انا اشتريت عربيه لانسر ممكن تساعدوني في كام ملحوظه

**Ahmed_pop_199** · 08-09-2008 06:51 AM

بسم الله الرحمن الرحيم
سعيد جدا اني انا لقيت الموقع ده
اما احمد شتريت عربيه لانسر 2005 < 7/2005>1600 اتوماتيك
اجزاء منها راشه بره و الباقي كله علي الفابريقه الصالون بتاعها ما شاء الله زي الزيرو بالضبط
اشتريتها ب 76000 طبعا ده غير السماسره و الشاي و الكلام اللي انتو عارفينه ده و غير برضه الكاوتش اللي جبت غيره في نفس اليوم بعد ما الفرده اللي قدام باظت
المهم .
انا عربيتي لون فرشها بيج و الفتيس جلد بيج و خشب ابنوس و كاسيت سي دي سوني اكسبلودو الدركسيون برضه جلد بيج ز فيها اتنين اير باج السائق و اللي جنبه
انا مش لاقي عربيه زي دي يعني في الفتيس و الجلد و الاتنين الاير باج و مش عارف 1هيا صناعتها ايه خليجي و لا غيره المطلوب بقي من حضراتكم تعرفوني مين هو المهندس طارف لاني انا قريته عنه كتير في المنتدي و تقولولي الاول سعر العربيه كويس و لا لأ ثانيا تعرفولي العربيه خليجي و لا لأ مع العلم ان في ناس بتقول ان الخليجي قطع غياره اغلي و كمان موضوع الاتنين اير باج و الفتيس و فرامل اليد الجلد و الدريكسيون الجبد الابيض اللي نا مشوفتهومش في اي عربيه قبل كده و اسف علي الاطاله و اتمني الرد سريعا .

**مصراوي جدا** · 08-09-2008 10:21 AM

أهلا بيك يا استاذ أحمد معانا في المنتدى.. والف مبروك العربية .. ربنا يديك خيرها ويكفيك شرها

هو غالبا العربية خليجي طالما 2 ايرباج لأن المصري بتكون ب 2 ايرباج في حالة السبورت والسام فقط ، وعموما فيه حاجات سريعة تتأكد منها ان العربية خليجي :

1- رقم الشاسيه المختصر من 6 أرقام يبدأ بـ 7 أو 8 مثلا 771234 (المصري بيكون 3 أو 4 او 5 أرقام فقط مثلا 001234)
2- فيه قطعة بلاستك مثبته على التابلوه على شمال السائق تظهر من الخارج عليها رقم الشاسيه
3- فيه صفارة تخطي السرعة القانونية 120 كيلومتر/ ساعة (طبعا دي السرعة القانونية في الخليج)

والخليجي مفيهوش اي عيب وهو صناعة ياباني 100 % زي المصري بالظبط واسعار قطع غياره هي نفسها المصري مش اغلى (لأنها ببساطة نفس قطعة الغيار)

وكون ان حضرتك مشفتش الكماليات دي في عربية تانية فده لأن الكماليات متنوعة جدا في العربيات الخليجي انما في الآخر الموضوع فروق كماليات مش اكتر

بخصوص السعر انا مش خبير في سعر المستعمل انما بالتأكيد فيه كتير هنا في المنتدى ممكن يفيدوا حضرتك

والف مبروك مرة تانية

**beebahly** · 14-09-2008 10:45 AM

انا جبت لانسر بوما 2008 العربية تحفة بس حاسس ان فراملها ضعفت
ده عادي ولا بيتهيألي ولا ايه الكلام
ولو فعلا ضعفت اعمل ايه

**nobody** · 14-09-2008 01:50 PM

المشاركة الأصلية كتبت بواسطة beebahly

انا جبت لانسر بوما 2008 العربية تحفة بس حاسس ان فراملها ضعفت
ده عادي ولا بيتهيألي ولا ايه الكلام
ولو فعلا ضعفت اعمل ايه

عادي جدا اهم حاجة ما تديش للموضوع ده اهتمام
انا كنت زيك كده برضه و وديتها التوكيل اكتر من مرة و قالولي الفرامل كويسة
بس هي طبعا مش زي زمان بس ما دام بتفرمل كويس يبقى خلاص
انا الفرامل قعدت حلوة اوي معايا اول ألفين كيلو بعد كده قلت شوية و ثبتت على كده
فرامل اللانسر عموما مش خارقة تقدر تقول متوسطة

**beebahly** · 16-09-2008 06:56 AM

شكرا يا بوب عالرد وربنا يباركلك في عربيتك

**Dr.SherifMansy** · 18-09-2008 02:05 AM

الف مبروك يا بوب و ربنا يبارك لك فيها و يبعد عنك شرها
طبعا كلام استاذنا المهندس طارق لا غبار عليه و لكن بعد اذنه اسمحوا لى اضيف حاجة بسيطة يمكن تساعد:
افتح باب السواق و بص على القايم الأوسط من تحت خالص ، المفروض تلاقى لوحة معدنية صغيرة مكتوب عليها تاريخ الصنع و المواصفات حسب انهى بلد (المملكة العربية السعودية مثلا لو خليجى ، شرق اوسطية لو اردنى ، جمهورية مصر العربية لو مصرية ، و هكذا)
و عموما زى ما قال الباشمهندس طارق

وكون ان حضرتك مشفتش الكماليات دي في عربية تانية فده لأن الكماليات متنوعة جدا في العربيات الخليجي انما في الآخر الموضوع فروق كماليات مش اكتر

ده انا شفت لانسر فيها مثبت سرعة (cruise control) و بصراحة ماشفتهوش فى اى لانسر تانية ، لا مصرى و لا خليجى...

**Dr.SherifMansy** · 19-09-2008 01:53 AM

المشاركة الأصلية كتبت بواسطة beebahly

شكرا lancer92 بس هي خليجي
وبيتهيألي اني اكتشفت ان الخليجي 1600 مانيوال مفيهوش abs

و الله يا باشا مافيش مواصفات معينة للخليجى ، انا مثلا عربيتى جبتها هاف سبورت كويتى علشان يبقى فيها 2 ايرباج و ABS لأنى موسوس من حكاية السلامة دى ، و اخدت فوقها شوية كماليات فوق البيعة زى العتب و الجنوط و الفوج لايت و الدواسات الرياضية (نيكل) و طارة و عصا الفتيس و الهاند بريك جلد طبيعى ، مع انى شفت قبلها بساعة زمن (و ماجبتهاش) هاف سبورت برضه و لكن فيها سبويلر و بدون ABS أو ايرباج للراكب الأمامى و لكن كل الباقى واحد فى العربيتين
للأسف مافيش مواصفات واحدة للخليجى ، لازم تلف و تدور لغاية ما تلاقى طلبك
و على فكرة ، اسمى شريف و انا جراح عيون
و تحياتى

الموضوع: انا اشتريت عربيه لانسر ممكن تساعدوني في كام ملحوظه

LinkBack

أدوات الموضوع

عرض

-

-

-

-

المواضيع المتشابهه

باركولى .. اشتريت لانسر 2006 هاف بس عندى كام ملحوظه

اشتريت لانسر 2007 امبارح وعايز اجيب طقم سرفيس كامل ممكن تساعدوني

ممكن تساعدوني في لانسر 2003

الى وحوش النايل موتورز ممكن تساعدوني في شراء عربيه

عااااااجل ...يا جماعه انا هشتري عربيه ممكن همتكم تساعدوني فيها

الكلمات الدلالية لهذا الموضوع

المفضلات

المفضلات

ضوابط المشاركة