معلش لو الناس بتتكلم في القانون وكدا يبقى يتطبق بحزافيروا يعني تدفع الغرامه بس الشرطه بتسكت لان 90% منهم راكبين عربيات مخصصه للمعاقين ومرخصه كدا بس ضابط, وبردوا مفيم واستحاله حد يكلموا معلش في الكلمه ------- وانا اعرف منهم من الرائد لللواء وقرايبي والحمد لله متبري منهم مش علشان ضابط , وانا دلوقتي بعمل زيك واكتر والله كتير بمشي واسيب اللجنه ولو وقفني بجري علشان عدت عليا مواقف زباله معاهم

**Mohab555** · 16-09-2013 09:49 PM

قبل اى شىء الف سلامه على والده حضرتك و ربنا يقومها بالسلامه
الموضوع والله بدون اى تحيز .... انت طلعت غضبك من الضغط العصبى الى انت فيه على الظباط ... و هو الصراحة مغلطش معاك و طرح كل الخيارات لحضرتك علشان تختار و ده تصرف نموزجى ... بس حضرتك كنت مش مستحمل و حصل الى حصل ... اهم حاجة على بعد بكره تروح المرور الى انت تبعه و تدفع الغرامه و تدخل فحص و تاخد الرخصه و تتوكل على الله ...

**أحمد جودة** · 19-09-2013 11:37 AM

الف سلامة للوالدة و ربنا يطمنك عليها .............. عاوز أقولك نصيحة أخوية ومتزعلش مني

امشي عدل يحتار عدوك فيك ...... انتا غلطان علشان عامل فامية أيا كان درجتة طالما مش مثبوت على الرخصة تبقي مخالف واديت لواحد فرصة انه يوقفك ..... انا ماشي بالمبدأ دة رخصتي ورخصة العربية فى جيبي والعربية تمام من غير فامية ولا اي حاجة لو حد اتكلم معايا بعرف ارد عليه كويس ........ تحياتي

**na3m977** · 17-10-2013 09:23 PM

انا شايف ان الراجل مش غلطان هو بيطبق القانون

**koshakindnes** · 18-10-2013 12:59 AM

معا احترامى لحضرتك الظابط ولا كلمه الضراحة غلط هنا فى السويس وصلت غرمات الفاميه ل 600 جنيه وبصراحه معاهم حق الى مفيم بيبقى مشبوه هنا ومش اصدى انو بلطجى او حرامى لا حاجات تانيه وبصراح الى بيعملوه فى الفاميه مع الناس معاهم حق بس اهم حاجة الاحترام منهم للناس وتحياتى

**spidars** · 18-10-2013 07:57 PM

لو عاوز الفاميه هات عربيه نازله زجاجها فاميه وحط صباعك في عين التخين زي الفرنا والانوس وعربيات تانيه كتير

**تامر.محمد** · 18-10-2013 08:20 PM

سلام عليكم
يمكن انا على عكس حضرتك واخد موقف من الداخلية لأسباب كتير
لكن في موقفك الظابط مش غلطان
هو خيرك تدفع المخالفة او تشيل الفيميه , كان عادي انك تدفع , هي في الاول و في الآخر مخالفة و لازم هاتدفعها او تشيله حتى لو كلهم عاملين عربياتهم فيميه و ماشيين وقشطة (و ده من اهون اسباب اني واخد منهم موقف )

حاول تركب عازل حراري عالجناب بس حتى و ريح دماغك , و ربنا يطمنك عالوالدة ان شاء الله

اضافة : هما للصراحة بيطبقوا الموضوع بغباوة و بيعتبروا اي فيلم ملزوق ممنوع مع ان المفروض يعني انه اللي بيحجب رؤية الداخل بس