عرض للطباعة
السلام عليكم
لو تكرمتم بسأل هل في حد بيبيع زجاج النترا 2012 امامي لاني اخدت فيه زلطه على الدائري و اتكسر
رحت سألت التوكيل قالو 2800 جنيه - السليكون لوحده ب 140 جنيه و لسه كمان الكلبسات
سألت فى مراكر توزيع هيونداي المعتمد - اكتشفت انه اغلي من التوكيل لان الزجاج ب 3080 جنيه برضه بدون سليكون و كلبسات
فانا كنت عاوز اعرف فيه حد بيبيع الزجاج ده بسعر ارخص من دول
لان فى التوكيل الموضوع هيتكلف بالمصنعيات حوالى 3500 جنيه
وشكرا
في واحد جمب البيت عندي في مدينه نصر هسألك عندو بمشيئة الرحمن النهارده و أنا راجع من الشغل
الحمدلله ربنا يكفيك شر الطريقاقتباس:
المشاركة الأصلية كتبت بواسطة mhkash
اطلع على جريش فى العاشر او شوف اى حد بيشتغل فيه يكون نضيف و الموضوع كله هيطلع فى حدود 600 جنيه
الف شكر - هانتظر ردك ان شاء الله - وجزاك الله كل خيراقتباس:
المشاركة الأصلية كتبت بواسطة haitham basha
الف شكر يافندم - بس السؤال هو جريش بيعمل زجاج بنفس المواصفات بتاع الزجاج الاصلي - يعني التظليل و اللون ومكان تثبيت المرايهاقتباس:
المشاركة الأصلية كتبت بواسطة profimh
الف شكر
للأسف يا باشا معندوش غير المصري العادي معندوش الأصلي بتاعها زي ما إنتا عايز قلتلو ألاقيه فين قالي في الحرفيين و يعمل من 700 إلى 900 جنيه ...اقتباس:
المشاركة الأصلية كتبت بواسطة mhkash
الف شكر - جزاك الله خير - الحمد لله على كل حالاقتباس:
المشاركة الأصلية كتبت بواسطة haitham basha
صديقي المواطن
جريش بيموج فخليك في التايلندي وقرايبه عند الحرفيين في الثلاثي وسألت عليه من 6 شهور كان عامل 850 ودمتم.للنضال إنسى التوكيل ومتفكرش فيه تاني دي زجاجة.وليست كومبيوتر يعني
شكرا جزيلا للرد- بس لي سؤال تاني معلشاقتباس:
المشاركة الأصلية كتبت بواسطة saddam
اوصل هناك ازاي -وهو المحل اللى هناك اسمه محل الثلاثي ولا ايه -معلش اصل انا مرحتش هناكقبل كده
واسف للازعاج
وشكرا مره تانيه
أشكرك على المعلومة و الإضافة بس هى عن تجربة و لا حضرتك حد قالهالكاقتباس:
المشاركة الأصلية كتبت بواسطة saddam
و معلش عاوز افهم يعنى ايه بيموج
شكرا
يا جماعه مفيش حد بيرد ليه - انا عمري ما سألت عن موضوع و حد اهتم الا عدد قليل جدا من الاعضاء
ما تنصحونا لوجه الله وحد يقولنا اوصل ازاي لبتوع الزجاج التايلندي فى الحرفيين
هو انتو بس بتردوا على اللى بتعرفوووه والباقي اسكرته يعني
غريبه جدا - كتير بلاقي مواضيع عديمة القيمه والاقي فيه عليها ردود كتير و كلها من نوعية - شكرا - وايه الحلاوه ده - و دايما مبدع
ولما يكون فيه مواضيع جاده و قيمه ملاقيش ردود خالص
انا فعلا غلطان اني دخلت المنتدي الغريب ده
لا إله إلا الله ... ليه بس كده يا باشا هتزعلني منك و الله بس أنا عزرك و عارف إن موضوع الإزاز معكنن عليك و معصبك و عارف الي انت في و الله ... شوف كلنا هنا في المتدى بنحاول نخدم بعض و نفيد بعض و محدش بيطنش حد هو بس تلاقي المواضيع كترت على اناس والتنبيهات دخلت في بعض على عموم يا سيدي خد عندك يا سيدي عناوين و تليفونات شركة الثلاثي و اسأل براحتك :اقتباس:
المشاركة الأصلية كتبت بواسطة mhkash
العنوان : 288 شارع جمال عبدالناصر - القاهره - مصر
التليفونات 02-26983366
العنوان 4 شارع الحريه - المطريه - القاهره - مصر
التليفونات 02-26505560
اشكرك يا هيثم باشا لردك - وارجو انك متزعلش - بس انا فعلا مستغرب من تعامل الناس مع بعض - يعني تلاقي 100 مشاهده و ردود بالكاد تكون مفيده - في حين والله زي ما قولت لحضرتك - فيه مواضيع غايه فى السذاجه - يعني واحد بيسأل على كماليات ملهاش لزوم فى العربيه و تلاقي تعليقات كلها عباره عناقتباس:
المشاركة الأصلية كتبت بواسطة haitham basha
- موضوع مهم جدا ياباشا - و متابع باهتمام - و ياريت الاسعار -
حاجه غريبه جدا والله
معلش
واشكرك والله جزيل الشكر على اهتمامك و على مساعدتك وجزاك الله خير
مش شكر فى المنتدى بس بصراحة انا استفدت منة كتير جدااااااقتباس:
المشاركة الأصلية كتبت بواسطة mhkash
وخلى بالك انا بردة عايز اغير الزجاج بتاعى وكنت هاروح د جريش بس بعد موضوع التمويج دة هاشوف موضوع الثلاثى دة
وعلى فكرة انا هاستناك تقولنا عملت اية معاهم والتكلفة كام ههههههههههههه شفت بقى الكورة فى ملعبك
وموفق ان شاء اللة
ربنا يجبر بخاطرك - و اشكرك جزيل الشكراقتباس:
المشاركة الأصلية كتبت بواسطة mastr_n
باذن الله هاروح لهم بكره عشان معملتش حسابي فى فلوس النهارده - واوعدك باذن الله اكتب التفاصيل كلها
واشكرك مره تانيه لردك و اهتمامك
يا باشا و الله ما زعلان منك بالعكس خالص أنا زعلان على شانك و الله و على إزاز العربية على شان هيه فعلاً حاجة تحرق الدم لأنها حصلت معاياة قبل كده مرتين و هي فعلاً سخيقة ... و يعدين يا ياشا لازم تطول بالك شوية لأن و الله سعات الواحد مبيخدش بالو إن في رد أو تعقيب منتا عارف بقه الشغل و الي حواليك و التلفون يهده التتش ههههههههههههه متزعلش نفسك يا كبير و انا تحت أمرك و المنتدى كلو تحت أمرك عنينا ليك يا غالي :M_yes[1]:اقتباس:
المشاركة الأصلية كتبت بواسطة mhkash
السلام عليكم
هاقول لحضراتكم عملت ايه فى الموضوع الزجاج
رحت شوفت محل الثلاثي فى شارع جمال عبد الناصر -
الشارع ده تدخل له وانت قادم من طريق الاسماعيليه الصحراوي - متطلعش كوبري الهايكستيب اللى بينزل على شارع جوزيف تيتو اللى فيه السندباد - لا حضرتك تكمل على طول فى شارع جسر السويس
مباشرة تحت الكوبري و قبل الزحمه هتلاقي شارع يمين- هو ده شارع جمال عبد الناصر
فسألت عنده لقيت زجاج مستورد و هو بيقول صيني و تمنه 750 جنيه بالتركيب و بالسليكون وكله - و عندو زجاج مصري عليه علامة هيونداي - سعره 650 بالتركيب - وقالى المصري هو اللى ماشي اكتر من المستورد - و عندو نوع سيليكون تاني اسمه سيكا - وبيقول انو بيلزق فى خلال ساعتين بس - و سعره 250 جنيه ب- يعني لو اخد الزجاج المصري و استبدل السيليكون اللي بيشتغل بيه بالسيليكون اللى اسمو سيكا - تكون التكلفه كلها 900 جنيه - هو اكيد السعر مبالغ فيه لاني طالما استبدل السيليكون اللى ضمن تكلفة الزجاج بالسليكون السيكا - بيقى لازم يخصم تكلفة السيليكون العادي من ال650 جنيه
بس معلش - الامر لله - مضطر استحمل
وشكرا لمساعدتكم كلكم - انا حقيقي عاجز عن الشكر
والسلام عليكم
مبروك الزجاج يا باشا و إن شاء الله تكون أخر مره و ربنا يباركلك و يستر طريقك آمين ...
الف شكر يا هيثم باشا - جزاك الله خير - مش عارف من غيرك كنت عملت ايهاقتباس:
المشاركة الأصلية كتبت بواسطة haitham basha
الله يحفظك و يرعاك
السلام عليكم
يا باشا و الله ما عملت حاجة تذكر .. ألف شكر ليك و لذوقك و لدعائك و يا ريت لو احتجت أي شيء تقولي على طول أنا في الخدمة ما أدامني الله في الدنيا ...اقتباس:
المشاركة الأصلية كتبت بواسطة mhkash
في أمان الله ... و عليكم السلام و رحمة الله و بركاته ...