افيدونى موتور كيا كارينز

**sherifewais** · 15-09-2013 03:15 PM

اسباب ارتفاع معدل استهلاك الوقود 320 كم لكل 45 لتر بنزين 92 ؟؟؟؟؟

**amr mohammed k** · 15-09-2013 03:34 PM

يا جماعة انا عندى عربية كيا سبكترا 2005 وعاوز ابيعها للتغيير فقط الثمن 40000 الف السعر قابل للتفاوض المواصفات : زجاج كهربة وعفشة مشدودة ورشة برة نظافة وفرش الصالون فبريكة والكاوتش والبطارية شبة جداد حالة العربية عامة جيدة ولكن محتاجة لوش نظافة العنوان فى فيصل واسمى عمرو ودة رقم تليفونى 01128762349 اسف لو كنت طولت بس ياريت تساعدونى

**Ahmed_Adham** · 15-09-2013 04:47 PM

المشاركة الأصلية كتبت بواسطة sherifewais

اسباب ارتفاع معدل استهلاك الوقود 320 كم لكل 45 لتر بنزين 92 ؟؟؟؟؟

طبعا استهلاك عالي جدا. انت بتسوق العربيه فين معظم الوقت؟ جوه المدينه ولا سفر؟ والعربيه عامله كام كيلو وأخر مره غيرت زيت وبوجيهات امتى؟ غيرت فلتر الهوا قبل كده ولا لاء؟

**احمد المصرى** · 15-09-2013 04:51 PM

معلش انت بتحسب الاستهلاك اذاى يعنى دا ال مكتوب على كمبيوتر العربيه ولا بتحسبها عدد لترات انت مونتها وعدد كيلو متر انت مشيته

بتحسبها اذاى وهل حساباتك بالتكييف ولا بدون والعربيه عامله كام كيلو

**saddam** · 15-09-2013 05:03 PM

صديقي المواطن هو مش عالي أوي يعني إنت بتعمل معاك اللتر 7.1 كيلومتر في التكييف فإنت تنظف الرشاشات وتغير البوجيهات وتركبها على أبوها متخليش الميكانيكي يلعب في الخلوص بتاعها وتغيرلي فلتر الهواء وممكن توصل معاك 9 كيلو متر في اللتر نظرا ﻷن الكارينز تقيلة على موتورها ودمتم للنضال

**sherifewais** · 15-09-2013 05:52 PM

تم تغير البوجيهات وفلتر الهواء
وهذا الحسابات طبقا لقيادة 100 ك/الساعة بالتكيف وعلى طريق سريع
والعربية عاملة حوالى 80000

**saddam** · 15-09-2013 06:51 PM

صديقي المواطن
إذن.فقط تنظف حساس البوابة ال آي سي واارشاشات فإن.لم يتحسن صرف الوقود فلا بد من تغيير الرشاشات بجديد ودي غالية جدا الواحد ب 375 جنيه بس اﻷول نظف الرشاشات هات 6 علب منظف رشاشات من التوفيقية.أبو 20 جنيه حط في أول تموينة 4 وغير فلتر البنزين قبلها وعيش حياتك تموينة 92 والتموينة اللي بعدها تحط 2 الباقيين وتمشي بيها حتلاقي الرشاشات ودورة.الوقود رجعت جديدة وإحرص من ضمن ال 6 علب بيكون واحد منظف صبابات ومتجيبش الحاجات الغالية أم 68 جنيه العلبة حتتعبنا من.غير إنجاز والتموينة.الثالثة تغير فلتر البنزين تاني ومتسمعش كلام أي مواطن يقلك واحد.أو إثنين كفاية.أنا مجرب في عشرات العربيات مش عربية ولا عربيتين ولو مش عايز تعمل ده فنظف بجهاز اﻷلتراسوند وده ليه عيوبه وليه حسناته ودمتم.للنضال

**sherifewais** · 15-09-2013 09:06 PM

المشاركة الأصلية كتبت بواسطة saddam

صديقي المواطن
إذن.فقط تنظف حساس البوابة ال آي سي واارشاشات فإن.لم يتحسن صرف الوقود فلا بد من تغيير الرشاشات بجديد ودي غالية جدا الواحد ب 375 جنيه بس اﻷول نظف الرشاشات هات 6 علب منظف رشاشات من التوفيقية.أبو 20 جنيه حط في أول تموينة 4 وغير فلتر البنزين قبلها وعيش حياتك تموينة 92 والتموينة اللي بعدها تحط 2 الباقيين وتمشي بيها حتلاقي الرشاشات ودورة.الوقود رجعت جديدة وإحرص من ضمن ال 6 علب بيكون واحد منظف صبابات ومتجيبش الحاجات الغالية أم 68 جنيه العلبة حتتعبنا من.غير إنجاز والتموينة.الثالثة تغير فلتر البنزين تاني ومتسمعش كلام أي مواطن يقلك واحد.أو إثنين كفاية.أنا مجرب في عشرات العربيات مش عربية ولا عربيتين ولو مش عايز تعمل ده فنظف بجهاز اﻷلتراسوند وده ليه عيوبه وليه حسناته ودمتم.للنضال

الف شكر . بس هل البوابة تحتاج للتغير و وما هو جهاز الألتراسوند ؟؟؟

**saddam** · 15-09-2013 10:13 PM

المشاركة الأصلية كتبت بواسطة sherifewais

الف شكر . بس هل البوابة تحتاج للتغير و وما هو جهاز الألتراسوند ؟؟؟

صديقي المواطن
البوابة تتغير في حال إتفكت بره وإتنظفت ثم ركبت والعربية.إتبرمجت ومأدتش أداء صح يبقه تتغير أما جهاز الالتراسوند أو ألألتراسونيك فده جهاز تتفك رشاشات العربية.بره وتركب فيه ويتحطله مادة منظفة ويقوم.الجهاز.بمحاكاة ظروف.تشغيل العربية بس بدل البنزين.بيتحط مواد منظفة ويقعد يفحص الرشاش لغاية ميبقه رشاش بيرش مش بينقط ولا بيسيل وإحنه بنستغني عن الموضوع ده ب 6 علب منظف رشاشات وفلترين بنزين وفلتر هواء وبوجيهات وتموينتين بنزين ونعيش اللحظة طبعا تنظيف بالجهاز وطني ومحترم بس يعيبه مش كل حد يظبط فك وتركيب الرشاشات بدون مشاكل خصوصا للعربيات اللي فيها مننافل معقد ودايما بيحصل تهريب هوا في التقفيل وممكن.يتظبط من أول مرة.وأحيانا يطلع رشاش خاين الوطن وعطلان فلازم يتغير والرشاش الجديد ب 375 والمستعمل ب 100 إلى 150 تقريبا أما 6 منظفات من التوفيقية ب 120 جنيه نفسها هي هي في البنزينات حتعدي ال 200 وموضوعك بسيط ودمتم للنضال
ملحوظة حلولي متطرفة.بس عن تجارب بعشرات العربيات وعلبة أو علبتين أو تلاتة منظف لن تؤدي المطلوب ودايما بخش بنقاشات مع بتوع أجهزة تنظيف الرشاشات لفشل المنظفات في التنظيف فالسبب إنك بتحط علبة علبة على 60 لتر وفب الجهاز بيحطوا علبة على لترين أو ثلاثة ودمتم للنضال ملحوظة.المواد دي لا ضرر منها على مواسير وتنك العربية والطرمبة كما.حدثت من إدعاءات غير وطنيه هنا في المنتدى