كام سؤال لتظبطات الماروتي :d
شباب ونسور سوزوكي المحترمين :)
ازيكم عاملين ايه ؟ بقالي كتيير ماشاركتش معاكم لضعف خبرتي
معلش اعزروني :)
في البداية احب اسلم وامسي عليكم واخص بالذكر عباقرة المنتدي
الستاذ عمرو اكسيل ، والدوك حازم اللورد عادل :D :satelite: وطبعا والشباب اللي انا لسة ماتشرفتش بيهم
واشكرهم قبل اي شيء لانهم فعلا فادوني وساعدوني بخبرتهم وتجربتهم السابقة
قررت اعمل شوية تظبيطات بسيطة كده للماروتي حبيبة الملاين :Copy of m-s5:
اولا : كنت عاوز اركب شاشة عرض ، وتكون في نص العربية من جوه ، مش على التابلوه ، اي حد جرب الموضوع ده او يعرف ياريت طبعا يفيدني بانهي نوع افضل وهل ينفع اصلا ، وهل في حاجة معينة مطلوبة تتظبط الاول في الكهربا مثلا ، وتقريبا هاتتكلف في حدود كام ... ياعني اي معلومات تفيد الموضوع ده :)
ثانيا : كنت عاوز اركب استيكر (بصراحة انا مش عارف اسمه بالظبط) الاستيكر السادة اللي بيكرب على الكبوت وله ملمس مختلف (بيدي منظر حلو للعربية وطبعا بيحميها من الخربشة) بلون مختلف
انا اعرف كويس ناس محترفة بتعمله ، بس سؤالي هنا ... هل في مشكلة لو عملته على الكبوت بس مش مهم السقف او الظهر .. هل في مشكلة في المرور .. او مثلا ممكن لدنه مثلا تغلس عليا بيه ؟؟
ممكن مثلا اخد عليه مخالفات ؟؟!!! ولا بلاش منه اصلا ؟؟
ثالثا : حد يعرف مكان ممكن اجيب منه طقم ستارة ضغط للماروتي (وهل هايبقى مخالف او فيه مشكلة ولا لأ)
ورحت اشتريتلها طقم دواسات نضيف ، واخيرا جبت كافار سمول للدريكسيون
وناوي اظبطها اكتر من جوه ان شاء الله بس مش عارف اجيب ايه ... ؟؟ حد عنده افكار ؟
وشكرا ، ومعلش بقا لو طولت عليكم .. ياريت الاجابة تبقى محترفة زي ماعودتوني "نقطة ، نقطة" :D
تحياتي :)